ەگىستىك جەردى «اۋىل شارۋاشىلىعىنا جاتپايتىن ەتۋ» ارەكەتىنە باتىل تيىم سالىنادى
ەگىستىك جەردى بەلگىلەمەگە قايشى يەمدەنىپ ورمان وسىرۋگە قاتاڭ تيىم سالىنادى
2020.09.22 14:33 كەلۋ قاينارى : حالىق تورابى
مەملەكەتتىك كەڭەستىڭ كەڭسە مەڭگەرمەسى بىرنەشە كۇننىڭ الدىندا «ەگىستىك جەردى <اۋىل شارۋاشىلىعىنا جاتپايتىن ەتۋ> ارەكەتتەرىنە باتىل تيىم سالۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىنەدى) باسىپ تاراتتى. مەملەكەتتىك كەڭەستىڭ اقپارات كەڭسەسى 9 – ايدىڭ 18 - كۇنى وتكىزگەن مەملەكەتتىك كەڭەستىڭ ساياساتتىق حابارلاندىرۋ ماجىلىسىندە، اۋىل شارۋاشىلىعى، اۋىل ـ قىستاق مينيسترلىگى پارتيا باسشىلىق گرۋپپاسىنىڭ مۇشەسى، قوسىمشا ورتالىقتىڭ اۋىل ـ قىستاق قىزمەتىنە باسشىلىق ەتۋ گرۋپپاسى كەڭسەسى حاتشىلار مەكەمەسىنىڭ باستىعى ۋ حۇڭياۋ بىلاي دەدى: «الدا، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمى، ورنالاستىرۋى بويىنشا، قاتىستى ساياسات شارالاردى جاساپ جانە رەتتەپ - كەمەلدەندىرىپ، «ۇقتىرۋداعى» بەلگىلەمەگە قايشى ارەكەتتەردى دەرەۋ تۇزەتىپ، جاڭا ەگىستىك جەردى <اۋىل شارۋاشىلىعىنا جاتپايتىن ەتۋ> ماسەلەسىنىڭ تۋىلۋىن باتىل تەجەۋ كەرەك.»
ءبىر ميلليارد 400 ميلليون حالىقتىڭ ىشەر اس ماسەلەسىن ويداعىداي شەشۋ ءۇشىن، ءسوز جوق، ەگىستىك جەر سىندى نەگىزدى بەكەمدەۋ كەرەك. ۋ حۇڭياۋ تانىستىرىپ بىلاي دەدى: جەر - جەر «ولكە دارەجەلى ۇكىمەتتەردىڭ ەگىستىك جەردى قورعاۋ جاۋاپكەرشىلىك نىساناسى شاراسى» بويىنشا جالپى بەتتىك تەكسەرۋ ورىستەتۋى كەرەك، جاي - جاپسارىن، تيپىن انىقتاپ، زاڭعا، بەلگىلەمەگە قايشى ارەكەتتەردى تەكسەرىپ ءبىر جاقتىلى ەتۋدى كۇشەيتىپ، بايقالعان ماسەلەلەردى دەرەۋ تۇزەتۋ كەرەك، بۇيرىقتى اتقارماعانداردىڭ، تيىم سالسا دا تيىلماعانداردىڭ جاۋاپكەرشىلىگىن قاتاڭ قۋزاستىرۋ كەرەك.
جاراتىلىستىق بايلىق مينيسترلىگىنىڭ ورىنباسار مينيسترى ۋاڭ گۋاڭحۋا بىلاي دەدى: الدىمەن تىڭنان قوسىلۋدى تەجەۋ كەرەك. تىڭنان جارىققا شىققان ءتۇرلى ەگىستىك جەرلەردى «اۋىل شارۋاشىلىعىنا جاتپايتىن ەتۋ» ماسەلەلەرىن دەر كەزىندە تەجەۋ، دەر كەزىندە ءبىر جاقتىلى ەتۋ كەرەك. شاعۋعا تيىستىلەرىن باتىل شاعۋ، ءمۇسادىرالاۋعا تيىستىلەرىن ءمۇسادىرالاۋ، جاۋاپقا تارتۋعا تيىستىلەرىن جاۋاپقا تارتۋ، ەگىستىك جەردى قالپىنا كەلتىرۋگە تيىستىلەرىن شەكتى مەرزىم ىشىندە قالپىنا كەلتىرۋ كەرەك، تىڭنان قوسىلعان ماسەلەلەرگە استە جول بەرمەۋ كەرەك. ونان قالسا، ساقتالعان مولشەرىن بىرتىندەپ قورىتۋ. «اۋىل شارۋاشىلىعىنا جاتپايتىن ەتۋ» ماسەلەسىنىڭ جارىققا شىعۋىندا شىندىقتى ءىس جۇزىنەن ىزدەۋگە، ۇيلەسىمدى ءبىر جايلى ەتۋگە تاباندى بولۋ كەرەك، ءبىر شىبىقپەن ايداۋعا بولمايدى.
تاس جول قۇرىلىسى مەن ەگىستىك جەردى قورعاۋدىڭ قاتىناسىن قالاي شەشۋ كەرەك؟ قاتىناس ـ تاسىمال مينيسترلىگىنىڭ جاۋاپتىسى جوۋ رۇڭفىڭ بىلاي دەپ تانىستىردى: قاتىناس ـ تاسىمال مينيسترلىگى قاتىناس نەگىزدىك قۇرىلعى قۇرىلىسىندا جەردى شوعىرلى، ۇنەمدى پايدالانۋعا باسا ءمان بەرەدى. بەلگىلەۋ، جوبالاۋ باسقىشىندا، لەنيانى عىلىمي تالداۋ، ورنالاستىرۋ كەرەك، تاسىمال ارناسى بايلىعىنان ءبىرتۇتاس پايدالانىپ، نەگىزگى ەگىنجايلاردان مۇمكىندىكتىڭ بارىنشا اۋلاق بولىپ، جەردى، اسىرەسە ەگىستىك جەردى يەلەۋ جاعدايىن جوباعا سالىستىرىپ دالەلدەۋدەگى شەشۋشى كورسەتكىش ەتۋ كەرەك. قۇرىلىس سالۋ باسقىشىندا ۋاقىتتىق جۇمىستىڭ ەگىنجايلاردى يەمدەنىپ الۋ ۋاقىتىن ازايتۋ كەرەك، ۋاقىتتىق قۇرىلعىلار ەگىس اتىزدارىن يەمدەنۋدەن ساقتانۋ ءۇشىن، مۇمكىندىگىنشە جەر بەتىندەگى تۇنىق توپىراقتان پايدالانىپ، جەردى قايتا قالپىنا كەلتىرۋ كەرەك.
«ۇقتىرۋدا» ەگىستىك جەردى بەلگىلەمەگە قايشى يەمدەنىپ ورمان وسىرۋگە قاتاڭ تيىم سالۋ ايقىن ورتاعا قويىلدى. بۇل جونىندە مەملەكەتتىك ورمان شارۋاشىلىعى جانە جايىلىم مەكەمەسى ەكولوگيانى قورعاۋ، قالپىنا كەلتىرۋ مەڭگەرمەسىنىڭ باستىعى جاڭ ۋي بىلاي دەدى: ەكولوگيانى قورعاۋ، قالپىنا كەلتىرۋ جانە ەگىستىك جەردى قاتاڭ قورعاۋدىڭ قاتىناسىن ۇيلەسىمدى ءبىر جاقتى ەتۋ كەرەك. ورمان، ءشوپ تۇقىمىن ءوندىرۋ رۇقسات كۋالىگىن باسقارۋ ءادىسىن بەلگىلەۋدە، قالامشالاردى وندىرەتىن، تيجارات ەتەتىن جەر ماڭگىلىك نەگىزگى اتىز بولماۋى كەرەك دەپ بەلگىلەۋ كەرەك. «جاڭا كەزەكتەگى ەگىستىك جەردى ورمانعا قايتارۋدىڭ جالپى جوبا نۇسقاسى» مەن مەملەكەتتىك كەڭەس بەكىتكەن ەگىستىك جەردى ورمانعا، جايىلىمعا قايتارۋدى كەڭەيتۋدەگى جەر تۇرلەرى، كولەمى بويىنشا قاتاڭ اتقارۋ، قايتارىپ الۋعا ساياتىن ەگىستىك جەردى تۇگەلدەي قاريتاعا ءتۇسىرىپ، مالىمەت قامباسىنا كىرگىزۋ ارقىلى باسقارۋ، سونداي - اق جەردى وزگەرتىپ تىزىمگە الدىرۋ ۇقىعىن زاڭ بويىنشا ايقىنداۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
