بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

«قوس مەرەكە» دەمالىسىندا  جۇرگىنشى كوپ بولادى

قوعام حاۋىپسىزدىگى مينيسترلىگى مەرەكە كەزىندەگى قاتىناس حاۋىپسىزدىگى ساقتىق سيگنالىن جاريالادى

2020.09.28 13:57     كەلۋ قاينارى : حالىق تورابى

  حالىق تورابى 9 – ايدىڭ 25 – كۇنى، ءتىلشىنىڭ بۇگىن قوعام حاۋىپسىزدىگى مينيسترلىگىنىڭ قاتىناس باسقارۋ مەكەمەسىنەن ۇعىسۋىنشا، مەملەكەت مەرەكەسى مەن ورتاڭعى كۇز مەرەكەسىنىڭ 8 كۇندىك دەمالىسى تاياپ قالدى، بۇكىل ەل بويىنشا شوعىرلى ساپارلاۋدىڭ جوعارى ورلەۋىن قارسى الادى، جول قاتىناس حاۋىپسىزدىگى حاۋىپ - قاتەرى ارتادى. تاياۋدا، قوعام حاۋىپسىزدىگى مينيسترلىگى 3 جىلعا جۋىق مەملەكەت مەرەكەسى مەن ورتاڭعى كۇز مەرەكەسى كەزىندەگى قاتىناس ساپارى جانە قاتىناس شىرعالاڭى زاڭدىلىعى ەرەكشەلىگىنە تالداۋ جاساپ، بيىلعى «قوس مەرەكە» كەزىندەگى قاتىناس حاۋىپسىزدىگى جاعدايىنا تالداۋ جاساپ، تۇجىرىم جاسادى، ءارى قاتىناس حاۋىپسىزدىگى جونىندە ەسكەرتۋ بەردى.

  تالداۋعا قاراعاندا، بيىل «قوس مەرەكە» كەزىندە بۇكىل ەل بويىنشا جول قاتىناسىندا مىناداي ەرەكشەلىكتەر جارىققا شىعادى:

  بىرىنشىدەن، دەمالىس ۋاقىتىنىڭ باس – اياعىندا جوعارى ورلەۋ جارىققا شىعىپ، تولقىننىڭ كەلۋى مەن كەتۋىنە ۇقسايتىن ۇلگىسىندەگى قاتىناس - تاسىمال ەرەكشەلىگى كورنەكتى بولادى. جاقىنعى جىلداردان بەرى مەرەكەدەگى ساپار جاعدايىنا نەگىزدەلگەندە، «قوس مەرەكە» كەزىندەگى ساپاردىڭ ەڭ جوعارى شەگى دەمالىس كۇنىنىڭ الدىنداعى كۇنى (9 – ايدىڭ 30 - كۇنى) مەن دەمالىستىڭ ءبىرىنشى كۇنى (10 – ايدىڭ 1 - كۇنى) جارىققا شىعادى، دەمالىستىڭ سوڭعى ەكى كۇنىندا (10 – ايدىڭ 7 – كۇنى مەن 10 – ايدىڭ 8 - كۇنى) ساپاردان قايتۋ ورلەۋى جارىققا شىعادى. دەمالىس كۇنىنىڭ العاشقى كۇنى، سونداي – اق، ءار كۇنى كەشكى مەزگىلدە قاتىناس شىرعالاڭى كورنەكتى بولادى، جۋىرداعى 3 جىلدا، دەمالىستىڭ العاشقى كۇنى قاتىناس شىرعالاڭىنان قايتىس بولۋ سالىستىرماسى ەڭ جوعارى بولادى، تۇنگى ساعات 18دەن 21گە دەيىن قاتىناس شىرعالاڭىنان قايتىس بولاتىندار كوپ بولادى، قايتىس بولاتىنداردىڭ سانى ادەتتەگى كۇننەن كورنەكتى جوعارى بولادى.

  ەكىنشى، ءوز كولىگىمەن ساپارعا شىعاتىندار كوپ بولىپ، ساياحات، قاتىناس حاۋىپسىزدىگى حاۋىپ ـ قاتەرى ارتادى. بيىلعى مەملەكەت مەرەكەسى مەن ورتاڭعى كۇز مەرەكەسى دەمالىسىنىڭ ۋاقىتى ۇزاق، بۇقارانىڭ ساياحاتقا شىعۋ تىلەگى كۇشتى، قاجەتى زور، ونىڭ ۇستىنە شەكارادان شىعىپ ساياحاتتاۋ ازايدى، مەجەمەن بيىل «قوس مەرەكە» كەزىندەگى ەل ءىشى ساياحاتشىلارىنىڭ سانى كورنەكتى ارتادى، اسىرەسە ءوز كولىگىمەن ساياحاتتاۋ، توڭىرەگىن ساياحاتتاۋ قاجەتى زور بولادى. دەمالىس كەزىندە شوعىرلى ساياحاتتاپ، ءتۇيىندى رايوندارعا، ءتۇيىندى كورىنىس رايوندارىنا، ءتۇيىندى قاتىناۋ تارتىبىنە جانە قاتىناس حاۋىپسىزدىگىنە ءبىرشاما زور قىسىم تۇسىرەدى.

  ءۇشىنشى، جوعارى قارقىندى تاس جولدىڭ قاتىناۋ مولشەرى كوپ، شىرعالاڭ وڭاي تۋىلادى. دەمالىس كەزىندەگى جوعارى قارقىندى تاس جولدا شاعىن تۇرپاتتى اۆتوكولىكتەردىڭ تەگىن قاتىناۋ ساياساتى اتقارىلادى، جۋجياڭ اتىراۋى، چاڭجياڭ اتىراۋى، بەيجيڭ - تيانجين - حىبەي، چىڭدۋ - چۇڭچيڭ قاتارلى رايونداردا قاتىنايتىن اۆتوكولىكتەر سانى مول بولادى، جوعارى قارقىندى تاس جولدا كەڭ كولەمدى، ۇزاق ۋاقىتتىق قاتىناس كەپتەلىسى وڭاي تۋىلادى، ءتىپتى كوپتەگەن كولىكتەردىڭ سوعىلىسۋىن، كوپ ادام جارالانىپ، كوپ ادام قايتىس بولاتىن ۋاقيعالاردىڭ تۋىلۋىن، قاتىناس حاۋىپسىزدىگى قاتەرى كورنەكتى ارتۋىن تۋدىرادى. جاقىنداعى 3 جىلدا، دەمالىس كەزىندەگى جوعارى قارقىندى تاس جولدا قاتىناس شىرعالاڭىنان قايتىس بولعانداردىڭ سالىستىرماسى ادەتتەگى كۇندەردەن 1.3 پايىز جوعارى بولعان.

  ءتورتىنشى، اۋىل - قىستاقتىڭ ءوندىرىس، تۇرمىس ءجۇرىس - تۇرىسى كوبەيىپ، قاتىناس حاۋىپسىزدىگى حاۋىپ - قاتەرى ارتادى. دەمالىس كەزىندە اۋىل - قىستاقتا تۋىس - تۋعان، دوس - جاراندارىنا امانداسا بارۋ، سالت - سانا بويىنشا قۇتتىقتاۋ، جارمەنكەگە بارۋ قيمىلدارى كوپ بولدى. سونىمەن بىرگە جەر - جەر كۇزگى جيىن - تەرىن جۇمىسىنىڭ قاربالاس مەزگىلىنە ءوتتى، جۇرگىنشى كوبەيىپ، اۆتوكولىك تاسىمالى قاۋىرت ورلەۋگە كوتەرىلەدى. تومەن قارقىندى جۇك اۆتوكولىگىنىڭ، ءۇش دوڭگەلەكتى اۆتوكولىكتىڭ، تراكتوردىڭ زاڭعا قايشى ادام الىپ ءجۇرۋى، اۆتوبۋزدىڭ ولشەمنەن ارتىق ادام الۋى سياقتى زاڭعا قايشى اۋىر شىرعالاڭ تۋدىرۋ مولشەرى ارتادى.

  بەسىنشى، تۇماندى اۋا رايى قاتىناس حاۋىپسىزدىگىنە ءتيىمسىز ىقپال جاسايدى. كۇز كىرگەننەن كەيىن تۇمان باسۋ جاعدايى كوبەيەدى، كورۋ اياسى مەن حاۋىپسىز كولىك جۇرگىزۋگە ىقپال جەتىپ، كوپ اۆتوكولىكتىڭ ءوزارا سوعىلۋ شىرعالاڭى وڭاي تۋىلادى.

  قوعام حاۋىپسىزدىگى مينيسترلىگى جۇرگىنشىلەرگە مەرەكە كەزىندە مىناداي حاۋىپسىزدىك ساقتىعىن ويداعىداي ىستەۋدى ەسكەرتتى:

  بىرىنشىدەن، جول جۇرۋدەن بۇرىن ۇيلەسىمدى جوسپارلاپ، قاتىناستىڭ كەپتەلۋىنەن ساقتانۋ كەرەك. دەمالىس كەزىندە ساپارعا شىعۋدان بۇرىن قاتىستى تاراۋلار جاريالاعان ساپار حاۋىپسىزدىگى ەسكەرتۋىنە، قاتىناس جول جاعدايى ينفورماتسياسىنا جانە اۋا رايى بولجامىنا قاداعالاي نازار اۋدارۋ كەرەك، ساپار ۋاقىتى مەن قاتىناس ءتاسىلىن ۇيلەسىمدى ورنالاستىرىپ، ساپاردىڭ قاۋىرت مەزگىلى مەن كەپتەلىسىنەن مۇمكىندىكتىڭ بارىنشا اۋلاق بولۋ كەرەك، دەمالىس كەزىندەگى جوعارى قارقىندى تاس جول، قالا ماڭىنداعى جولدىڭ كىرەر اۋزىنان جول جۇرگەندە شۇعىل جاعدايدا پايدالانۋ جولىن زاڭعا قايشى يەمدەنىپ الۋعا استە بولمايدى.

  ەكىنشى، ءوزى اۆتوكولىگىن ايداۋ بارىسىندا حاۋىپسىزدىكتى الدىڭعى ورىنعا قويىپ حاۋىپ - قاتەردىڭ الدىن الۋ كەرەك. ءوز كولىگىمەن جولاۋشىلاعاندا، قاتىناس قۇرالدارىنىڭ ءار ءتۇرلى حاۋىپسىزدىك تەحنيكالىق قابىلەتتەرىن، اسىرەسە دوڭگەلەكتىڭ جەل قىسىمى، تورموزداۋ قۋاتىن جالپى بەتتىك تەكسەرۋ كەرەك، اۆتوكولىك جۇرگىزۋشىنىڭ تولىق دەمالۋىنا كەپىلدىك ەتۋ كەرەك، حاۋىپسىز جانە مادەنيەتى اۆتوكولىك جۇرگىزىپ، جولعا تالاسىپ - تارماسپاۋ، كولىكتەن ورىنسىز وزباۋ، كولىكپەن ورىنسىز ايقاسپاۋ كەرەك، تەلەفون قابىلداماۋ، كەلتە حات، ءۇنحات جولداماۋ كەرەك، اۆتوموبيل جۇرگىزۋشىلەر حاۋىپسىزدىك بەلباۋىن سانالى تۇردە بايلاپ الۋى، موتوتسيكل، ۆەلوسيپەد مىنگەن ادامدار حاۋىپسىزدىك مالاقايىن كيۋى كەرەك. قۇلاما بەتكەيدەن، اينالمالى بۇرىلىستاردان، سۋ جاعاسىنان، سونداي – اق، جول تۇيىلىستەرىنەن وتكەندە قارقىندى باياۋلاتۋ كەرەك، بەلگىلەمە بويىنشا جول بەرۋگە نازار اۋدارۋ كەرەك. تۋىس - تۋعان، دوس – جاراندارىن تۋىسشىلاعاندا باس قوسقاندا اراق ىشپەۋدى، اراق ىشسە اۆتوكولىك جۇرگىزبەۋدى ەستە بەرىك ساقتاۋ كەرەك.

  ۇشىنشىدەن، جاۋىن - شاشىندى اۋا رايىندا قارقىندى باياۋلاتىپ، قاتىناس شىرعالاڭى تۋىلۋى مۇمكىندىگىن تومەندەتۋ كەرەك. قالىڭ جاڭبىر، تۇمان سياقتى ناشار اۋا رايىنا كەز بولعاندا، قاتەرلى سەگنال شىراعىن، تۇمان شىراعىن دەر كەزىندە اشىپ، اۆتوموبيل جىلدامدىعىن تومەندەتۋ كەرەك، اۆتوموبيلمەن ىلەسۋ ارالىعىن لايىقتى ارتتىرىپ، جول اۋىستىرىپ وزىپ كەتۋ مولشەرىن ازايتۋ كەرەك. شۇعىل جاعدايعا كەزىككەندە قارقىندى باياۋلاتۋ شاراسىن كۇنى بۇرىن قولدانىپ، تورموزدى شۇعىل باسىپ، رولدى شۇعىل بۇرۋدان، اۆتوكولىكتىڭ قىرىنداي سىرعىپ، قىرىنداي اۋناپ كەتۋىنەن ، كوپ كولىكتىڭ ءوزارا سوعىلىسۋىنان ساقتانۋ كەرەك.

  ءتورتىنشى، جولاۋشىلار كولىگى زاڭعا بويسۇنىپ جۇمىس جۇرگىزىپ، جولاۋشىلاردىڭ حاۋىپسىزدىگىن قامتاماسىزداندىرۋ كەرەك. جولاۋشى تاسىمال شوفەرلارى جولعا شىعۋدان بۇرىن، جولاۋشىلارعا ساقتىق بەلباۋىن تاعۋدى ەسكەرتۋى كەرەك، بەكەتتەن سىرت جەردەن جولاۋشى الماۋ، ارتىق جولاۋشى الماۋ، بەلگىلەمەگە قايشىلىق جاساپ جۇك تيەمەۋ كەرەك. اۆتوكولىك جۇرگىزۋ بارىسىندا قاتىناس حاۋىپسىزدىگى جونىندەگى زاڭ، زاڭدىق ەرەجەلەرگە قاتاڭ بويسۇنۋ كەرەك، شارشاپ اۆتوكولىك جۇرگىزبەۋ، جىلدامدىقتى ارتتىرماۋ، نازارىن باسقا جاققا بولمەۋ كەرەك، ساياحات اۆتوموبيلىن مايعا الۋشى ساياحات لەنياسىنىڭ بويىنداعى جول جاعدايى مەن اۋا رايىن الدىن الا ءبىلۋى كەرەك، كوپ جۇرىپ جۇرگەن جول بولسا دا نەمقۇرايدىلىققا سالىنباۋ، جاڭا جولدا ءتىپتى دە اباي بولۋ كەرەك، جولاۋشىلار اۆتوبۋزعا وتىرعاندا، ءسوز جوق، رەسمي جولاۋشى تاسىمال بەكەتىنە بارىپ وتىرۋى، جەكەلىك جولاۋشىلار اۆتوكولىگى، تيجارات تولمدىلىعى جوق اۆتوكولىك سياقتى زاڭسىز كولىكتەرگە وتىرماۋ كەرەك. مىسالى، قاتىناس زاڭىنا قايشى ارەكەتتەردى بايقاعاندا، تەلەفون، ءۇنحات، ميكرو بلوگ سياقتى جولدارمەن قوعام حاۋىپسىزدىگى قاتىناس باسقارۋ تاراۋلارىنا مالىمدەپ، مەرەكەنىڭ تاماشا قاتىناس ءتارتىبىن بىرگە قورعاپ، حاۋىپسىز ساپار شەگىپ، مەرەكەنى امان - ەسەن وتكىزۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار