بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جاساۋ ەرلى - زايىپتىلاردىڭ ورتاق مال - مۇلكىنە جاتا ما؟

2020.09.03 14:53     كەلۋ قاينارى : حالىق تورابى

  مەن ۇزاتىلعاندا اكە – شەشەم قۇنى 120 مىڭ يۋاندىق جاساۋ بەردى. مەن چىن x پەن ۇيلەنگەننەن كەيىن ءتۇرلى سەبەپتەرمەن ەكەۋىمىزدىڭ ماحابباتىمىز جاراسپاي، باس قۇراپ جارىم جىلدان كەيىن بولەك تۇرىپ كەلەمىز.

  قازىر ءبىز ايرىلسۋعا بەكىندىك، دەسە دە مەنىڭ جاساۋىمىنىڭ كىمگە ءتان بولاتىندىعى جايىندا ءبىر پىكىرگە كەلە المادىق. مەنىڭ ويىمشا جاساۋ اكە – شەشەمىنىڭ ماعان بەرگەنى، ول مەنىڭ جەكەلىك مۇلكىم بولۋى كەرەك چىن x پەن قاتىسسىز. ال چىن x مەنىڭ جاساۋىم ەرلى – زايىپتىلاردىڭ ورتاق مال - مۇلكى رەتىندە ءبولىنۋى كەرەك دەپ قارايدى.

  سۇرايىن دەگەنىم، جاساۋ ەرلى - زايىپتىلاردىڭ ورتاق مال - مۇلكىنە جاتا ما؟

  وقىرمان: سۇن جۇنۋەي

  سۇن جونۋەي وقىرمان:

  قىز بالا ۇزاتىلعان كەزدە اكە - شەشەسىنىڭ جاساۋعا بەرگەن زاتتارى زاڭدىق ماعىنادان العاندا تارتۋ ەتۋ سيپاتىنا جاتادى. قازىر كوپتەگەن ەر - ايەلدەر الدىمەن كۋالىك الىپ، ونان سوڭ توي جاسايدى، ونىڭ ۇستىنە جاساۋ ۇزاتىلىپ شىققان كەزدە تاپسىرىپ بەرىلەدى، سوندىقتان جاساۋ ەرلى - زايىپتىلاردىڭ ورتاق مال - مۇلكىنە جاتا ما، جوق پا دەگەن ماسەلەدە، تارتۋدى ۇيلەنەردەن بۇرىن بەردى مە؟ جوق ۇيلەنگەننەن كەيىن بەردى مە دەگەنگە، سونداي – اق ەرەكشە كەلىسىم بار ما دەگەنگە قاراپ ايىرۋ كەرەك. ناقتى ءبولۋ جۇمىسى تومەندەگى ءۇش ءتۇرلى جاعداي ارقىلى تۇراقتاندىرىلادى:

  ءبىرىنشى، جاساۋدى ەگەر ۇيلەنۋگە تىزىمدەلۋدەن بۇرىن بەرگەن بولسا، وندا قىز جاقتىڭ مال - مۇلكىنە ءتان ەكەندىگى ءشۇباسىز.

  ەكىنشى، ەگەر ۇيلەنۋگە تىزىمدەلۋدەن كەيىن بەرگەن بولسا، وندا ۇيلەنۋ تارتۋىنا جاتاتىندىقتان، ۇيلەنۋ زاڭىنداعى قاتىستى بەلگىلەمەلەر بويىنشا تۇراقتاندىرۋ كەرەك. ۇيلەنۋ زاڭىنىڭ 17 -، 18 - تارماقتارىندا بىلاي دەپ بەلگىلەنگەن: تارتۋ ەتۋ توقتامىندا تەك كۇيەۋىنە نەمەسە ايەلىنە عانا ءتان مال - مۇلىك ەرلى - زايىپتىلاردىڭ ءبىر جاعىنىڭ جەكە مال - مۇلكى دەپ بەلگىلەنگەندەرىنەن سىرت، باسقا دا ەرلى – زايىپتى قاتىناسى بار كەزدەگى تارتۋ ەتىلگەن مال – مۇلىكتىڭ بارلىعى ەرلى - زايىپتىلاردىڭ ورتاق مەنشىگىندە بولۋعا ءتيىس. وسىعان نەگىزدەلگەندە، اكە – شەشەشى بەرگەن جاساۋدى تەك قىزىنا عانا ۇسىندىق دەپ اشىق بىلدىرگەن بولسا، وندا جاساۋ قىزدىڭ جەكەلىك مال – مۇلكىنە جاتادى، ەگەر اكە – شەشەشى اشىق ايتپاعان بولسا، وندا ونى ەرلى - زايىپتى ەكەۋىنە تارتۋ ەتكەن دەپ قارالادى، مۇنداي جاساۋ ەرلى - زايىپتىلارعا ورتاق مال - مۇلىك بولۋعا ءتيىس.

  ءۇشىنشى، ۇيلەنۋ زاڭىنىڭ 19 - تارماعىندا بىلاي دەپ بەلگىلەنگەن: ەرلى – زايىپتىلار جۇبايلىق قاتىناس بار كەزدەگى بارلىق مال – مۇلىكتەرىن، ۇيلەنۋدەن بۇرىنعى ٵرقايسىسىنىڭ بارلىق مال – مۇلىكتەرىن، ورتاق بارلىق مال – مۇلىكتەرىن نەمەسە ٵرقايسىسىنىڭ ءبىر ءبولىم مال – مۇلىكتەرىن، ءبىر ءبولىم ورتاق مال – مۇلىكتەرىن جازباشا كەلىسۋىنە بولادى. سوندىقتان، مەيلى ۇيلەنۋدەن بۇرىن بەرگەن بولسىن نەمەسە كەيىن بەرگەن بولسىن، ەگەر ەرلى – زايىپتى ەكى جاق جاساۋدىڭ بارلىق ۇقىعى جونىندە جازباشا كەلىسكەن بولسا، وندا اجىراسقان كەزدە جازباشا كەلىسىم بويىنشا تاۋەلدى بولۋى ءتيىس.ءسىز جوعارىداعى بەلگىلەمەلەرگە جانە قاتىستى تالداۋلارعا نەگىزدەلە وتىرىپ، اكە – شەشەڭىزدىڭ بەرگەن جاساۋىنىڭ ەرلى - زايىپتىلاردىڭ ورتاق مال – مۇلكىنە جاتاتىن، جاتپايتىندىعىن تۇراقتاندىرۋىڭىزعا بولادى.

  انحۇي ساقشى وفيتسەرلەر كاسىپتىك شۋەيۋانىنىڭ پروفەسسورى، قوسىمشا ادۆوكات پان جيايۇڭ

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار