بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ەڭ جوعارى حالىق سوت مەكەمەسى باعالى قاعاز، كەسىكتى بۇيىم قىلمىستارىن زاڭ بويىنشا جازالاۋداعى تيپتىك دەلولاردى جاريالادى

2020.09.25 15:29     كەلۋ قاينارى : حالىق تورابى

  ەلىمىزدىڭ اكتسيا، كەسىكتى بۇيىم بازارىنىڭ تەز دامۋىنا بايلانىستى، الداپ تاراتۋ، قازىنالىق جالعان جاساۋ، بازاردى مەڭگەرۋ، ىشتەي ساۋدالاسۋ، جاريالانباعان ينفورماتسيا ساۋداسىنان پايدالانۋ قاتارلى باعالى قاعاز، كەسىكتى بۇيىم قىلمىستارى ۇزدىكسىز تۋىلىپ، قالىڭ قارجى قوسۋشىلاردىڭ زاڭدى ۇقىق - مۇددەسىنە اۋىر زيان جەتكىزدى، اكتسيا، كەسىكتى بۇيىم بازارىن باسقارۋ ءتارتىبىن ءبۇلدىرىپ، مەملەكەتتىڭ فينانس حاۋىپسىزدىگى مەن كاپيتال بازارىنىڭ اقاۋسىزدىعىنا، ورنىقتىلىعىنا زالال جەتكىزدى.

  بۇگىن ەڭ جوعارى حالىق سوت مەكەمەسى 2017 - جىلدان بەرى حالىق سوت مەكەمەسى قاراپ اياقتاتقان باعالى قاعاز، كەسىكتى بۇيىم قىلمىسىنداعى تيپتىك 7 دەلونى جاريالادى. مۇنىڭ ىشىندە ءبىر الدامشىلىقپەن جارنا بەلەتىن تاراتۋ، بەلگىلەمەگە قايشى ماڭىزدى ينفورماتسيا جاريالاۋ دەلوسى، 2 باعالى قاعاز، كەسىكتى بۇيىم بازارىن شەڭگەلدەۋ دەلوسى، 3 باعالى قاعازدى ىشتەي ساۋدالاۋ، ينفورماتسيا شاشۋ دەلوسى، ءبىر اشىق جاريالانباعان ينفورماتسيا ساۋداسىنان پايدالانۋ دەلوسى قامتىلعان. بۇل دەلولار حالىق سوت مەكەمەسىنىڭ باعالى قاعاز، كەسىكتى بۇيىم قىلمىستارىنا استە جول بەرمەۋ پوزيتسياسىن جانە مايدانىن ءار قىرىنان ايگىلەدى.

  ۇعىسۋعا قاراعاندا، سوڭعى جىلداردان بەرى ەڭ جوعارى حالىق سوت مەكەمەسى باعالى قاعاز، كەسىكتى بۇيىم قىلمىستارىنا سوت اشۋ قىزمەتىنە ايرىقشا ءمان بەرىپ، ورتالىقتىڭ فينانس باعالى قاعاز قىلمىستارىن زاڭ بويىنشا جازالاۋ، ءىرى فينانس حاۋىپ - قاتەرىنەن ساقتانۋ جانە ونى جويۋ جونىندەگى شەشىمدەرى مەن ورنالاستىرۋلارىن شىنايى دايەكتىلەندىرىپ، ءىرى دەلولارعا سوت جۇرگىزۋگە جەتەكشىلىك ەتۋدى كۇشەيتتى، قاتىستى ءادىليالىق تۇسىندىرمەلەر جاسالىپ جانە جاريالانىپ، زاڭ قولدانۋ ولشەمى مەن ءادىليالىق ساياسات بىرلىككە كەلتىرىلەدى. ءار دارەجەلى حالىق سوت مەكەمەلەرى كەڭشىلىك ەتۋ مەن قاتاڭ جازالاۋ ۇشتاستىرىلعان قىلمىستىق ىستەر ساياساتىن شىنايى دايەكتىلەندىرىپ، «شۇي شياڭنىڭ باعالى قاعاز بازارىن شەڭگەلدەۋ دەلوسى»، «يشتوننىڭ كەسىكتى بۇيىم بازارىن شەڭگەلدەۋ دەلوسى» سياقتى ءبىر توپ ءىرى باعالى قاعاز، كەسىكتى بۇيىم قىلمىس دەلولارىن زاڭ بويىنشا ءبىر جاقتى ەتىپ، تاماشا ساياسي، زاڭدىق جانە قوعامدىق ونىمدىلىككە قول جەتكىزىلدى.

  ۇعىسۋعا قاراعاندا، ورتالىقتىڭ كاپيتال بازارىنداعى زاڭعا قايشى قىلمىستىق ارەكەتتەرگە «استە راقىم ەتپەۋ» قىزمەت تالابىن جاپپاي تياناقتاندىرۋ ءۇشىن، جۋىقتا، ەڭ جوعارى حالىق سوت مەكەمەسى «باعالى قاعاز، كەسىكتى بۇيىم قىلمىستارىن سوتتاۋ قىزمەتىن كۇشەيتىپ، باعالى قاعاز، كەسىكتى بۇيىم قىلمىستارىن زاڭ بويىنشا قاتاڭ جازالاۋ جونىندەگى ۇقتىرۋدى» تاراتتى. بۇكىل ەلدەگى حالىق سوت مەكەمەلەرىنەن «استە راقىم ەتپەۋ» پوزيتسياسىمەن باعالى قاعاز، كەسىكتى بۇيىم قىلمىستارىن زاڭ بويىنشا قاتاڭ جازالاپ، مەملەكەتتىڭ فينانس حاۋىپسىزدىگى مەن كاپيتال بازارىنىڭ اقاۋسىزدىعىن، ورنىقتىلىعىن شىنايى قورعاۋىن تالاپ ەتتى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار