جۇڭگو تەڭىز ساقشى مەكەمەسى قوعام حاۋىپسىزدىگىنىڭ ەسىرتكىگە تيىم سالۋ تاراۋلارىمەن بىرلەسىپ تۇڭعىش رەت نانشا تەڭىز ايدىنىندا قىرۋار ەسىرتكىنى قولعا ءتۇسىردى
2020.09.10 13:35 كەلۋ قاينارى : حالىق تورابى
حالىق تورابىنىڭ 9 – ايدىڭ 9 – كۇنى بەيجيڭنەن بەرگەن حابارى (جۋ زىياڭ)، جۋىردا، جۇڭگو تەڭىز ساقشى مەكەمەسى، قوعام حاۋىپسىزدىگى مينيسترلىگىنىڭ ەسىرتكىگە تيىم سالۋ مەكەمەسى جۇڭگو تەڭىز ساقشى مەكەمەسىنە توتە قاراستى 5 – مەكەمەسىنە بىرلىكتە قولباسشىلىق ەتۋ ارقىلى، فۋجيان تەڭىز ساقشى مەكەمەسىنە قاراستى يۇڭشۋ باتىس سولتۇستىك تەڭىز ايدىنىندا ەسىرتكى تاسىمالدايتىن ءبىر كەمەنى تورۋىلداپ تەكسەرىپ ، ناق مايداندا قىرۋار ەسىرتكىنى قولعا ءتۇسىردى، 6 قىلمىس كۇماندىسىن تۇتقىندادى.
بيىل 5 - ايدىڭ باسىندا، فۋجيان ولكەلىك قوعام حاۋىپسىزدىگى مەكەمەسى ەسىرتكىگە تيىم سالۋ تاراۋلارىنىڭ بارلاۋى ارقىلى ءمالىم ءبىر ەسىرتكى ساتۋ توبىنىڭ «التىن اتىراۋ» رايونىنان تەڭىز جولى ارقىلى ەسىرتكى اتكەزشىلىگىمەن ەلىمىزگە كىرگەندىگىن تەكسەرىپ مەڭگەرەدى، سول ايدىڭ سوڭىندا، بۇل توپتىڭ جەتەكشى كەمە باستىعى جۋ x x ەكى كەمەشىنى باستاپ فۋجياننىڭ تەڭىز جاعالاۋىنا كەلىپ، ۇساق - تۇيەك جۇك كەمەلەرىنەن پايدالانىپ، ەسىرتكىنى تەڭىزگە شىعارۋدى جوسپارلايدى. دەلو جاعدايى اۋىر بولعاندىقتان قوعام حاۋىپسىزدىگى مينيسترلىگى بۇل دەلونى نىسانالى دەلو قاتارىنا ەنگىزدى، جۇڭگو تەڭىز ساقشى مەكەمەسى ارناۋلى دەلوعا قۋزاۋ سالىپ، فۋجيان قوعام حاۋىپسىزدىگى مەڭگەرمەسى ەسىرتكىگە تيىم سالۋ باس اترەتىنىڭ، فۋجيان تەڭىز ساقشى مەكەمەسىنىڭ، فۋجوۋ قالالىق قوعام حاۋىپسىزدىگى مەكەمەسىنىڭ بىرلەسىپ بارلاۋ جۇرگىزۋىنە بىرگە جەتەكشىلىك ەتەدى.
بارلاۋ ارقىلى 7 – ايدىڭ 2 - كۇنى، كەمە باستىعى جۋ X X ەسىرتكى تاسيتىن كەمەنى ايداپ فۋجوۋدىڭ مادوۋ پورتىنان جولعا شىققانىن بايقايدى. ەرتەسى بۇل ەسىرتكى ساتۋشى توپ ءبىر ءبولىم ەسىرتكىنى «ساتۋشىعا» جوتكەپ بەرەدى ءارى جۋ X X قاتارلى ادامدارعا ەسىرتكى تاسىمالداۋ ىستەرىن ورنالاستىرادى. ارناۋلى دەلو گرۋپپاسى ۋلى زات تاسيتىن كەمەنىڭ تەڭىزگە شىعىپ ەسىرتكىنى قابىلداۋ مۇمكىندىگى زور دەپ تۇجىرىمدايدى، دەرەۋ كەمە كۇشىن ۇيىمداستىرىپ، توسقاۋىلداپ سوققى بەرۋ ءتۇيىنىن بەلگىلەپ، ولار ەسىرتكىنى قابىلداعانىنان كەيىن تەڭىزدە تەكسەرۋ، قۋعىنداۋ جۇرگىزبەكشى بولادى. 8 – ايدىڭ 13 – كۇنى تاڭعى ساعات 2دەن 45 مينۋت وتكەندە، ەسىرتكى تاسيتىن كەمە تەڭىز ساقشىسى تور جايعان تەڭىز ايدىنىنا كىرىپ، ارناۋلى دەلو گرۋپپاسى توردى جيناۋ بۇيرىعىن تۇسىرەدى. الدىن الا جاسالعان تاكتيكالىق ورنالاستىرۋ بويىنشا، ساعات 2دەن 56 مينۋت وتكەندە، تەڭىز ساقشى كەمەسىنىڭ 2 كىشكەنە قايىعى ءتۇن جامىلىپ، جاسىرىن ەسىرتكى تاسىمالدايتىن كەمەگە جاقىنداپ، ەكى جاعىنا تولىق ورنالاسىپ بولادى. ساعات 3تەن 19 مينۋت وتكەندە، تەڭىز ساقشىسىنىڭ زاڭ اتقارۋشى قىزمەتكەرلەرى 3 مينۋتتىڭ ىشىندە 6 قىلمىس كۇماندىسىن بۇكىلدەي تىزگىندەيدى.
توردى جيناعاننان كەيىن، ارناۋلى دەلو گرۋپپاسى ىسكەر كۇش ورنالاستىرىپ، يگەرگەن دەرەكتەردەن پايدالانىپ، 6 قىلمىس كۇماندىسىنا تەرگەۋ جۇرگىزدى، 6 ادام قىلمىس فاكتىن جاسىرماي مويىندادى. قازىر دەلوعا ىشكەرىلەي بارلاۋ جۇرگىزىلۋدە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
