جاڭاشا نەگىزدىك قۇرىلعى ينتەرنەت حاۋىپسىزدىگى جوعارى دارەجەلى تالقى مىنبەرى وتكىزىلدى
2020.09.22 14:31 كەلۋ قاينارى : حالىق تورابى
9 ـ ايدىڭ 16 ـ كۇنى تۇستەن كەيىن «جاڭا جەلىنى قورعاپ، جاڭا حاۋىپسىزدىكتى تىلگە تيەك ەتۋ» تاقىرىبىنداعى جاڭاشا نەگىزدىك قۇرىلعى ينتەرنەت حاۋىپسىزدىگى جوعارى دارەجەلى تالقى مىنبەرى جەلىدە ءساتتى وتكىزىلدى. وسى رەتكى تالقى مىنبەرىنە ونەركاسىپ جانە ينفورماتسيالاندىرۋ مينيسترلىگىنىڭ ينتەرنەت حاۋىپسىزدىگىن باسقارۋ مەكەمەسى جەتەكشىلىك ەتىپ، جۇڭگو ينفورماتسيا ـ حابارلاسۋ زەرتتەۋ اكادەمياسى مەن ونەركاسىپ ينتەرنەت كاسىپ وداعى باس بولىپ وتكىزدى. ونەركاسىپ جانە ينفورماتسيالاندىرۋ مينيسترلىگى توراپ حاۋىپسىزدىگىن باسقارۋ مەكەمەسىنىڭ ورىنباسار باستىعى جاڭ شين، حىنان حابار - بايلانىستى باسقارۋ مەكەمەسى پارتيا باسشىلىق گرۋپپاسىنىڭ مۇشەسى، ءتارتىپ تەكسەرۋ گرۋپپاسىنىڭ باستىعى، 2 - دارەجەلى شارلاۋشى حوۋ جيانتاۋ تالقى مىنبەرىنە قاتىناستى جانە ءسوز سويلەدى، جۇڭگو ينجەنەريا اكادەمياسىنىڭ ۋ حىچۋان اكادەميگى ارقاۋ ءسوز سويلەدى، جۇڭگو ينفورماتسيا ـ حابارلاسۋ زەرتتەۋ ورنىنىڭ ورىنباسار باستىعى، ونەركاسىپ ينتەرنەت كاسىپ بىرلەستىگىنىڭ باس حاتشىسى يۇي شياۋحۇي تالقى مىنبەرىن باسقاردى.
ورىنباسار مەكەمە باستىعى جاڭ شين ءسوز سويلەپ، كەزەكتەگى ونەركاسىپ ينتەرنەت حاۋىپسىزدىگى كەپىلدىك جۇيەسى قۇرىلىسىندا قول جەتكەن دامۋدى تانىستىردى، ءارى ونەركاسىپ ينتەرنەت كاسىپورىندارىنىڭ حاۋىپسىزدىگىن تۇرگە ايىرىپ باسقارۋ، حاۋىپ - قاتەرگە توتەپ بەرۋ، ءبىر جاقتىلى ەتۋ قابىلەتىن جوعارىلاتۋ، حاۋىپسىزدىك كاسىبىنىڭ جاڭا ەكولوگياسىن بەلسەنە جەتىلدىرۋ سىندى ءۇش جاقتان كەلەسى قادامداعى ءتۇيىندى قىزمەت تالابىن ورتاعا قويدى، ونەركاسىپ ينتەرنەت حاۋىپسىزدىگىنىڭ دامۋىن جەدەلدەتۋگە ماڭىزدى جەتەكشىلىك ەتتى.
حوۋ جيانتاۋ شارلاۋشى حىنان ولكەسىنىڭ ينتەرنەت حاۋىپسىزدىگى قىزمەتىنىڭ بەلسەندى اياق الىسىن، سونداي ـ اق ينفورماتسيا، حابارلاسۋ كاسىبىنىڭ جۇمىستى، ءوندىرىستى قالپىنا كەلتىرۋىن بەلسەنە ىلگەرىلەتۋ، 5G توراپ قۇرىلىسى مەن كاسىپ سالاسىنىڭ دامۋىن جەدەل ىلگەرىلەتۋ، ينتەرنەت حاۋىپسىزدىگى تەحنيكاسىندا جاڭالىق اشۋدى جانە ساندى مالىمەت حاۋىپسىزدىگىن قورعاۋدى ىلگەرىلەتۋ سياقتى جاقتاردا جۇرگىزگەن امالياتى مەن ىزدەنىسىن تانىستىردى.
ۋ حى چۋان اكادەميكتىڭ «ينفورماتسيا تەحنيكاسى قوس ءجۇزدى قانجار، ينتەرنەت حاۋىپسىزدىگىندەگى 10 سايىس» اتىنداعى لەكسياسىندا جاڭاشا نەگىزدىك قۇرىلعى ينتەرنەت حاۋىپسىزدىگىنىڭ باستى مازمۇنى تانىستىرىلدى ءارى جاڭا كوز ايادا ەگجەي ـ تەگجەيلى تۇسىنىك جاسالدى. 5G قولدانىسى، جاساندى زەردە سياقتى جاڭا بۋىن ينفورماتسيا تەحنيكاسى مەن ونەركاسىپ ينتەرنەتىنىڭ توعىسۋىنان تۋىنداعان توراپ حاۋىپسىزدىگى جاعىنداعى 10 سايىستى تانىستىردى.
جۇڭگو حابار - بايلانىس زەرتتەۋ مەكەمەسى حاۋىپسىزدىكتى زەرتتەۋ ورنىنىڭ ينفورماتسيالاندىرۋ جانە ونەركاسىپتەندىرۋدى، ينفورماتسيالاندىرۋدى توعىستىرۋ ءبولىمىنىڭ مەڭگەرۋشىسى، ونەركاسىپ ينتەرنەت كاسىبى وداعى حاۋىپسىزدىك گرۋپپاسىنىڭ ورىنباسار ءتوراعاسى تيان حۇيرۇڭ «2020 - جىلدىڭ العاشقى جارتىسىنداعى ونەركاسىپ ينتەرنەت حاۋىپسىزدىگى جاعدايى جونىندەگى باياندامانى» جاريالادى. جۇڭگو ينفورماتسيا حابارلاسۋدى زەرتتەۋ ورنى، جۇڭگو تەلەگراف مەكەمەسى، جۇڭگو توراپ حاۋىپسىزدىگى، جۇڭگو مەڭگەرۋ توبى، حاي - ىر توبى، 360 كاسىپورىن حاۋىپسىزدىك توبى، شاڭحاي جىنحۋا اۋىر ونەركاسىپ توبى، بەيجيڭ قاتىناس داشۋەسى، جۇڭگو اۆتوموبيل ساندى مالىمەتى، بەيجيڭ بۇكىل جول حابارلاسۋ سيگنالىن زەرتتەۋ اكەدەمياسى، حىڭ - ان جياشين، ياحۇڭشى، ليۋ فاڭۇيننىڭ 13 مامانى جانە كاسىپورىن ۋاكىلدەرى جاڭاشا نەگىزدىك قۇرىلعى حاۋىپسىزدىگىن ارقاۋ ەتىپ، ونەركاسىپ ينتەرنەت حاۋىپسىزدىگى جۇيەسى قۇرىلىسى، حاۋىپسىزدىك شەشۋشى تەحنيكاسى، حاۋىپسىزدىك شەشۋ جوباسى، سونداي - اق قيىلىستاتىن كاسىپتەر مەن ءتۇيىندى سالالاردىڭ حاۋىپسىزدىك امالياتى سياقتى جاقتاردى توڭىرەكتەي وتىرىپ، ورتاق يگىلىكتەنۋ جونىندە اۋىس - كۇيىس جاسادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
