«مەكتەپ ماڭى» زاڭمەن باسقارۋدان قاعىس قالعان جەرگە اينالىپ قالماۋى كەرەك
شيا ۋىنيىڭ
2020.09.09 15:00 كەلۋ قاينارى : حالىق تورابى
9 – ايدىڭ 7 – كۇنى تۇستەن بۇرىن، حۋنان ولكەسى جاڭجياجيە قالاسى ساڭجى اۋداندىق 11 – مەكتەپتىڭ ماڭىندا، پىشاق ۇستاعان ءبىر ەر ادام قانقۇيلىلىق ىستەگەن. ناق مايدانداعى كەسكىنگە قاراعاندا، بىرنەشە وقۋشى جارالانىپ، جىعىلعان. ىلە – شالا، ەر ادام ءبىر قىز وقۋشىنى بارىمتالاعان. ساقشى جاق ناق مايدانعا بارىپ، قىلمىس كۇماندىسىن قولعا تۇسىرگەن.
تاعى دا «مەكتەپتىڭ ماڭى»! وسى تەكتەس سۇمدىق وقيعا 2016 – جىلى 11 – ايدىڭ 25 – كۇنى شانشي ولكەسى حانجۇڭ قالاسى حانتاي رايونىنداعى ءبىر باستاۋىش مەكتەپتىڭ ماڭىندا، 2018 – جىلى 4 – ايدىڭ 27 – كۇنى شانشي ولكەسى ميجى اۋدانى ميجى ورتا مەكتەبىنىڭ ماڭىندا، 2018 – جىلى 6 – ايدىڭ 28 – كۇنى شاڭحاي قالاسى شۇيحۇي رايونى شاڭحاي شىۋاي باستاۋىش مەكتەبى پۋبەيلۋ مەكتەپ رايونىنىڭ ماڭىندا، 2019 – جىلى 2 – ايدىڭ 21 – كۇنى جياڭشي ولكەسى جي – ان قالاسى جيجوۋ رايونى شاۋشان باتىس جولىنداعى 8 – ورتا مەكتەپتىڭ ماڭىندا دا تۋىلعان بولاتىن ...
نەلىكتەن قىلمىستى ەلەمەنتتەر «مەكتەپتىڭ ماڭىندا» قانقۇيلىلىق ىستەۋگە اۋەس؟ مۇنداي ورەسكەل زاقىمداۋ وقيعالارى «مەكتەپتىڭ ماڭىندا» قايتا – قايتا تۋىلاتىنداي، «مەكتەپتىڭ ماڭى» زاڭمەن باسقارۋدان قاعىس قالعان جەر مە ەدى؟ «مەكتەپتىڭ ماڭى» دەگەن كولەمدى قالاي بەلگىلەۋگە بولادى؟ «مەكتەپتىڭ ماڭىنىڭ» حاۋىپسىزدىگىنە كىم كەپىلدىك ەتۋى كەرەك؟ اتا – انا بولۋ سالاۋاتىممەن، ءار جولى «مەكتەپتىڭ ماڭىندا» ادام جارالاۋ سىندى ورەسكەل وقيعالار جونىندەگى حابارلاردى كورگەن سايىن، قاتتى تىكسىنەمىن دە وسىنداي كوپ سۇراقتار كوكەيىمە ورالا بەرەدى.
2006 – جىلى 9 – ايدىڭ 1 – كۇنى اتقارىلعان «ورتا، باستاۋىش مەكتەپتەر مەن بالالار باقشالارىنىڭ حاۋىپسىزدىگىن باسقارۋ ءادىسناماسىنىڭ» 52 – تارماعىندا «مەكتەپتىڭ ماڭى» دەگەن ۇعىمعا تۇسىنىك بەرىلگەن: مادەنيەت تاراۋلارى ورتا مەكتەپتەر مەن باستاۋىش مەكتەپتەردىڭ ماڭىنداعى 200 مەتر اۋماقتا ينتەرنەتكە شىعۋ قىزمەتىن وتەيتىن تيجارات ورنىن قۇرۋعا زاڭ بويىنشا تيىم سالادى.
جۋىرداعى جىلداردان بەرى، مادەنيەت، دەنساۋلىق ساقتاۋ، قاتىناس – تاسىمالدى باسقارۋ قاتارلى تاراۋلار مەكتەپ ماڭىنىڭ ورتاسىن تىزە قوسا جونگە سالدى، جولدى يەلەپ الىپ تيجارات جۇرگىزۋ، كوشپەلى جايما جايۋ، شۋىلمەن لاستاۋ، ازىق – تۇلىك حاۋىپسىزدىگى قاتارلى ماسەلەلەر نەگىزىنەن شەشىم ەتىلدى. الايدا، «مەكتەپ ماڭىندا» ورەسكەل زاقىمداۋ وقيعالارىنىڭ قايتا – قايتا تۋىلۋىنا بايلانىستى، وقۋشىلاردىڭ باس اماندىعىنىڭ حاۋىپسىزدىگى ماسەلەسى اتا – انالاردى الاڭداتۋدا.
«مەيلى، قانداي جاعداي بولسا دا، مەيلى، قانداي اپات تۋىلسا دا، ۇرپاقتاردى زيانعا ۇشىراتپاۋىمىز كەرەك، بۇل ءبىزدىڭ جاۋاپكەرشىلىگىمىز». 2013 – جىلدىڭ وزىندە – اق، باس شۋجي شي جينپيڭ «ۇرپاقتاردى زيانعا ۇشىراتپاۋىمىز» كەرەك دەگەن تالاپتى ورتاعا قويعان. سوندىقتان، وقۋشىلاردىڭ باس اماندىعىن زيانعا ۇشىراتپاۋعا كەپىلدىك ەتۋ تەك مەكتەپ حاۋىپسىزدىگىن باسقارۋ قىزمەتىنىڭ وزەكتى ءتۇيىنى عانا ەمەس، بۇل جاعىندا قوعامداعى اكىمشىلىك تاراۋلاردىڭ دا جالتارۋعا بولمايتىن جاۋاپكەرشىلىگى بار.
«مەكتەپ ماڭىن» زاڭمەن باسقارۋدان قاعىس قالعان ورىنعا اينالدىرىپ قويۋعا مۇلدە بولمايدى.
2017 – جىلى 4 – ايدا، مەملەكەتتىك كەڭەس كەڭسەسى «ورتا، باستاۋىش مەكتەپتەر مەن بالالار باقشالارىنىڭ حاۋىپسىزدىگى مەن حاۋىپ – قاتەردەن ساقتانۋ جۇيەسى قۇرىلىسىن كۇشەيتۋ جونىندەگى پىكىردى» باسىپ تاراتىپ، ورتا، باستاۋىش مەكتەپتەر مەن بالالار باقشالارىنىڭ حاۋىپسىزدىگىن الەۋمەتتىك حاۋىپسىزدىكتى قورعاۋدا كورنەكتى ورىنعا قويىپ، حاۋىپ – قاتەردەن ساقتانۋ، باسقارۋ – تىزگىندەۋ، شىرعالاڭدى ءبىرجاقتىلى ەتۋ جانە حاۋىپ – قاتەردى شەشىم ەتۋ قاتارلى قىزمەتتەردى مۇقيات، ويداعىداي ىستەپ، قىزمەت مەحانيزمى مەن ساقتانۋ – تىزگىندەۋ جۇيەسىن اناعۇرلىم كەمەلدەندىرۋدى تالاپ ەتكەن.
«ورتا، باستاۋىش مەكتەپتەر مەن بالالار باقشالارىنىڭ حاۋىپسىزدىگىن باسقارۋ ءادىسناماسىنىڭ» 8 – تارماعىندا قوعام حاۋىپسىزدىگى ورگاندارىنىڭ مەكتەپتىڭ حاۋىپسىزدىگى جاعىنداعى قىزمەتتە اتقاراتىن جاۋاپكەرشىلىكتەرى: مەكتەپ پەن مەكتەپ ماڭىنىڭ اماندىق ساقتاۋ جاعدايىن ۇعىسۋ جانە مەڭگەرۋ، مەكتەپتىڭ مەكتەپ اۋلاسىن قورعاۋ قىزمەتىن ويداعىداي ىستەۋىنە جەتەكشىلىك ەتۋ؛ مەكتەپتىڭ مەكتەپ اۋلاسىندا توساتتان تۋىلعان وقيعالاردى ءبىرجاقتىلى ەتۋىنە سايكەسۋ سياقتىلاردى قامتيدى دەپ انىق بەلگىلەنگەن. اتالعان ءادىسنامانىڭ 49 – تارماعىندا بىلاي بەلگىلەنگەن: قوعام حاۋىپسىزدىگى ورگاندارى اماندىق ساقتاۋ جاعدايى كۇردەلى بولعان مەكتەپ ماڭىنداعى وڭىرلەردە اماندىق قورعاۋ قاراۋىلحانالار مەن ساقشىعا مالىمدەۋ تۇيىندەرىن قۇرۋى، حاۋىپسىزدىك جاعىنداعى ءتۇرلى كومەسكى قاتەرلەردى دەر كەزىندە بايقاۋى جانە الاستاۋى، مەكتەپتىڭ ءتارتىبىن بۇلدىرگەن نەمەسە وقۋشىلاردىڭ باس اماندىعى مەن مال – مۇلكىنىڭ حاۋىپسىزدىگىنە زيان جەتكىزگەن زاڭعا قايشى قىلمىستىق ارەكەتتەردى ءبىرجاقتىلى ەتۋى كەرەك.
بيىل 8 – ايدىڭ 31 – كۇنى، قوعام حاۋىپسىزدىگى مينيسترلىگى بەيجيڭدە اقپار جاريالاۋ ءماجىلىسىن اشىپ، بۇكىل ەلىمىزدەگى مەكتەپتەردىڭ ءبىر ۋاقىتقا شوعىرلاندىرماي وقۋ باستاۋى قارساڭىندا، قوعام حاۋىپسىزدىگى ورگاندارىنىڭ مەكتەپ اۋلاسى مەن مەكتەپ ماڭىنىڭ حاۋىپسىزدىگىن، قاتىناس ءتارتىبىن قورعاۋ قاتارلى شارالاردى اتقاراتىنىن حابارلاندىردى، مۇندا بۇكىل ەلىمىزدىڭ جەر – جەرىندە «وقۋشىلاردى قورعاۋ كۇزەت ورىندارىنان» 150 مىڭ ورىندى قۇرۋ؛ مەكتەپ ماڭىندا ساقشى كەڭسەسى مەن اماندىق قورعاۋ قاراۋىلحاناسىنان 250 مىڭ ورىن قۇرۋ؛ ساقشى كەڭسەسىن زەردەلىلەندىرۋ، ولشەمدەندىرۋ قۇرىلىسىن ۇزدىكسىز جەدەلدەتىپ، مەكتەپ اۋلاسىنداعى تۇتقيىل تۋىلعان جاعدايدى دەر كەزىندە حابارلاندىرىپ، وقىتۋشىلار مەن وقۋشىلاردىڭ ساقشىعا مالىمدەپ، كومەك سۇراعان ىستەرىن دەر كەزىندە ءبىرجاقتىلى ەتۋ؛ شارلاۋ، ساقتانۋ جيىلىگىن ارتتىرىپ، توساتتان تۋىلعان وقيعالارعا توتەپ بەرۋ – ءبىرجاقتىلى ەتۋ مەحانيزمىن تياناقتاندىرىپ،مەكتەپ اۋلاسىنا قاتىستى توساتتان تۋىلعان وقيعالارعا شۇعىل توتەپ بەرىپ، ءبىرجاقتىلى ەتۋدى كۇشەيتۋ جاقتارى قامتىلعان.
ساياساتتىق باعدار مەن زاڭ – تۇزىمدەردىڭ بارلىعى دا بارىنشا ايقىن بەلگىلەنگەن، ءارقايسى تاراۋلاردىڭ قىزمەت جاۋاپكەرشىلىگى دە انىق، ءبىرقىدىرۋ شارالار دا پارمەندى جولعا قويىلعان، شەشۋشى ءتۇيىن وسىلاردى ەگجەي – تەگجەيلى، مۇقيات تياناتقاندىرۋ، «مەكتەپ ماڭىنداعى» ورەسكەل زاقىمداۋ وقيعالارىنىڭ قايتا تۋىلۋىنان ساقتانۋ بولىپ تابىلادى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
