حالىقتى وزەك ەتىپ، ينتەرنەت حاۋىپسىزدىگى قىزمەتىندە تىڭ ءورىس اشايىق
چين چۋان
2020.09.17 14:20 كەلۋ قاينارى : حالىق تورابى
«ينتەرنەت حاۋىپسىزدىگى حالىق ءۇشىن، ينتەرنەت حاۋىپسىزدىگى حالىققا سۇيەنەدى.» 9 – ايدىڭ 14 – كۇنى، 2020 ـ جىلعى مەملەكەتتىك ينتەرنەت حاۋىپسىزدىگى ۇگىت اپتالىعى بۇكىل ەل كولەمىندە ءبىر ۋاقىتتا باستالدى. 2014 ـ جىلدان باستاپ، مەملەكەتتىك ينتەرنەت حاۋىپسىزدىگى ۇگىت اپتالىعى جىلىنا ءبىر كەزەك وتكىزىلىپ كەلەدى. مەيلى جالپى حالىقتىق توراپ حاۋىپسىزدىگى ۇگىت - تاربيەسىن ورىستەتۋدە بولسىن، الدە توراپ حاۋىپسىز ەكولوگياسىن قالىپتاستىرۋدا بولسىن؛ مەيلى توراپ حاۋىپسىزدىگى دارىندىلارىن تاربيەلەۋ تەبىنىن ارتتىرۋدا بولسىن، الدە ينتەرنەت حاۋىپسىزدىگى تەحنيكاسىندا جاڭالىق اشىپ، كاسىپ سالاسىن دامىتۋدا بولسىن. . . مەملەكەتتىك ينتەرنەت حاۋىپسىزدىگى ۇگىت اپتالىعى ءار كەزەك نازاردى نەگىزگى تاقىرىپقا شوعىرلاندىرىپ، ورتاق تانىم ۇيىستىرىپ، ءتيىستى رولىن ساۋلەلەندىردى.
وتكەن جىلدارداعىعا ۇقسامايتىنى، بيىلعى ينتەرنەت حاۋىپسىزدىگى ۇگىت اپتالىعى جاڭا تيپتى ايدارشا ۆيرۋس وكپە قابىنۋ ىندەتىنە ءدوپ كەلدى. بۇل جونىندە جەر - جەر ىندەتتەن ساقتانۋ جانە ونى تىزگىندەۋدىڭ ءىس جۇزىندىك جاعدايىنا ۇشتاستىرىپ، جەلىدە ۇگىتتەۋدى ءتۇيىن ەتە وتىرىپ، جەلى سىرتىندا ۇگىتتەۋدى ءوزارا ۇشتاستىرىپ ۇگىت قيمىلىن ورىستەتتى. سونىمەن بىرگە، ىندەت جۇرت تۇرمىسىنا كوپ ساتىلى ىقپال جاسادى، جەلىدەگى تۇتىنۋ بارعان سايىن قالىپقا ءتۇستى، ەلىمىزدىڭ سيفرلى ەكونوميكاسى دا تەز دامۋ ارناسىنا ءتۇستى، بۇل توراپ حاۋىپسىزدىگىنە اناعۇرلىم جوعارى تالاپ قويدى.
توراپ حاۋىپسىزدىگى بولماسا، مەملەكەت حاۋىپسىزدىگى دە، ەكونوميكا مەن قوعامنىڭ ورنىقتى اينالىمى دا بولمايدى، قالىڭ حالىق بۇقاراسىنىڭ مۇددەسىن قامتاماسىزداندىرۋ دا قيىنعا سوعادى. زامانا دامۋىنىڭ وزگەرىسىنە ىلەسىپ، ساندى مالىمەت حاۋىپسىزدىگى مەن جەكەلىك ينفورماتسيانى قورعاۋدى كۇشەيتۋدى، توراپ كەڭىستىگىن زاڭمەن باسقارۋ قۇرىلىسىن كۇشەيتۋدى ءتىپتى دە قاجەت ەتەدى، توراپ حاۋىپسىزدىگى قىزمەتىندە جاڭالىق اشۋدى كۇشەيتۋدى ءتىپتى دە قاجەت ەتەدى. جۇرت كوڭىل ءبولىپ وتىرعان جەكەلىك ينفورماتسيانى قورعاۋدى مىسالعا الايىق، بارعان سايىن ۇدايىلاسقان سيفىرلى تۇرمىسقا قاراتا، قاتىستى كاسىپورىندار تۇتىنۋشىلاردىڭ ينفورماتسياسىن جيناۋدى، ءبىر جاقتىلى ەتۋدى جانە پايدالانۋدى جۇيەگە ءتۇسىرۋ، قورعاۋ مەحانيزمىن ءتىپتى دە كەمەلدەندىرۋ كەرەك. ال، باقىلاۋ - باسقارۋ تاراۋلارى جونىنەن ايتقاندا، زاڭدىق ەرەجە بويىنشا كاسىپورىنداردى باسقارىپ، كاسىپورىنداردىڭ تۇتىنۋشىلاردىڭ جەكە ينفورماتسياسىن قالىپتان تىس جيناۋىنان جانە زاڭسىز پايدالانۋىنان، سونداي - اق ءتۇرلى فورماداعى توراپ الدامكوستىگى، ءبىلىم مەنشىك ۇقىعىنا قول سۇعۋ، ازاماتتاردىڭ جەكە قۇپيالىعىنا قول سۇعۋ سياقتى توراپتاعى زاڭعا قايشى قىلمىستىق ارەكەتتەرگە باتىل سوققى بەرۋى كەرەك.
تاياۋ جىلداردان بەرى، ەلىمىز توراپ حاۋىپسىزدىگى زاڭىن جاساۋدا كورنەكتى ىلگەرىلەۋشىلىككە قول جەتكىزدى، شىعارىلعان ءبىرقىدىرۋ ساياساتتار جۇرت جۇرەگىنە تەرەڭ ۇيالادى. توراپ حاۋىپسىزدىگى زاڭى اتقارىلعاننان باستاپ، «مەملەكەتتىڭ توراپ كەڭىستىگى حاۋىپسىزدىگى ستراتەگياسىنىڭ» جارىققا شىعۋىنا دەيىن؛ «APPدىڭ زاڭعا، بەلگىلەمەگە قايشى جەكەلىك ينفورماتسيا ارەكەتىن تۇراقتاندىرۋ ٵدىسىنىڭ» شىعارىلۋىنان باستاپ، «جەكەلىك ينفورماتسيانى قورعاۋ، ۇلكەن ساندى مالىمەتتەن پايدالانىپ بىرلەسىپ قورعانۋ، بىرلەسىپ مەڭگەرۋ قىزمەتىن جاقسى ىستەۋ جونىندەگى ۇقتىرۋعا» دەيىن . . . توراپ حاۋىپسىزدىگىنە تۇزىمدىك كەپىلدىك ازىرلەدى، قوعامدىق پىكىر نازار اۋدارىپ وتىرعان ماسەلەلەرگە جاۋاپ قايتارىپ، ءجۇز ميلليونداعان توراپتاستاردىڭ ءتول مۇددەسىن قورعادى.
ساناققا قاراعاندا، 2020 - جىلى 3 – ايعا دەيىن، ەلىمىزدەگى توراپتاستاردىڭ مولشەرى 904 ميلليونعا جەتتى، توراپ ارقىلى زات ساتىپ الاتىن تۇتىنۋشىلاردىڭ مولشەرى 710 ميلليونعا جەتتى. قايتكەندە توراپ حاۋىپسىزدىگىن اناعۇرلىم جاقسى ىلگەرىلەتىپ، سىنعا توتەپ بەرىپ، قايتكەندە ءداۋىردىڭ قاجەتىنە اناعۇرلىم ويداعىداي ۇيلەسىپ، تەحنيكادا جاڭالىق اشىپ، كاسىپ سالاسىنىڭ دامۋىن ءتىپتى دە جاقسى ىلگەرىلەتىپ، توراپ حاۋىپسىزدىگىنىڭ تاماشا ەكولوگياسىن قۇرۋ − قوعامنىڭ ءار سالاسىنىڭ الدىنا قويىلعان ەمتيحان سۇراۋى. تۇپتەپ كەلگەندە، ينتەرنەت حاۋىپسىزدىگى حالىق ءۇشىن، ينتەرنەت حاۋىپسىزدىگى حالىققا سۇيەنۋگە، ينتەرنەت حاۋىپسىزدىگى تاربيەسىن، تەحنيكاسىن، كاسىبىن توعىستىرا دامىتۋعا تاباندى بولۋ كەرەك، دامۋدى ىلگەرى كوتەرۋ جانە زاڭ بويىنشا باسقارۋدى بىرىكتىرۋدى ىلگەرىلەتۋگە تاباندى بولۋ كەرەك، حاۋىپسىزدىكتى مەڭگەرۋگە جانە اشىق ۇستاۋعا، جاڭالىق اشۋعا تەڭ ءمان بەرۋگە تاباندى بولىپ، مەملەكەتتىڭ ينتەرنەت حاۋىپسىزدىگى مەن ازاماتتاردىڭ جەكە ينفورماتسيا حاۋىپسىزدىگىن شىنايى قامتاماسىزداندىرۋ كەرەك.
ينتەرنەت حاۋىپسىزدىگىن باسقارۋدى وسىزامانداندىرۋ − مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ ماڭىزدى مازمۇنى، ءارى مەملەكەتتىك ينتەرنەتتىڭ دامۋ دەڭگەيىن جوعارىلاتۋدىڭ ءسوزسىز باسىپ وتەتىن جولى. توراپ حاۋىپسىزدىگى مەن ينفورماتسيالاندىرىپ دامىتۋعا تەڭ ءمان بەرۋگە تاباندى بولىپ، اينالىمدى بەلسەندى پايدالانىپ، عىلىمي دامىتىپ، زاڭ بويىنشا باسقارىپ، حاۋىپسىزدىككە شىنايى كەپىلدىك ەتۋ باعىتىنا بويسۇنىپ، دارىندىلاردى تاربيەلەۋ جاعىندا ءتىپتى دە ىسكەرلىك تانىتىپ، تۇزىمدىك ورنالاستىرۋدا اناعۇرلىم عىلىمي، باسقارۋدا اناعۇرلىم ءونىمدى بولعاندا، ينتەرنەت حاۋىپسىزدىگى اناعۇرلىم قامتاماسىز ەتىلىپ، حالىقتى بارىنشا باقىتقا كەنەلتىپ، ۇلتتىڭ گۇلدەنۋىن جۇزەگە اسىرۋعا اناعۇرلىم بەرىك، پارمەندى توراپتىق نەگىز قالانادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
