ساقشى جاق دەلوعا ساياتىن قاراجات سوماسى 70 ميلليون يۋاننان اساتىن ەرەكشە ءىرى «ۋاكىلەتتى ەسەپ جاساۋ» ۇيىمىن تالقاندادى
2020.09.18 15:54 كەلۋ قاينارى : حالىق تورابى
حالىق تورابىنىڭ 9 – ايدىڭ 17 – كۇنى بەيجيڭنەن بەرگەن حابارى. بىرەۋلەردىڭ 50 يۋانعا جىفۋباۋ ەسەپ ءنومىرىن ساتىپ الۋداعى ماقساتى شەتەلدەگى قۇمار ويناۋ توراپتارىمەن ەسەپ جاساۋ ما؟ جۋىردا، حۋلۋداۋ قالالىق ساقشى جاعى جىفۋباۋ، بانكە كارتۋچكاسى قاتارلىلار ارقىلى ينتەرنەتتە شەكارا اتتاپ قۇمار ويناعان زاڭعا قايشى قىلمىستى ەلەمەنتتەرگە قارجىلىق ەسەپ جاساۋ جولىن (ادەتتە «ۋاكىلەتتى ەسەپ جاساۋ) دەپ اتالادى) دايىنداپ بەرگەن ەرەكشە ءىرى قىلمىستىق توپتى ءساتتى تالقانداعان، قىلمىس كۇماندىلارىنان 12 ادام زاڭ تورىنا تۇسكەن، دەلوعا قاتىستى قاراجات سوماسى 70 ميلليون يۋاننان اسقان.
بيىل 6 – ايدىڭ باسىندا، حالىق ساقشىلارى قىزمەت بارىسىندا وزگەشە جاعدايدى بايقاعان، بىرەۋلەر جىفۋباۋ ەسەپ ءنومىرىن ساتىپ العان، باعاسى 30 يۋاننان 50 يۋانعا دەيىن بولعان، باسقالاردىڭ ەسەپ ءنومىرىن ساتىپ الىپ نە ىستەمەكشى؟ تەكسەرۋ بارىسىندا حالىق ساقشىلارى بۇل ءىستىڭ زاڭسىز ساۋداعا اقى تولەۋ – ەسەپ جاساۋ جولىن اشىپ بەرەتىن زاڭسىز كاسىپ سالاسى تىزبەگى ەكەنىن بايقايدى، ولاردىڭ ساتىپ العان جىفۋباۋ ەسەپ نومىرلەرىن شەكارا سىرتىنداعى قۇمار ويناۋ توراپتارىمەن قارجىلىق ەسەپ جاساۋعا پايدالانۋ كۇمانى بار بولىپ شىعادى، ونىڭ ۇستىنە، بۇعان ساياتىن قاراجات سوماسى دا وتە قوماقتى ەكەن. ءجىپ ۇشىن ىشكەرىلەي قازبالاۋ ناتيجەسىندە، چىن X باس بولعان شەتەلدەگى قۇمار ويناۋ توراپتارىمەن قارجىلىق ەسەپ جاساۋعا «ۋاكىلەتتى ەسەپ جاساۋ» قىزمەتىن اتقارۋ كۇمانى بار قىلمىستىق توپ اشكەرەلەنەدى.
ىشكەرىلەي تەكسەرۋ ارقىلى، حالىق ساقشىلارى اتالعان توپتىڭ ۇيىمدىق قۇرىلىمى مەن قىزمەت وتەۋ كولەمىن نەگىزىنەن يگەرىپ بولادى، ولار جىفۋباۋ تەكشەسىندەگى ءۇشىنشى جاقتىڭ زاڭدى ەسەپ نومىرلەرىن مولداپ ساتىپ الىپ، قۇمار ويناۋ توراپتارىن جىفۋباۋدىڭ اقشا قابىلداۋ كودىمەن قامداعان، قۇمار ويناۋشىلار كودتى جايمالاۋ ارقىلى اقشا تولەسە بولعانى، ولار جىفۋباۋداعى ناق اقشانى شىعارىپ العان سوڭ، توراپ بەرگەن بانكە كارتۋچكاسىنىڭ ەسەپ نومىرىنە ساقتايدى، اتالعان توپ وسى ارالىقتان سىرىڭكەلىك الۋ ارقىلى پايدا تۇسىرەدى.
ساقشى جاق مىنانى ەسكەرتەدى: قالىڭ جۇرتشىلىق وزدەرىنىڭ ۋيچات، جىفۋباۋ ەسەپ نومىرلەرىن پايدالانۋ ۇقىعىن قاستەرلەۋى، ۋيچات پەن جىفۋباۋداعى اقشا قابىلداۋ كودىن باسقالارعا الباتى جوتكەپ بەرمەۋى كەرەك؛ ينتەرنەتتەگى ءىس جۇزىندىك جاعدايعا ۇيلەسپەيتىن جوعارى كىرىمدى جۇمىستاردىڭ ەلىكتىرۋىنە الدانىپ قالماۋى ءتيس؛ وزدەرىنىڭ جىفۋباۋ ەسەپ نومىرلەرىن، بانكە كارتۋچكاسى ەسەپ نومىرلەرىن، اقشا قابىلداۋ كودى، اقشا تولەۋ كودى قاتارلى جەكەلىك ينفورماتسيالارىن اشكەرەلەمەۋى كەرەك؛ بەيتانىس ادامدارمەن قارجىلىق بارىس – كەلىس ىستەرىنە قاتىناسپاۋ، زاڭعا قايشى قىلمىستىق ارەكەتتەردىڭ سويىلىن سوعۋشى بولىپ قالماۋى قاجەت؛ ەگەر قولدانۋشىلاردى تەكشەگە اقشا الۋ ەكى ولشەمدى كودىن شىعارۋعا جەلىكتىرۋ قاتارلى زاڭعا قايشى ارەكەتتەر بايقالسا، دەر كەزىندە قوعام حاۋىپسىزدىگى ورگاندارىنا مالىمدەۋ كەرەك. (مىڭ جىلياڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
