بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

9 - ايداعى جاڭا بەلگىلەمەلەر

دەنساۋلىق ساقتاۋ دارىلەرى ەمدەۋ قامسىزداندىرۋىنا كىرگىزىلمەيدى، «تاريحتاعى ەڭ قاتاڭ جاراقسىز قاتتى زاتتار زاڭى» اتقارىلادى

2020.09.01 16:04     كەلۋ قاينارى : حالىق تورابى

  «تاريحتاعى ەڭ قاتاڭ جاراقسىز قاتتى زاتتار زاڭى» 9 – ايدان باستاپ اتقارىلادى

  مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 17 – ءماجىلىسى 4 – ايدىڭ 29 – كۇنى قاراپ ماقۇلداعان «جۇڭحۋا حالىق رەسپۋبليكاسىنىڭ جاراقسىز قاتتى زاتتاردىڭ ورتانى لاستاۋىنان ساقتانۋ جانە ونى جونگە سالۋ زاڭى» 2020 – جىلى 9 –ايدىڭ 1 – كۇنىنەن باستاپ رەسمي اتقارىلادى.

  بۇل زاڭ جيىنى 9 تاراۋ 126 تارماقتان قۇرالعان. جاڭادان 41 تارماق قوسىلعان بولىپ، «تاريحتاعى ەڭ قاتاڭ جاراقسىز قاتتى زاتتار زاڭى» دەپ اتالدى، ەمدەۋ جاراقسىز زاتتارىن ءبىر جاقتىلى ەتۋ، لاس بالشىق، قوقىر - قوقسىقتى تۇرگە ايىرۋ، قۇرىلىس قوقىر - قوقسىعى، ءبىر رەتتىك سۋلياۋ بۇيىمدار سياقتى باقىلاۋ - باسقارۋ مازمۇندارى تىڭنان قوسىلدى. مۇنان سىرت، جازا تۇرلەرى كوبەيتىلىپ، ايىپ اقشا مولشەرى جوعارىلاتىلىپ، زاڭعا قايشى ارەكەتتەر قاتاڭ جازالاناتىن بولدى.

  دەنساۋلىق ساقتاۋ دارىلەرى ەمدەۋ قامسىزداندىرۋىنا كىرگىزىلمەيدى

  7 – ايدىڭ 31 – كۇنى، مەملەكەتتىك ەمدەۋ قامسىزداندىرۋ مەكەمەسى «نەگىزگى ەمدەۋ قامسىزداندىرۋىنداعى ءدارى - دارمەكتى باسقارۋدىڭ ۋاقىتتىق جوباسىن» جاريالادى، بۇل 2020 - جىلى 9 – ايدىڭ 1 – كۇنىنەن باستاپ اتقارىلادى. دەنساۋلىق ساقتاۋ دارىلەرى، ساقتىق ۆاكسينا جانە جۇكتىلىكتەن ساقتانۋ دارىلەرى، سونداي – اق، نەگىزگى ەمدەۋ قامسىزداندىرۋىنداعى ءدارى - دارمەك جونىندەگى بەلگىلەمەلەرگە ۇيلەسپەيتىن باسقا دا دارىلەردى «ءدارى - دارمەك تىزىمدىگىنە» ەنگىزۋگە بولمايدى.

   قۇرىلىس سوماسىن 60 كۇننەن اسىرماي بەرۋ كەرەك

  7 – ايدىڭ 14 - كۇنى جۇڭگو ۇكىمەت تورابى «ورتا، شاعىن كاسىپورىنداردىڭ اقشا تولەۋدى قامتاماسىزداندىرۋ ەرەجەسىن» جاريالادى، بۇل 2020 – جىلى 9 – ايدىڭ 1 - كۇنىنەن باستاپ اتقارىلادى.

  ەرەجەدە ورگاندار، ءىسورىندار ورتا، شاعىن كاسىپورىنداردان زات، قۇرىلىس، قىزمەت وتەۋدى ساتىپ العاندا، زاتتى، قۇرىلىستى، قىزمەت وتەۋدى تاپسىرعان كۇننەن باستاپ 30 كۇن ىشىندە اقشاسىن تولەۋى كەرەك؛ باسقا كەلىسىم بولسا، اقشا تولەۋ مەرزىم شەگى ەڭ ۇزاق بولعاندا 60 كۇننەن اسپاۋى كەرەك، ورتا، شاعىن كاسىپورىنداردىڭ اقشاسىن كەشىكتىرىپ تولەسە، مەرزىمى ءوتىپ كەتكەن ءوسىمىن تولەۋ كەرەك.

  جولاۋشىلار اۆتوبۋزىنىڭ جولاۋشىلاردى جولشىباي ءتۇسىرىپ كەتۋىنە بولادى

  7 – ايدىڭ 15 – كۇنى، قاتىناس – تاسىمال مينيسترلىگى «تاسجول جولاۋشى تاسىمالى جانە جولاۋشى تاسىمال بەكەتىن باسقارۋ بەلگىلەمەسىن» جاريالادى، 9 – ايدىڭ 1 - كۇنىنەن باستاپ اتقارىلادى.

  جولاۋشىلار اۆتوبوزىنىڭ بەلگىلەنگەن جولاۋشىلار بەكەتىنەن سىرت جەردەن جولاۋشى الۋىنا نەمەسە جولشىباي جولاۋشى ىزدەۋىنە بولمايدى، ورىندى سەبەبى بولماي تۇرىپ جولىن وزگەرتۋگە بولمايدى. جولاۋشىلار اۆتوبۋزى جول قاتىناس حاۋىپسىزدىگىنە، قالا باسقارۋعا قاتىستى زاڭ - ەرەجەلەرگە بويسۇنۋ العى شارتى استىندا، شىققان جەرى مەن باراتىن جەرىندە، ورتا جولداعى بەكەتتەردەگى قالا رايونىندا، اۋدان - قالالاردىڭ قالا رايونىندا جولاۋشىلاردى جولشىباي ءتۇسىرىپ كەتۋىنە بولادى.

  جاڭا ەنەرگيالى اۆتوكولىك وندىرەتىن كاسىپورىنداردىڭ بازارعا كىرۋىنە رۇقسات ەتۋ شارتى تومەندەتىلەدى

  ونەركاسىپ جانە ينفورماتسيالاندىرۋ مينيسترلىگى وزگەرىس ەنگىزىلگەننەن كەيىنگى «جاڭا ەنەرگيالى اۆتوكولىك وندىرەتىن كاسىپورىندار مەن ولاردىڭ ونىمدەرىن بازارعا كىرۋگە رۇقسات ەتۋدى باسقارۋ بەلگىلەمەسىن» رەسمي جاريالادى. اتالعان بەلگىلەمە 2020 - جىلى 9 – ايدىڭ 1 – كۇنىنەن باستاپ اتقارىلادى.

  «بەلگىلەمەدە» جاڭا ەنەرگيالى اۆتوكولىك وندىرەتىن كاسىپورىنداردىڭ بازارعا كىرۋىنە رۇقسات ەتۋگە قاتىستى «جوبالاۋ، اشۋ قابىلەتى» جونىندەگى تالاپتار ءوشىرىلدى. كاسىپورىنداردىڭ ومىرشەڭدىك كۇشىن اناعۇرلىم ويداعىداي قاۋلاتىپ، كاسىپورىنداردىڭ بازارعا كىرۋ شارتىن تومەندەتۋ ءۇشىن، 5 ـ تارماق جانە «جاڭا ەنەرگيالى اۆتوكولىك وندىرەتىن كاسىپورىنداردىڭ بازارعا كىرۋ رۇقساتىن تەكسەرۋ تالابى» سياقتى قوسىمشا حۇجاتتارداعى «جوبالاۋ، اشۋ قۋاتىنا» قاتىستى مازمۇندار الىنىپ تاستالدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار