بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگو « دۇنيە جۇزىلىك ساندى مالىمەت حاۋىپسىزدىگى دارىپتەمەسىن » ورتاعا قويدى

2020.09.09 14:21     كەلۋ قاينارى : حالىق تورابى

  «حالىق گازەتى» ، 9 – ايدىڭ 8 – كۇنى، بەيجيڭ (ءتىلشى باي زىۋەي). مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي 9 – ايدىڭ 8 – كۇنى «سيفرلى ورايدى مىقتى يگەرىپ، سەلبەسىپ دامۋعا بىرگە ۇمتىلايىق» اتىنداعى حالىقارالىق تالقى ءماجىلىسىنىڭ جوعارى دارەجەلى ماجىلىسىندە «كوپ جاقتىلىققا تاباندى بولىپ، ادىلدىك پەن ادىلەتتىلىكتى دارىپتەپ، قول ۇستاسا سەلبەسىپ تەڭ يگىلىككە كەنەلەيىك» دەگەن تاقىرىپتا ارقاۋ ءسوز سويلەدى، «دۇنيە جۇزىلىك ساندى مالىمەت حاۋىپسىزدىگى دارىپتەمەسىن» ورتاعا قويدى.

  ۋاڭ ي بىلاي دەدى: الەمدىك سيفرلاردى جونگە سالۋدا كوپ جاقتىلىقتى ۇستانۋ، حاۋىپسىز دامۋعا تەڭ ءمان بەرۋ، ءادىل دە ادىلەتتى بولۋ سىندى ءۇش پرينسيپكە بويسۇنۋ كەرەك. جاڭا ماسەلە، جاڭا سايىسقا توتەپ بەرۋ ءۇشىن، بەيبىت، حاۋىپسىز، اشىق، سەلبەسكەن، ءتارتىپتى توراپ كەڭىستىگىن بىرگە قۇرۋ كەرەك، جۇڭگو «دۇنيە جۇزىلىك ساندى مالىمەت حاۋىپسىزدىگى دارىپتەمەسىن» باستادى، تاراپتاردىڭ بەلسەنە ات سالىسۋىن قارسى الامىز. دارىپتەمەنىڭ باستى مازمۇنى مىنالاردى قامتيدى: الەمدىك قامداۋ تىزبەگىنىڭ اشىق، حاۋىپسىز جانە ورنىقتى بولۋىن بەلسەنە قورعاۋ؛ ينفورماتسيا تەحنيكاسىنان پايدالانىپ باسقا ەلدىڭ ماڭىزدى نەگىزدىك قۇرىلعىلارىن نەمەسە ماڭىزدى ساندى مالىمەتتەرىن بۇلدىرۋگە قارسى تۇرۋ؛ شارالار قولدانىپ، ينفورماتسيا تەحنيكاسىنان پايدالانىپ جەكەلەردىڭ ينفورماتسياسىنا زالال جەتكىزۋدەن ساقتانىپ جانە ونى تەجەپ، ينفورماتسيا تەحنيكاسىن بەتالدى قولدانىپ، باسقا ەلدەرگە باعىتتالعان كەڭ كولەمدى باقىلاۋ - مەڭگەرۋمەن شۇعىلدانۋعا قارسى تۇرۋ؛ كاسىپورىنداردان سول جەردىڭ زاڭدارىنا قۇرمەت ەتۋدى تالاپ ەتۋ، ءوز ەلىنىڭ كاسىپورىندارىنان شەكارا سىرتىنداعى ساندى مالىمەتتەردى شەكارا ىشىندە ساقتاۋدى زورلىقپەن تالاپ ەتۋگە بولمايدى؛ باسقا ەلدىڭ رۇقساتىنسىز كاسىپورىنداردان نەمەسە جەكەلەردەن شەكارا سىرتىنداعى ساندى مالىمەتتەردى تىكەلەي الۋعا بولمايدى؛ كاسىپورىنداردىڭ ءونىم مەن قىزمەت وتەۋ بارىسىندا ارتقى ەسىك اشۋىنا بولمايدى.

  ۋاڭ ي مىنانى باسا دارىپتەدى: بۇل دارىپتەمەنىڭ سيفرلى حاۋىپسىزدىكتىڭ الەمدىك ەرەجەسىن جاساۋدىڭ جوباسىنا اينالۋىن ءۇمىت ەتەمىن. جۇڭگو جاق ءار جاقپەن قول ۇستاسا قۇلشىنىپ، سيفرلى تاعدىرلاس ورتاق تۇلعانى بىرگە سومدايدى.تالقى ءماجىلىسىن جۇڭگو ينتەرنەتتى باسقارۋ تالقى مىنبەرى وتكىزدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار