قوعام حاۋىپسىزدىگى مينيسترلىگى قاتىناستى باسقارۋ مەكەمەسى
مەكتەپ اۆتوموبيلدەرى مەن وقۋشىلاردى جەتكىزەتىن اۆتوموبيلدەرگە قاتىستى قاتىناس شىرعالاڭىنان ساقتانۋ كەرەك
2020.09.15 15:16 كەلۋ قاينارى : حالىق تورابى
حالىق تورابىنىڭ 8 – ايدىڭ 27 – كۇنى بەيجيڭنەن بەرگەن حابارى. 2020 – جىلعى كۇزگى وقۋ ماۋسىمى باستالدى، ءتىلشىنىڭ بۇگىن قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسىنەن ۇعىسۋىنشا، قوعام حاۋىپسىزدىگى مينيسترلىگى قاتىناستى باسقارۋ مەكەمەسى جۋىردا ۇقتىرۋ شىعارىپ، جەر – جەردەگى قوعام حاۋىپسىزدىگى قاتىناستى باسقارۋ تاراۋلارىنىڭ ىندەتتەن ساقتانۋ – تىزگىندەۋ، قاتىناستى قامتاماسىزداندىرۋ، شىرعالاڭنان ساقتانۋ قاتارلى قىزمەتتەردى ءبىرتۇتاس جوسپارلاۋدى ويداعىداي ىستەپ، مەكتەپ اۆتوموبيلدەرى مەن وقۋشىلاردى جەتكىزەتىن اۆتوموبيلدەرگە قاتىستى توپتىق ءولىم – جىتىمگە اپارىپ سوعاتىن قاتىناس شىرعالاڭدارىنان قاتاڭ ساقتانىپ، مەكتەپكە باراتىن جولدىڭ اماندىعىن كۇش سالا قورعاۋى جونىندە ورنالاستىرۋ جاسادى.
ۇقتىرۋدا مىنالار تالاپ ەتىلدى: جەر – جەردەگى قاتىناستى باسقارۋ مەكەمەلەرى وقۋ – اعارتۋعا قاتىستى اكىمشىلىك ورىندارمەن، مەكتەپ قاتارلى ورىندارمەن بايلانىستى كۇشەيتىپ، جەرگىلىكتى ورىننىڭ ىندەتتەن ساقتانۋ – تىزگىندەۋ جاعدايى مەن مەكتەپتەردىڭ وقۋدى توپقا ءبولىپ باستاۋ ورنالاستىرۋىنا ساي، مەكتەپتىڭ ماڭىنداعى جولدارداعى قاتىناستىڭ ەرەكشەلىگى مەن وقۋشىلاردىڭ مەكتەپكە بارىپ – كەلۋ ەرەكشەلگىنە الدىن – الا تالداۋ جاساپ جانە زەرتتەۋ جۇرگىزىپ، تۇجىرىم جاساپ، وقۋشىلارعا قاتىناس حاۋىپسىزدىگىنە كوڭىل ءبولۋدى دەر كەزىندە ەسكەرتۋ قاجەت. جاسىرىن حاۋىپ – قاتەرلەردى شوعىرلى تۇردە تەكسەرىپ، مەكتەپ پەن مەكتەپ اۆتوموبيلىنە جاۋاپتى كاسىپورىنداردى مەكتەپ اۆتوموبيلىن كۇتىمدەۋ مەن باسقارۋدى كۇشەيتۋگە قۋزاپ، مەكتەپ اۆتوموبيلدەرىندە كىنارات بايقالسا، جولعا شىعۋىنا قاتاڭ تيىم سالىپ، مەكتەپ اۆتوموبيلى شوفەرلارىنىڭ يدەيالىق جاعدايى مەن دەنساۋلىق جاعدايىن جان – جاقتىلى مەڭگەرىپ، كىلتيپان بار شوفەرلارىنىڭ اۆتوموبيل جۇرگىزۋى مەن كىناراتى بار مەكتەپ اۆتوموبيلدەرىنىڭ جولعا شىعۋىنا قاتاڭ تيىم سالۋ كەرەك. سونىمەن بىرگە، مەكتەپ اۆتوموبيلدەرى جۇرەتىن جولداردى، وتە – موتە، تاسقىن اپاتىنىڭ ىقپالىنا ۇشىراعان جولداردى جاپپاي تەكسەرىپ، حاۋىپسىزدىك جاعىنداعى كومەسكى حاۋىپ – قاتەرلەردى الاستاۋ نەمەسە مەكتەپ اۆتوموبيلىنىڭ جۇرەتىن جولىن وزگەرتۋ كەرەك.
ۇقتىرۋدا مىنالار تالاپ ەتىلگەن: جەر – جەردەگى قاتىناس باسقارۋ مەكەمەلەرى جونگە سالۋ مەن باسقارۋ – تىزگىندەۋدى كۇشەيتىپ، «مەكتەپ، وتباسى، ساقشى» ءۇش جاقتى قامتىعان باسقارۋ فورماسىن بەلسەندى جالپىلاستىرىپ، وقىتۋشىلاردى، ەرىكتى اتا –انالاردى، حالىق ساقشىلارىن ۇيىمداستىرىپ، وقۋشىلار وقۋعا باراتىن جانە وقۋدان قايتاتىن كەزدە «وقۋشىلاردى قورعاۋ ورنىن» قۇرىپ، قاتىناستى جونگە سالۋ مەن ءتارتىپتى ساقتانۋدى كۇشەيتۋ، مەكتەپ قاقپاسى الدىنداعى وقۋشىلاردى الۋعا كەلگەن اۆتوموبيلدەردىڭ شوعىرلانۋى مەن توقتاتىلۋى قىسىمىن جەڭىلدەتۋ قاجەت. زاڭ بويىنشا شوعىرلى تۇردە جونگە سالىپ، مەكتەپ اۆتوموبيلدەرىنىڭ رۇقسات كۋالىگىن الماۋ، ارتىق ادام وتىرعىزۋ جانە شەكتەن تىس قاتتى ءجۇرۋ، تەكسەرۋ جۇرگىزىلگەن جول لەنياسىمەن جۇرمەۋ جانە باسقا اۆتوموبيلدەردىڭ مەكتەپ اۆتوموبيلىنە جول بەرمەۋى قاتارلى زاڭعا قايشى ارەكەتتەرگە قاتاڭ تەكسەرۋ جۇرگىزۋى، «بەلگىلەمەگە قايشى كەلگەن مەكتەپ اۆتوموبيلى» قاتارلى ماسەلەلەردى قاتاڭ جونگە سالۋى كەرەك. مەكتەپ ماڭىنا جانە ماڭىزدى جول توراپتارىنا اۆتوموبيلدەردى الباتى توقتاتۋ سىندى زاڭسىز ارەكەتتەردى دەر كەزىندە تەكسەرىپ انىقتاپ، مەكتەپ ماڭىنداعى قاتىناس ورتاسىن پاكتەندىرۋ قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
