قارىز الۋ قولحاتىن جازباسا دا، مويىنداماي قويۋىنا بولمايدى
شينجياڭ باي اۋدانى قىستاق تۇرعىنىنىڭ ارىز – شاعىم بەرۋ ارقىلى زاڭدى ۇقىعىن قورعاۋىنا قولداۋ كورسەتتى
حى حاييان، چىن جىمين
2020.09.21 15:42 كەلۋ قاينارى : حالىق تورابى
پروكۋراتۋرا گازەتىنىڭ ءتىلشىسى حى حاييان، ەرىكتى ءتىلشىسى چىن جىمين حابارلايدى. قارىز الۋ قولحاتى بولماسا، ديقاننىڭ سۇرلەم جەم – ءشوپ الۋعا قارىزعا بەرگەن اقشاسىن قايتارىپ الۋ مۇمكىندىگى بار ما؟ شينجياڭ ۇيعۇر اۆتونوميالى رايونى اقسۋ ايماعى باي اۋداندىق پروكۋراتۋرا زاڭ بويىنشا ارىز – شاعىم بەرۋىنە قولداۋ كورسەتىپ، قىستاق تۇرعىنىنىڭ وسى ءبىر ماسەلەسىن شەشۋىنە كومەكتەستى.
بيىل 5 – ايدا، باي اۋداندىق پروكۋراتۋرانىڭ پروكۋرورى اتالعان اۋداننىڭ شارشى قالاشىعى وستەڭ بويى قىستاعىندا ارالاپ جاعداي ۇعىسۋ بارىسىندا، قىستاق تۇرعىنى ءماي X پروكۋروردان كومەك سۇرايدى. 2018 – جىلى، اتالعان اۋدانداعى ءبىر قوجايىن ءماي X وتباسىنان قارىزعا قۇنى 36 مىڭ يۋاندىق سۇرلەم جەم – ءشوپ ساتىپ الادى. ءماي X شاراسىزدىقپەن: «ول كەزدە، ول بىرنەشە كۇننەن كەيىن اقشاسىن تولەيمىن دەگەن سوڭ، وعان قارىز قولحاتىن جازدىرماعان ەدىم. قازىر اقشامدى الا الماي ءجۇرمىن، قايتسەم بولار ەكەن؟» — دەپ سۇرادى.
بۇل جاعدايدى ۇعىسقان سوڭ، باي اۋداندىق پروكۋراتۋرا دەرەۋ ەكىنشى پروكۋراتۋرا ءبولىمىنىڭ پروكۋرورىن وستەڭ بويى قىستاعىنا بارىپ، ارالاپ جاعداي ۇعىسۋعا جىبەرىپ، قاتىستى ءجىپ ۇشتارىن جيناقتادى ءارى مەڭگەردى. ارالاپ جاعداي ۇعىسۋ بارىسىندا، پروكۋرور ىلگەرىندى – كەيىندى 4 ادامنىڭ قارىزعا الۋ تاسىلىمەن قىستاق تۇرعىندارىنان قۇنى 300 مىڭ يۋاندىق سۇرلەمدىك جەم – ءشوپ ساتىپ العانىن بايقايدى.
پروكۋرور بىلاي دەپ قارادى: قارىز بەرگەن قىستاق تۇرعىندارىنىڭ زاڭدى ۇقىق – مۇددەسى زيانعا ۇشىراعان، ولاردىڭ قولىندا ىسپات تولىق بولماعاندىقتان، ارىز – شاعىم بەرۋ نەمەسە باسقا دا زاڭدىق كومەك سۇراۋ جولدارىمەن وزدەرىنىڭ زاڭدى ۇقىقتارىن قورعاۋعا شاراسىز قالعان، بۇل زاڭدا بەلگىلەنگەن پروكۋراتۋرا ورگاندارىنىڭ ارىز – شاعىم بەرۋگە قولداۋ كورسەتۋ شارت – جاعدايىنا ۇيلەسەدى.
شينجياڭ ۇيعۇر اۆتونوميالى رايوندىق پروكۋراتۋرا اقسۋ ايماقتىق بولىمشە پروكۋراتۋراسى مەن باي اۋداندىق پروكۋراتۋرا زەرتتەۋ ارقىلى، دەلو ءبىتىرۋ ارناۋلى گرۋپپاسىن قۇرىپ، قاتىستى دەلولارعا تەكسەرۋ جۇرگىزۋ ءتارتىبىن باستايدى. ءبىرقىدىرۋ ىسپاتتاردى تۇراقتاندىرىپ، ارىز – شاعىم بەرۋگە قولداۋ كورسەتۋ جاعىنداعى دايىندىق قىزمەتتەردى ويداعىداي ىستەگەن سوڭ، بيىل 6 – ايدا، باي اۋداندىق پروكۋراتۋرا زاڭ بويىنشا ارىز – شاعىم بەرۋگە قولداۋ كورسەتۋ پىكىرناماسىن اتالعان اۋداندىق سوتقا تاپسىرىپ، قارىز العان 4 ادامنىڭ كەشەۋىلدەتكەن سۇرلەم جەم – ءشوپ قاراجاتىن زاڭ بويىنشا تولەۋىن تالاپ ەتەدى. سوت مەكەمەسىنىڭ جاراستىرۋى بويىنشا، قارىز العان 4 ادام جۋىق ارادا قارىزعا العان قاراجاتتى تولىق تولەيتىندىكتەرىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
