بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حالىق تورابىنىڭ شولۋى: ٶسىم مولشەرى قىزىل سىزىعىن رەتتەپ، حالىقتىق قارىزدىڭ ورنىقتى، اقاۋسىز دامۋىن جەبەۋ كەرەك

    شۇي جۋان

2020.08.24 15:54     كەلۋ قاينارى : حالىق تورابى

  8 – ايدىڭ 20 – كۇنى، ەڭ جوعارى حالىق سوت مەكەمەسى جاڭادان وزگەرىس ەنگىزىلگەن «ەڭ جوعارى حالىق سوت مەكەمەسىنىڭ حالىقتىق قارىز دەلولارىن قاراۋدا زاڭ قولدانۋعا قاتىستى ءبىرقانشا ماسەلە جونىندەگى بەلگىلەمەسىن» (تومەندە قىسقاشا «بەلگىلەمە» دەلىنەدى) رەسمي جاريالادى. «بەلگىلەمەدە» مىنالار ايقىن بەلگىلەندى: جۇڭگو حالىق بانكەسى ۇقىق بەرگەن بۇكىل ەلدەگى بانكەلەر ارا ۇقساس كاسىپتەگى قىسقا مەرزىمدىك قارىز اقشا بەرۋ ورتالىعى ءار ايدىڭ 20 - كۇنى جاريالاعان ءبىر جىلدىق قارىز اقشا بازارىنىڭ باعا مالىمدەۋ ءوسىم مولشەرىنىڭ(LPR)4 ەسەسىن ولشەم ەتىپ، حالىقتىق الىم - بەرىمنىڭ ءوسىم مولشەرىن ءادىليالىق قورعاۋدىڭ جوعارى شەگىن تۇراقتاندىرىپ، بۇرىنعى «بەلگىلەمەدەگى» «%24 پەن %36تى ۇستايتىن ەكى شەك، ءۇش بولىكتىڭ» ورنىن باستى. 2020 – جىلى 7 – ايدىڭ 20 – كۇنى جاريالانعان ءبىر جىلدىق قارىز اقشا بازارىنىڭ ءوسىم مولشەرىنىڭ %3.85تىڭ 4 ەسەسى بويىنشا ەسەپتەگەندە، حالىقتىق قارىز اقشانىڭ ءوسىم مولشەرىن ءادىليالىق قورعاۋدىڭ جوعارى شەگى %15.4 بولىپ، بۇرىنعى %24 پەن %36كە سالىستىرعاندا نەداۋىر زور دارەجەدە تومەندەگەن.

  ۇزاق ۋاقىتتان بەرى، حالىقتىق قارىزدىڭ فورماسى يكەمدى، رەسمياتى قاراپايىم، قارجى قۇراۋى تەز بولۋ سياقتى ەرەكشەلىكتەرىنە سۇيەنىپ، قوعامنىڭ كوپ نەگىزدى قارجى قۇراۋ قاجەتىن قاناعاتتاندىرىپ، ورتا، شاعىن، ۇساق كاسىپورىنداردىڭ قارجى قۇراۋى قيىن بولۋ، قارجى قۇراۋى قىمبات بولۋ ماسەلەسىن بەلگىلى دارەجەدە باسەڭدەتتى. ەكونوميكا مەن قوعامنىڭ دامۋىنا، وزگەرۋىنە بايلانىستى، حالىقتىق الىم - بەرىمدە دە ءوسىم تىم جوعارى بولۋ، كولەمى تىم كەڭ بولۋ، شەك - شەكاراسى كۇڭگىرت بولۋ سياقتى جاڭا احۋالدار مەن تىڭ ماسەلەلەر جارىققا شىقتى. بيىل جىل باسىنان بەرى، جاڭا تيپتى ايدارشا ۆيرۋس وكپە قابىنۋ ىندەتى ەلىمىز ەكونوميكاسى مەن دۇنيە ءجۇزى ەكونوميكاسىنا زور سوققى بەردى، ەلىمىزدەگى كوپتەگەن ورتا، شاعىن كاسىپورىندار جانە جەكەشە ونەركاسىپشىلەر مەن ساۋداگەرلەر بۇرىن بولىپ كورىلمەگەن قىسىمعا تاپ بولدى، ال قارجى قۇراۋدىڭ وزىندىك قۇنىنىڭ تىم جوعارى بولۋى ماڭىزدى سەبەپتەردىڭ ءبىرى.

  بۇل رەتكى ەڭ جوعارى حالىق سوت مەكەمەسىنىڭ حالىقتىق قارىزدىڭ ءوسىم مولشەرىن ءادىليالىق جاقتان قورعاۋدىڭ جوعارى شەگىن زور دارەجەدە تومەندەتۋى، ءبىر جاعىنان، حالىقتىق قارىزدىڭ ءوسىم مولشەرىن بىرتىندەپ ەلىمىزدىڭ ەكونوميكالىق، قوعامدىق دامۋىنىڭ ءىس جۇزىندىك ورەسىمەن سايكەستىرۋ، ورتا، شاعىن، ۇساق كاسىپورىنداردىڭ قارجى قۇراۋ وزىندىك قۇنىن تومەندەتىپ، قوعامدىق قارجى قۇراۋ كولەمىنىڭ ۇيلەسىمدى ارتۋىن ساقتاپ، بازار سۋبيەكتىلەرىنىڭ دامۋ قوزعاۋشى كۇشى مەن ومىرشەڭدىك قۋاتىن ۇزدىكسىز ارتتىرۋ؛ ەندى ءبىر جاعىنان، حالىقتىق قارىز ارەكەتىنە جەتەكشىلىك ەتىپ، ارناعا ءتۇسىرىپ، حالىقتىق قارىز داۋ - شارىن اناعۇرلىم ناقتى، ايقىن تورەلىك ايتۋ ولشەمىمەن جانە قۇتقارۋ ارناسىمەن قامداپ، حالىقتىق قارىزدىڭ ورنىقتى، اقاۋسىز دامۋىنا كەپىلدىك ەتۋ.

  ءوسىم مولشەرى قارىز الۋ مەن قارىز بەرۋدى بايلانىستىرادى. ءوسىم مولشەرىن قورعاۋدىڭ جوعارعى شەگى تىم جوعارى بولىپ كەتسە، قارىز الۋشىنىڭ مۇددەسىن قورعاۋ ماقساتىنا جەتە الماۋدان تىس، سەنىمدىلىك حاۋىپ - قاتەرى مەن ءمورالدىق حاۋىپ - قاتەر دە ءومىر سۇرەدى. ءبىراق ءوسىم مولشەرىن قورعاۋدىڭ جوعارعى شەگى وتە تومەن بولىپ كەتسە، قارىزبەن قامداۋى جەتىسپەي قالۋى مۇمكىن، قارجى قامداۋ - قاجەتسىنۋدىڭ شيەلەنىستى قاتىناسىن ۋشىقتىرادى، حالىقتىق قارىز جاريالىلىقتان جاسىرىن كۇيگە وتەدى، جەر استى اقشا دۇكەندەرى مەن بانكەلەرى ءتىپتى دە جاندانىپ، حالىقتىق قارىزدىڭ ءىس جۇزىندىك ءوسىم مولشەرى ونان ارى ارتۋى مۇمكىن. سوندىقتان، حالىقتىق قارىزدىڭ ءوسىم مولشەرىن ءادىليالىق جاقتان قورعاۋدىڭ جوعارعى شەگى قانشالىق تومەن بولسا، سونشالىق جاقسى بولا بەرمەيدى. بۇل رەتكى ەڭ جوعارى حالىق سوت مەكەمەسى حالىق اراسىنداعى قارىز ءوسىمى قىزىل سىزىعىن بايىپتىلىقپەن تەڭشەۋى حالىقتىق قارىزدىڭ ءوسىم مولشەرىن ءادىليالىق قورعاۋدىڭ جوعارعى شەگىن سالىستىرمالى ۇيلەسىمدى كولەمدە ساقتاۋ ءۇشىن بولىپ وتىر، قوعامداعى ءار سالانىڭ پىكىرىن قابىلداعاننان كەيىن قالىپتاسقان ەڭ ۇلكەن ورتاق بولگىش، قازىرگى جۇڭگونىڭ ەكونوميكالىق، قوعامدىق دامۋىنىڭ وبيەكتيۆتىك قاجەتىنە اناعۇرلىم ۇيلەسەدى.

  ايتا كەتۋگە تاتيتىنى، «بەلگىلەمە» «كاسىپتىك قارىز بەرۋشى»، جوعارى ءوسىمدى قارىز اقشا بەرۋ سياقتى بۇقارانىڭ اڭىسى كۇشتى ماسەلەلەرگە جاۋاپ قايتاردى. زاڭ بويىنشا قارىز بەرۋ تولىمدىلىعىن الماعان قارىز بەرۋشى پايدا تابۋ ماقساتىمەن قوعامداعى ەرەكشە بەلگىلەنبەگەن وبيەكتىلەرگە قارىز اقشا بەرەتىن بولسا، توقتامدى كۇشكە يە ەمەس دەپ تانۋ كەرەك. فينانس قۇرىلىمدارىنىڭ قارىز اقشاسىن الداپ الىپ وتكەرمەلەسە، توقتامدى كۇشكە يە ەمەس دەپ تانۋ كەرەك. بۇل بەلگىلەمەلەر فينانس ءتارتىبى مەن قوعامنىڭ ورنىقتىلىعىن، حالىق بۇقاراسىنىڭ زاڭدى ۇقىق - مۇددەسى مەن تۇرمىسىنىڭ تىنىشتىعىن قورعاۋعا پايدالى.

  حالىقتىق الىم - بەرىم كوپ ساتىلى امانات - قارىز بازارىنىڭ ماڭىزدى قۇرامداس بولىگى، ونى ارناعا ءتۇسىرۋ دە، قورعاۋ دا قاجەت. كەزەكتەگى كۇردەلى دە قاتاڭ ەكونوميكالىق جاعداي الدىندا، ەڭ جوعارى حالىق سوتى مەكەمەسى حالىقتىق قارىز ءوسىمى قىزىل سىزىعىن دەر كەزىندە رەتتەپ، بازار سۋبيەكتىلەرىنىڭ ومىرشەڭدىگىن پارمەندى قورعايدى جانە جانداندىرادى، ەكونوميكانىڭ جوعارى ساپالى دامۋىن ىلگەرىلەتەدى. بۇل دا «التىنى ورنىقتىرۋ» قىزمەتىن تىڭعىلىقتى جاقسى ىستەپ، «التىنى قامتاماسىز ەتۋ» مىندەتىن جاپپاي تياناقتاندىرىپ، ىندەتتەن ساقتانۋ جانە ونى تىزگىندەۋ مەن ەكونوميكالىق، قوعامدىق دامۋ قىزمەتىنە اناعۇرلىم پارمەندى ءادىليالىق قىزمەت وتەۋ جانە قامتاماسىزدىق ازىرلەيدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار