بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ٶسىمى %15.4تەن اسقاندا جوعارى ٶسىمدى قارىزعا جاتاما؟ مامانداردىڭ ايتقانىن تىڭداپ كورىڭىز!

ەكونوميكا گازەتىنىڭ ءتىلشىسى چيان چيڭني لي ۋانشياڭ

2020.08.27 12:30     كەلۋ قاينارى : حالىق تورابى

  جاقىندا ەڭ جوعارى حالىق سوت مەكەمەسى حالىقتىق قارىز ءوسىمىن زاڭ بويىنشا قورعاۋدىڭ جاڭا جوعارى شەگىن جاريالادى. %24 جانە %36تى نەگىز ەتكەن «ەكى شەكم ءۇش بولەكتى» جويىپ، جاڭا ءوسىم قىزىل سىزىعى LPRنىڭ 4 ەسەسى بولىپ بەلگىلەندى. جاڭا ءبىر جىلداعى LPR %3.85 بولعاندىقتان، حالىقتىق قارىز اقشانىڭ زاڭ بويىنشا قورعالاتىن شەگى %15.4 بولدى.

  جاڭا بەلگىلەمە جاريالانعاننان كەيىن بازاردىڭ جاپپاي نازارىن اۋداردى. كەيبىرەۋلەردىڭ قاراۋىنشا، ٶسىم %15.4 تەن اسىپ كەتسە جوعارى ٶسىمدى قارىز اقشا بولادى دەپ قارايدى. الايدا، كەيبىرەۋلەردىڭ قاراۋىنشا، ءوسىم قىزىل سىزىعىندا بوستىق بار، وپ - وڭاي اينالىپ وتۋگە بولادى دەپ قارايدى. شىندىقتىڭ تەگى قانداي؟ ەكونوميكا گازەتىنىڭ ءتىلشىسى قاتىستى مامان ـ وقىمىستىلارعا تىلشىلىك ىستەدى.

  بىرىنشىدەن، حالىقتىق قارىز ٶسىمىنىڭ جوعارى شەگى %15.4 دەپ تۇراقتانعان جوق.

  كاسىپتىك ماماندار بىلاي دەدى: %15.4 دەگەن ايتىلىم ەڭ العاشىندا ەڭ جوعارى حالىق سوت مەكەمەسىنىڭ تۇسىندىرمەسىنەن كەلگەن، «2020 – جىلى 7 – ايدىڭ 20 – كۇنى جاريالانعان ءبىر جىلدىق قارىز اقشا بازارىنىڭ باعانى مالىمدەۋ ءوسىم مولشەرى % 3.85تىڭ 4 ەسەسى بويىنشا ەسەپتەگەندە، حالىقتىق قارىزدىڭ ءوسىم مولشەرىن ءادىليالىق قورعاۋدىڭ جوعارى شەگى %15.4 بولعان، بۇرىنعى %24 تە %36 پەن سالىستىرعاندا ءبىرشاما زور دارەجەدە تومەندەدى.»

  بىلايشا ايتقاندا، %15.4 جوعارى شەك بيىل 7 - ايدىڭ 20 – كۇنگى LPR ءوسىمى بويىنشا ەسەپتەپ شىعارىلعان، ول وزگەرمەيتىن نارسە ەمەس. ەگەر LPR وزگەرسە، وسى جوعارعى شەك تە وزگەرەدى.

  ەكىنشى، جاڭا بەلگىلەمە شىققاننان كەيىن، حاباردا كورسەتىلگەندەي حالىقتىق قارىزدىڭ جاڭا شىعارىلعان بەلگىلەمەسىندە ساڭىلاۋ بار، حالىقتىق قارىز قۇرىلىمدارى «ساڭىلاۋ تاۋىپ» ٶسىمى %70كە جەتەتىن جوعارى ٶسىمدى قارىز اقشا تاراتا الادى.

  بۇل جونىندە جۇڭگۋانسۇن ينتەرنەت فينانس زەرتتەۋ ورنىنىڭ باس زەرتتەۋشىسى دۇڭ شيمياۋ بىلاي دەدى: قارىز الۋشىلار قارىز اقشا مەرزىمى تولعاننان كەيىن تولەۋگە ءتيىستى نەگىزگى سوما مەن ءوسىمنىڭ قوسىندىسى العاشقى قارىز اقشانىڭ نەگىزگى سوماسى مەن العاشقى قارىز اقشانىڭ نەگىزگى سانىنان اسىپ كەتسە، توقتام جاسالعان كەزدەگى ءبىر جىلدىق قارىز اقشانىڭ بازارداعى ءوسىم مولشەرىنىڭ 4 ەسەسى بويىنشا ەسەپتەلگەن تۇتاس قارىز اقشانىڭ ءوسىم مولشەرىنىڭ قوسىندىسىنان اسىپ كەتسە، حالىق سوت مەكەمەسى قولدامايدى. «بىلايشا ايتقاندا، مۇنداعى ‹4 ەسە› ءادىليالىق قورعاۋدىڭ جوعارى شەگىن كورسەتەدى، قالاي ەسەپتەۋ جونىندە وزگەرىس ەنگىزىلگەننەن كەيىنگى ءادىليالىق تۇسىندىرمەلەردە انىق كورسەتىلگەن» ـ دەدى دۇڭ شيمياۋ.

  جۇڭگو حالىق داشۋەسىنىڭ پروفەسسورى ليۋ جۇنحاي بىلاي دەدى: شىنىندا دا اتاقتاعى ءوسىم مولشەرى مەن ءىس جۇزىندىك ءوسىم مولشەرى سىندى ەكى ءتۇرلى جاعداي ءومىر سۇرەدى، ەكەۋىنىڭ دە پارقى بار. وسىدان بۇرىن ءىشىنارا قۇرىلىمدار رەسميەت اقىسى، باسقارۋ اقىسى، كەڭەس سۇراۋ اقىسى قاتارلى ارتىق قاراجاتتاردى الۋ ارقىلى ەڭ سوڭعى ءىس جۇزىندىك قارجىنىڭ وزىندىك قۇنى زاڭدا بەلگىلەنگەن ولشەمنەن الدەقايدا اسىپ كەتكەن. حالىقتىق قارىز الۋدىڭ ءوسىم مولشەرىن ءادىليالىق قورعاۋدىڭ جاڭا شەگى ءار ءتۇرلى نەگىزگى سوما مەن ءوسىمدى قايتارۋ ەسەپتەۋ ادىسىنەن كەيىن جاسالعان، كەيبىر قۇرىلىمداردىڭ باقاي قۋلىققا سالىنباۋىن ءۇمىت ەتەمىن.

  بۇدان سىرت، كاسىپتىك ماماندار مىنانى ەسكەرتتى: جاڭا بەلگىلەمە «حالىقتىق قارىز اقشانى» عانا باسقارادى دەپ ايقىن اتاپ كورسەتتى، بۇل جاڭا ەرەجەنىڭ بانكە، تۇتىنۋ فينانس سەرىكتىگى قاتارلى ماڭدايشالىق العان فينانس قۇرىلىمدارىنا ۇيلەسپەيتىندىگىنەن دەرەك بەرەدى. بىلتىر 9 - ايدا ماقۇلدانعان «بۇكىل مەملەكەتتىك سوت مەكەمەسىنىڭ حالىقتىق ساۋدا ىستەرىنە سوت اشۋ قىزمەتى جونىندەگى ءماجىلىستىڭ ماڭىزدى ەستەلىگىندە» بىلاي دەلىندى: حالىق سوت مەكەمەسى قارىز اقشا الۋ توقتامى داۋ - شارى دەلولارىن قاراۋ بارىسىندا، ەلەۋلى فينانس حاۋىپ - قاتەرىنەن ساقتانۋ جانە ونى جويۋ، تۇلعالىق ەكونوميكاعا فينانستىق قىزمەت وتەۋ، قارجى قۇراۋدىڭ وزىندىك قۇنىن تومەندەتۋ رۋحىنا ساي، فينانس قارىزى مەن حالىقتىق قارىزعا پارىقتى مامىلە جاساۋ كەرەك، ءارى ۇقساماعان ەرەجە جانە ءوسىم ولشەمىن قولدانۋ كەرەك.

  نازار اۋدارۋعا تاتيتىنى، باقىلاپ باسقارۋ تاراۋلارىنىڭ بەلگىلەمەسى بويىنشا، از سومالىق قارىز اقشا سەرىكتىگى بازارلاندىرۋ پرينسيبى بويىنشا تيجارات جۇرگىزەدى، قارىز اقشا ءوسىم مولشەرىنىڭ جوعارى شەگى ەركىنە قويا بەرىلەدى، ءبىراق ءادىليا تاراۋلارى بەلگىلەگەن ەڭ جوعارى شەكتەن اسىرۋعا بولمايدى. بۇل جونىندە دۇڭ شيمياۋ بىلاي دەدى: شاعىن قارىز سەرىكتىگى حالىقتىق قارىز ءوسىم مولشەرىنىڭ جوعارى شەگىن قولداناتىن - قولدانبايتىندىعى جونىندە زاڭدا تالاس - تارتىس بار، «شاعىن قارىز سەرىكتىگى قازىر جەرگىلىكتى ورىننىڭ فينانستىق باقىلاۋ – باسقارۋىنا كىرگىزىلدى، شاعىن قارىز سەرىكتىگى قاتارلىلاردى فينانس قۇرىلىمىمەن ۇقساس دەپ قاراپ، حالىقتىق قارىز ءوسىم مولشەرىنىڭ جوعارى شەگى ءتۇزىمىن قولدانباۋدى ويلاستىرۋعا بولادى.»

  كەلۋ قاينارى: حالىق تورابى

  
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار