ءىرىپ – شىرۋگە قارسى تۇرۋ جايلى اقپاراتتارعا شولۋ
ءۇش «جولبارىس» وماقاستى، ورىنباسار قالا باستىقتارىنان بىرنەشەۋى تەكسەرىلدى
ورتالىق ءتارتىپ تەكسەرۋ كوميتەتى 8 - ايدا مىنا ءمانساپتىلاردىڭ ۇستىنەن حابارلاندىرۋ جاريالادى
2020.09.03 12:16 كەلۋ قاينارى : حالىق تورابى
جۇڭگو كوممۋنيستىك پارتياسى اقپارات تورابىنىڭ 9 – ايدىڭ 2 – كۇنى بەيجيڭنەن بەرگەن حابارى. 8 – ايدىڭ 31 – كۇنى كەشكى ساعات 20دان 4 مينۋت وتكەندە، ورتالىق ءتارتىپ تەكسەرۋ كوميتەتى – مەملەكەتتىك باقىلاۋ كوميتەتى تورابى سول ايداعى ەڭ سوڭعى دەلو اقپاراتىن جاريالادى: «گۇيجوۋ ولكەلىك جوعارى قارقىندى تاس جول توبى شەكتى سەرىكتەستىگى پارتكومىنىڭ بۇرىنعى مۇشەسى، جوراسى، ورىنباسار باس ديرەكتورى چين جيە پارتيادان شىعارىلىپ، ۇكىمەت قىزمەتىنەن بوساتىلدى».
ساناققا قاراعاندا، ورتالىق ءتارتىپ تەكسەرۋ كوميتەتى تورابىنىڭ «تەكتەۋ – تەكسەرۋ» ايدارشاسىندا 8 – ايدا جيىنى 50 گە جۋىق كادرگە قاتىستى دەلو ينفورماتسياسى جاريالاندى، بۇل ينفورماتسيالار ورتالىق كوميتەتتىڭ ۇيىمداستىرۋ ءبولىمىنىڭ باسقارۋىنداعى 3 كادرگە، مەملەكەتتىك ورگاندار مەن فينانس قۇرىلىمدارىنداعى 4 كادرگە، سونىمەن بىرگە، ولكە باسقارۋىنداعى 40 كادرگە سايادى. مۇندا 34 كادردىڭ ۇستىنەن تۇڭعىش رەت حابارلاندىرۋ شىعارىلعان، وزگە حابارلاندىرۋلار وماقاسقان كادرلارعا قاتىستى دەلولاردى ءبىرجاقتىلى ەتۋ ناتيجەسى بولىپ، 13 ادامعا پارتيادان شىعارۋ جازاسى بەرىلگەن.
8 – ايدا ورتالىق كوميتەتتىڭ ۇيىمداستىرۋ ءبولىمىنىڭ باسقارۋىنداعى 3 كادردىڭ تەكتەۋ – تەكسەرۋدى قابىلداعانى جونىندە تۇڭعىش رەت حابارلاندىرۋ شىعارىلعان. ولار: شاڭحاي قالاسىنىڭ ورىنباسار قالا باستىعى، قالالىق قوعام حاۋىپسىزدىگى مەكەمەسىنىڭ باستىعى گۇڭ داۋ – ان، جۇڭگو استىق – ماي توبى شەكتى سەرىكتەستىگىنىڭ پارتگرۋپپا مۇشەسى، باس بۇعالترى لو جياماڭ جانە بەيجيڭ قالالىق ساياسي كەڭەستىڭ ورىنباسار ءتوراعاسى لي ۋەي. اتالعان 3 ءمانساپتى دا مىندەت اتقارىپ جاتقان مەزگىلدە وماقاستى.
8 – ايدىڭ 18 – كۇنى تۇستەن كەيىن، گۇڭ داۋ – ان مەن لو جياماڭنىڭ ۇستىنەن ىلگەرىندى – كەيىندى حابارلاندىرۋ شىعارىلدى. مۇندا، گۇڭ داۋ – ان پارتيا 19 – قۇرىلتايىنان بەرى شاڭحاي قالاسىنان تۇڭعىش رەت وماقاسقان ولكە دارەجەلى كادر، سونىمەن بىرگە، بيىل قوعام حاۋىپسىزدىگى جۇيەسىنەن وماقاسقان ءۇشىنشى «جولبارىس».
8 – ايدىڭ 25 – كۇنى، ورتالىق ءتارتىپ تەكسەرۋ كوميتەتى تورابى لي ۋەيدىڭ ۇستىنەن تەكتەۋ – تەكسەرۋ جۇرگىزۋ جونىندەگى ينفورماتسيانى جاريالادى. سونىمەن، بيىل ورتالىق كوميتەتتىڭ ۇيىمداستىرۋ ءبولىمىنىڭ باسقارۋىنداعى كادرلاردان كەمىندە 9 كادر مىندەت وتەپ جاتقان مەزگىلدە وماقاستى.
ساناققا قاراعاندا، 8 – ايدا ورتالىقتاعى ءبىرىنشى دارەجەلى فينانس ورىندارىنداعى كادرلاردان 2 كادر تەكسەرۋگە الىنعان. ولار: مەملەكەتتىك كوركەيتۋ بانكەسى سانشي ولكەلىك بولىمشە بانكەسىنىڭ بۇرىنعى بانكە باستىعى ۋاڭ شۋەفىڭ، ونەركاسىپ - ساۋدا بانكەسى فينانس ىستەرى ءبولىمىنىڭ بۇرىنعى ورىنباسار باس ديرەكتورى ۋاڭ يىڭكۇي. مۇنان سىرت، تاعى 2 ادام پارتيادان شىعارىلىپ، ۇكىمەت مىندەتىنەن بوساتىلعان. ولار: مەملەكەتتىك ينفورماتسيا ورتالىعىنىڭ بۇرىنعى ورىناسار مەڭگەرۋشىسى ما جۇڭيۇي، مادەنيەت جانە ساياحات مينيسترلىگى كوركەمونەردى دامىتۋ ورتالىعىنىڭ بۇرىنعى مەڭگەرۋشىسى جياڭ سۇنشيۇڭ.
مۇندا، ما جۇڭيۇي جونىندەگى حابارلاندىرۋدا ونىڭ ۇيىمدىق تارتىپكە قايشىلىق جاساپ، جەكە باسىنا قاتىستى ىستەردى شىنايى مالىمدەمەگەنى، ءوزىنىڭ باراتىن جەرىن تالاپقا ساي مالىمدەمەگەنى ايتىلعان. دەلو ءبىتىرۋشىنىڭ تانىستىرۋىنشا، 2017 – جىلدان 2019 – جىلعا دەيىن، ما جۇڭيۇي مەملەكەتتىك دامۋ – رەفورما كوميتەتىنىڭ بەيجيڭنەن سىرت جەرگە شىققاندا ەستەلىككە الدىرۋ بەلگىلەمەسىنە قايشىلىق جاساپ، بەكىتۋدەن وتكىزبەي تۇرىپ، 18 رەت بەيجيڭنەن سىرت جەرگە بارعان، ءىس وتكەن سوڭ دا بەلگىلەمە بويىنشا مالىمدەمەگەن.
ورتالىق ءتارتىپ تەكسەرۋ تورابىنىڭ اشكەرەلەۋىنشە، ما جۇڭيۇي ءوز بىلگەنىنشە 18 رەت بەيجيڭنەن سىرت جەرگە شىققان، مۇندا ۇكىمەت قىزمەتى بايلانىسىمەن 11 رەت بەيجيڭنەن سىرت جەرگە بارعان، نەگىزىنەن قاتىستى ءماجىلىس، تالقى جيىنى قاتارلى قيمىلدارعا قاتىناسقان، ءبىراق، بۇل قيمىلداردىڭ ونىڭ ءوز قىزمەتىمەن پالەندەي قاتىسى جوق، بەلگىلى دەڭگەيدە «ءسوزىن سويلەۋ»، «قولپاشتاۋ» سيپاتىن الادى، وسى ارقىلى ءتۇرلى سوماداعى «ماماندار اقىسى»، «ساباق ءوتۋ اقىسى» قاتارلى قاراجاتتاردى الۋىنا بولادى. ەڭ سوراقىسى، ما جۇڭيۇي بۇل قيمىلدارعا قاتىناسقان مەزگىلدە، بەلگىلەمەگە قايشى تۇردە اقشالاي ساۋعا قابىلداۋ، ورايدان پايدالانىپ، ۇكىمەت قاراجاتىمەن ساياحاتتاۋ قاتارلى تارتىپكە، زاڭعا قايشى ىستەر ىستەگەن.
8 – ايدا تەكسەرىلىپ ءبىرجاقتىلى ەتىلگەن ولكە باسقارۋىنداعى 40 نەشە كادردان 29 ادام جونىندە تۇڭعىش رەت حابارلاندىرۋ شىعارىلعان، 11 ادام پارتيادان شىعارىلعان. مۇندا، ايماق دارەجەلى قالالىق ۇكىمەتتەردەن ورىنباسار دارەجەلى مىندەت اتقاراتىن بىرنەشە كادر تەكسەرىلىپ انىقتالعان. مىسالى، جياڭشي ولكەسى فۋجوۋ قالاسىنىڭ ورىنباسار قالا باستىعى فاڭ بايچۇن، جىجياڭ ولكەسى تايجوۋ قالاسىنىڭ ورىنباسار قالا باستىعى ۋ جيانلي، گۋاڭشي ولكەسى گۇيگاڭ قالالىق حالىق ۇكىمەتىنىڭ ورىنباسار قالا باستىعى شۇي يۇيدۇڭ، گۋاڭدۇڭ ولكەسى گۋاڭجوۋ قالاسىنىڭ ۇنەمىلىك ىستەرگە جاۋاپتى بۇرىنعى ورىنباسار قالا باستىعى سۋ زىچۇن، حىبەي ولكەسى شيڭتاي قالاسىنىڭ بۇرىنعى ورىنباسار قالا باستىعى جاڭ شيجۇن قاتارلىلار بار.
جوعارىدا اتالعان كادرلاردان، جاڭ شيجۇن پارتيادان شىعارىلىپ، مىندەتىنەن بوساتىلعان. حابارلاندىرۋعا قاراعاندا، جاڭ شيجۇن ءوزىنىڭ باسقارۋىنداعى وڭىردە تۋىلعان ورتانىڭ لاستانۋى جاعدايىنا نەگىزگى باسشىلىق جاۋاپكەرشىلىك ارقالاعان، مىندەتتەگى قولايلىلىقتان پايدالانىپ، نىساندى كوتەرەگە بەرۋ، ينجەنەرياعا قارجى ءبولۋ قاتارلى جاقتاردا باسقالارعا پايدا جەتكىزگەن ءارى مال – مۇلىك تالاپ ەتكەن جانە قابىلداعان.
مۇنان سىرت، 8 – ايدىڭ 24 – كۇنى، سىچۋان ولكەسى زىياڭ قالالىق پارتكومىنىڭ بۇرىنعى شۋجيى چىن جيميڭنىڭ پارتيادان شىعارىلىپ، مىندەتىنەن قالدىرىلعانى جونىندەگى اقپارات كوپشىلىكتىڭ نازارىن اۋداردى. ورتالىق ءتارتىپ تەكسەرۋ كوميتەتى تورابى جاريالاعان مالىمەتتە بىلاي دەلىنگەن: «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبيكاسى باقىلاۋ زاڭى» قاتارلى قاتىستى بەلگىلەمەلەرگە ساي، سىچۋان ولكەلىك پارتكوم تۇراقتى كوميتەتى ءماجىلىس اشىپ تالقىلاۋ ءارى ورتالىق ءتارتىپ تەكسەرۋ كوميتەتىنە جولداپ بەكىتتىرۋ، ج ك پ ورتالىق كوميتەتىنىڭ بەكىتۋىمەن، چىن جيميڭگە پارتيادان شىعارۋ جازاسىن بەرۋ جونىندە قاۋلى الدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
