شينجياڭ ءۇرىمجى قالالىق حالىق ۇكىمەتى پارتيا باسشىلىق گرۋپپاسىنىڭ بۇرىنعى مۇشەسى، ورىنباسار قالا باستىعى لي ۋەي تارتىپكە، زاڭعا اۋىر قايشىلىق جاساعاندىقتان، پارتيادان، قىزمەتتەن ايدالدى
2020.09.24 14:26 كەلۋ قاينارى : حالىق تورابى
شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ ـ تەكسەرۋ كوميتەتىنىڭ حابارىنا قاراعاندا، تاياۋدا شينجياڭ ۇيعۇر اۆتونوميالى رايوندىق پارتكومنىڭ بەكىتۋىمەن، شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى ءۇرىمجى قالالىق حالىق ۇكىمەتى پارتيا باسشىلىق گرۋپپاسىنىڭ بۇرىنعى مۇشەسى، ورىنباسار قالا باستىعى لي ۋەيدىڭ تارتىپكە، زاڭعا اۋىر قايشىلىق جاساۋ ماسەلەسىن دەلو تۇرعىزىپ تەكسەردى.
تەكسەرۋ ارقىلى لي ۋەي كوممۋنيستىك پارتيا مۇشەسىنىڭ نەگىزگى پارتيالىلىق پرينسيبىن جانە ار – نامىس سوڭعى شەگىن جوعالتقان، پارتيانىڭ ءتۇبىرلى ماقساتىنان بەزىپ، اۋەلگى ماقساتىن، بورىشىن ۇمىتقان، ورتالىقتىڭ قاتىستى ساياسات، بەلگىلەمەلەرىن ەسكەرمەي، سۇرقيا كۇش قىلمىستىق توبىنا «باسقالقا» بولعان، بارىن سالىپ ۇيىمنىڭ تەكسەرۋىنە قارسىلىق كورسەتكەن؛ ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساپ، ۇكىمەت اۆتوكولىگىن جەكەلىك جۇمىستارىنا پايدالانىپ، ءولىم - ءجىتىم ىستەرىنەن پايدالانىپ اقشا جيناپ، بەلگىلەمەگە قايشىلىق جاساپ قوناعاسى جانە ساياحات ورنالاستىرۋىن قابىلداعان؛ جەكە باسىنا قاتىستى ىستەردى جاسىرىپ مالىمدەمەگەن؛ ۇكىمەت قىزمەتىن ءادىل اتقارۋعا كەسىرىن تيگىزۋى مۇمكىن بولعان تارتۋ – تارالىعىنى العان، قىزمەت ۇقىعىنان پايدالانىپ جانىنداعى قىزمەتشىلەردەن پايدا كوزدەگەن، ساياساتقا قايشىلىق جاساپ، يگىلىك ءۇي بولىسىنەن قايتالاي يگىلىكتەنىپ، ءوزى تولەۋگە ءتيىستى قاراجاتتى باسقالارعا تولەتكەن؛ تۇرمىستا ءسان - سالتاناتقا بەرىلىپ، توپتاسىپ قۇمار ويناپ، ءمورالدىق جاقتان بۇزىلعان؛ قىزمەت قولايلىلىعىنان پايدالانىپ، ۇكىمەت اقشاسىن ءوزى يەمدەنىپ العان؛ مال - مۇلىكتى سۇراپ العان، مولشەرى ەرەكشە مول مال – مۇلىكتى زاڭسىز قابىلداعان.
لي ۋەي پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، تۇرمىس تارتىبىنە اۋىر قايشىلىق جاسادى، ءارى وعان قياناتشىلدىق، پاراقورلىق قىلمىس كۇمانى تاعىلدى، ونىڭ ۇستىنە پارتيا 18 - قۇرىلتايىنان كەيىن دە العان بەتىنەن قايتپاعان، تىزگىنىن تارتپاعان، سيپاتى توتەنشە جيىركەنىشتى، ءىسى توتەنشە اۋىر، قاتاڭ ءبىر جاقتى ەتىلۋى ءتيىس. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ – تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىن اكىمشىلىك جاقتان جازالاۋ زاڭى» ، «اكىمشىلىك ورگاندارداعى ۇكىمەت قىزمەتكەرلەرىن جازالاۋ ەرەجەسى» قاتارلى قاتىستى بەلگىلەمەلەرگە نەگىزدەلىپ، شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى جانە شينجياڭ ۇيعۇر اۆتونوميالى رايوندىق پارتكومنىڭ بەكىتۋىمەن وعان پارتيادان ايداۋ جازاسىن بەرۋدى ۇيعاردى؛ شينجياڭ ۇيعۇر اۆتونوميالى رايوندىق باقىلاۋ كوميتەتى وعان قىزمەتتەن ايداۋ جازاسىن بەردى؛ تارتىپكە، زاڭعا قايشى تابىسىن تاركىلەدى؛ قىلمىس كۇمانىنا ساياتىن ماسەلەلەردى پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ، وعان ساياتىن مال - مۇلىكتى دەلومەن بىرگە وتكىزىپ بەردى.
لي ۋەيدىڭ قىسقاشا ٶمىر بايانىلي ۋەي، ەر، حۇيزۋ، 1966 - جىلى 6 – ايدا تۋىلعان، شينجياڭنىڭ ءۇرىمجى قالاسىنان، 1983 - جىلى 12 – ايدا قىزمەتكە قاتىناسقان، 2004 – جىلى 11 - ايدا جۇڭگو كوممۋنيستىك پارتياسىنا كىرگەن، اسپيرانت ماعلۇماتىنا يە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
