قوعام حاۋىپسىزدىگى مينيسترلىگى «چاڭجياڭ وزەنىندە بالىق اۋلاۋعا تيىم سالۋ» قيمىلىن ورىستەتكەننەن بەرى
زاڭسىز اۋلاۋ قىلمىستىق ىستەر دەلوسىنان 3000نان استامىن بارلاپ اشتى (بەدەلدى جاريالاۋ)
2020.09.30 13:40 كەلۋ قاينارى : حالىق تورابى
حالىق گازەتىنىڭ بەيجيڭنەن بەرگەن حابارى. ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، بيىل 6 - ايدا قوعام حاۋىپسىزدىگى مينيسترلىگى چاڭجياڭ اعارىندا زاڭسىز بالىق اۋلاۋ قىلمىسىنا سوققى بەرۋ جونىندە 3 جىلدىق ورنالاستىرۋ جاساعاننان بەرى، قازىرگە دەيىن، مەملەكەت بويىنشا 3292 قىلمىستىق ىستەر دەلوسىن، 4838 قىلمىس كۇماندىسىن تەكسەرىپ انىقتادى. 1500دەن استام كەمەنى، 23 مىڭنان استام زاڭسىز اۋلاۋ جابدىقتارىن ۇستاپ قالدى، 77 مىڭ كيلوگرام بالىقتى قولعا ءتۇسىردى.
دەلونى بارلاۋ ءبىر جاقتى ەتۋ جاعدايىنان قاراعاندا، ارەكەت ورىستەتىلگەننەن بەرى قوعام حاۋىپسىزدىك ورگانى بارلاپ انىقتاعان زاڭسىز اۋلاۋ قىلمىستىق ىستەر دەلوسىنىڭ سانى وتكەن جىلعى تۇتاس جىلداعى دەلو سانىنىڭ 1.5 ەسەسىندەي بولعان. «دەلونى اشكەرەلەۋ زور دارەجەدە ورلەدى، بۇل ءارى قوعام حاۋىپسىزدىگى ورگاندارىنىڭ سوققى بەرۋ تەبىنىن ارتتىرۋىنىڭ ناتيجەسىن كورسەتتى، ءارى كەزەكتە چاڭجياڭ وزەنى الابىندا زاڭسىز اۋلاۋ قىلمىسىنىڭ كوپ تۋىلۋ ماسەلەسىنىڭ ءالى دە تۇرلىشە دارەجەدە ءومىر ءسۇرىپ وتىرعاندىعىن وبيەكتيۆ بەينەلەدى. ونىڭ ۇستىنە وڭاي قايتا ءورشيدى، اۋلاۋعا تيىم سالۋدى جاپپاي تياناقتاندىرۋ ءۇشىن ءالى دە ەسەلەپ كۇش سالۋعا تۋرا كەلەدى.» قوعام حاۋىپسىزدىگى مينيسترلىگى اماندىق باسقارۋ مەكەمەسىنىڭ باستىعى لي جيڭشىڭ بىلاي دەدى: سوققى بەرۋ ونىمدىلىگى مەن باعىتتامالىلىعىن ونان ارى جوعارىلاتۋ ءۇشىن، قوعام حاۋىپسىزدىگى مينيسترلىگى زاڭسىز اۋلاۋ دەلولارىنا «ءبىر دەلونى جەتى تەكسەرۋ» تالابىن ايقىن ورتاعا قويدى، ياعني، قىلمىس كۇماندىسىنىڭ سالاۋاتىن ءسوزسىز تەكسەرۋ، بالىقشىلىق قۇرالدارىنىڭ كەلۋ قاينارىن ءسوزسىز تەكسەرۋ، كەمە ءتۇرىن ءسوزسىز تەكسەرۋ، قوزعالىس ەرەكشەلىگىن ءسوزسىز تەكسەرۋ، ساۋدالاۋ ارناسىن ءسوزسىز تەكسەرۋ، قىلمىس تابىسىن ءسوزسىز تەكسەرۋ، كومەسكى، جينالعان دەلولاردى ءسوزسىز تەكسەرۋ.
قوعام حاۋىپسىزدىگى مينيسترلىگى اماندىق باسقارۋ مەكەمەسىنىڭ ورىنباسار باستىعى جاڭ شياۋپىڭ بىلاي دەدى: 3 مىڭنان استام دەلوعا ىشكەرىلەي تالداۋ جاساۋ ارقىلى كەزەكتە چاڭجياڭ اعارىندا زاڭسىز اۋلاۋ قىلمىسىنىڭ باستى ەرەكشەلىكتەرى مىنالار دەپ قارادىق: ءبىرىنشى، ادامدار جاعىنان قاراعاندا، توپتاسىپ ىستەۋ دەلوسى بەلگىلى سالىستىرمانى يەلەپ، كەيبىرەۋى زاڭسىز اۋلاۋ، تاسۋ، ساتۋ سىندى استىرتىن كاسىپ تىزبەگىن قالىپتاستىرعان؛ ەكىنشىدەن، دەلو تۋىلعان ۋاقىتتان الىپ قاراعاندا، باستىسى، كاسىبيلەنگەن قىلمىس توپتارى سوققىدان قاشۋ ءۇشىن كوبىندە تۇندە دەلو تۋدىرعان؛ ۇشىنشىدەن، سۋ اعارىنان قاراعاندا، شارپيتىن كولەمى كەڭ ءارى بىتىراندى، چاڭجياڭ وزەنىنىڭ نەگىزگى اعارى مەن ماڭىزدى تارماق اعارىنداعى سۋ - قۇرلىق تۇتاسقان اعىس باياۋ ايدىنداردا بالىق شوعىرى سالىستىرمالى تۇردە تىعىز بولعاندىقتان، دەلو دا ءبىرشاما كوپ تۋىلادى؛ تورتىنشىدەن، دەلو تۋدىرۋ تاسىلىنەن قاراعاندا، ەلەكتر ارقىلى اۋلاۋ، اۋمەن اۋلاۋ كوپ، «جەر شارباق» ، «ۇساق كوزدى تور» سياقتى تيىم سالىنعان بالىق اۋلاۋ قۇرالدارىن ىستەتۋ دەلوسى كوپ تۋىلادى.
«كەلەسى قادامدا قوعام حاۋىپسىزدىك ورگانى كوپ رەت شوعىرلى سوققى بەرۋ ارەكەتىن ۇزدىكسىز ورىستەتىپ، بەلگى سالىپ قۋزاۋ، دارەجەسىن جوعارىلاتىپ بارلاۋ سياقتى كوپ ءتۇرلى فورمالار ارقىلى دەلونى بارلاۋ قىزمەتىن پارمەندى ىلگەرىلەتەدى.» دەدى لي جيڭشىڭ، زاڭسىز بالىق اۋىن جاساۋ، ساتۋ، «ءنومىرى، كىناشقاسى، قاراستىلىعى جوق» كەمەلەردى جاساۋ، ساتۋ سياقتى ءتۇيىندى، قيىن ماسەلەلەرگە قاراتا، قوعام حاۋىپسىزدىگى ورگاندارى قاتىستى تاراۋلارمەن بەلسەنە بىرلەسىپ، ءبىر رەت شوعىرلى قامال الۋ قيمىلىن ۇيىمداستىرىپ ورىستەتەدى، زاڭنىڭ اتقارىلۋىن باقىلاۋ - باسقارۋ تەبىنىن ۇزدىكسىز ارتتىرادى. بۇدان سىرت، قوعام حاۋىپسىزدىك ورگانى شارلاۋدا زاڭ اتقارۋىن كۇشەيتەدى، قاتىستى تاراۋلارمەن بىرگە كوپ رەت ارالاپ تەكسەرۋ، زاڭ اتقارۋ قيمىلىن ورىستەتىپ، ءتۇيىندى سۋ اعارلارىندا كەسكىندى باقىلاۋ، ۇشقىشسىز ۇشاقپەن ارالاپ تەكسەرۋ سياقتى تاسىلدەر ارقىلى بالىق شارۋاشىلىعىنا ساياتىن «ادام، كەمە، زات» سياقتى ءتۇيىندى فاكتورلاردى يكەمدى يگەرۋدى كۇشەيتىپ، زاڭعا قايشى قىلمىس وتكىزۋ ءورىسىن بارىنشا تارايتادى.
ۇعىسۋعا قاراعاندا، قوعام حاۋىپسىزدىگى مينيسترلىگى ناقتى تۇلعالانعان اشكەرەلەۋ ورتالىعىن ىسكە قوسقان، 24 ساعات اشكەرەلەۋ ىستىق لەنياسى 010—66262044 مەن اشكەرەلەۋ پوچتا ساندىعى changjiangjinbu@163.com، سونىمەن بىرگە «جۇڭگو ساقشىلارى» ميكرو بلوگىندا، ۋيچات الەۋمەتتىك ءنومىر تەكشەسىندە جەكەلىك حات جولداپ اشكەرەلەۋگە بولادى. سونىمەن بىرگە، قوعام حاۋىپسىزدىگى مينيسترلىگى چاڭجياڭ جاعالاۋىنداعى قوعام حاۋىپسىزدىگى ورگاندارىنىڭ 110 ساقشىعا مالىمدەۋ تەكشەسىندە چاڭجياڭ وزەنىندە بالىق اۋلاۋعا تيىم سالۋ جونىندە اشكەرەلەۋ، ىستىق لەنيالارىن قۇرۋدى ورنالاستىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
