ماماندار: زاڭ، زاڭدىق ەرەجەلەردى كەمەلدەندىرىپ، تەحنيكا قولدانۋدى كۇشەيتىپ، ازىق – تۇلىك حاۋىپسىزدىگى قورعانىس شەبىن بەكەمدەۋدى جەدەل ىلگەرىلەتۋ كەرەك
2020.10.10 14:07 كەلۋ قاينارى : حالىق تورابى
مەملەكەتتىك حالىق قۇرىلتايى اۋىل شارۋاشىلىعى جانە اۋىل - قىستاق كوميتەتىنىڭ ورىنباسار مەڭگەرۋشى جوراسى لي چۇنشىڭ جۋىقتا بىلاي دەدى: تاياۋ جىلداردان بەرى ەلىمىز ءبىرقىدىرۋ ءونىمدى شارالاردى قولدانىپ، ازىق - تۇلىك حاۋىپسىزدىگى جاعدايى ورنىقتىلىق بارىسىندا جاقساردى، ازىق - تۇلىك حاۋىپسىزدىگى زاڭ، زاڭدىق ەرەجەلەرىن ونان ارى اقاۋسىزداندىرىپ جانە كەمەلدەندىرىپ، وسىزامانعى ينفورماتسيا تەحنيكاسىنان پايدالانۋدى كۇشەيتىپ، ازىق - تۇلىك حاۋىپسىزدىگىن باقىلاۋ - باسقارۋ جۇيەسىن كۇش سالا كەمەلدەندىرۋ كەرەك.
لي چۇنشىڭ تاياۋدا جۇڭگو دوڭگەلەك داۋلەت قۇرۋدى زەرتتەۋ قوعامى ۇيىمداستىرعان «2020 – جىلعى سالاماتتى جۇڭگو جانە ازىق – تۇلىك حاۋىپسىزدىگى جوعارى دارەجەلى باسشىلار تالقى مىنبەسىندە» جوعارىداعى بايىمداۋىن ايتتى.
لي چۇنشىڭ بىلاي دەپ قارادى: ەلىمىزدىڭ ازىق - تۇلىك حاۋىپسىزدىگى سالاسىنداعى زاڭ، زاڭدىق ەرەجەلەرى ءالى كەمەلدى ەمەس، ازىق - تۇلىك حاۋىپسىزدىگىنىڭ تەحنيكالىق ولشەمى ءالى كەمەلدەنە قويعان جوق، ازىق - تۇلىك كاسىبىن ءونىمدى جونگە سالۋدى ونان ارى كۇشەيتۋ كەرەك، اۋىل شارۋاشىلىعىنىڭ قاينارىنان بىلعانۋىن زور كۇشپەن ازايتىپ، اۋىل شارۋاشىلىعىنداعى تاستاندى زاتتاردى جونگە سالۋدى تەزدەتۋ كەرەك، ەكولوگيالىق ورتانى وڭاۋدى ىلگەرىلەتىپ، ءوندىرۋ، مانەرلەۋ، تيجارات بۋىندارىنداعى حاۋىپسىزدىك، تەحنيكالىق ولشەمدەردى اناعۇرلىم كەمەلدەندىرۋ كەرەك.
اۋىل شارۋاشىلىعى، اۋىل - قىستاق مينيسترلىگى اۋىل - قىستاقتى گۇلدەندىرۋ ماماندار كەڭەس بەرۋ كوميتەتىنىڭ مۇشەسى يىن چىڭجيە بىلاي دەپ قارادى: قازىر اۋىل شارۋاشىلىق ونىمدەرى ايگىلى ماركا داۋىرىنە قادام تاستادى، تەك اۋىل شارۋاشىلىق ونىمدەرىنىڭ ايگىلى ماركا قۇرىلىسىن كۇشەيتكەندە عانا جاسىل، ساپالى اۋىل شارۋاشىلىق ونىمدەرىن ۇزدىكسىز ءوندىرىپ، اۋىل شارۋاشىلىق ونىمدەرىن تۇتىنۋدىڭ جاڭا بەتالىسىن، جاڭا قاجەتىن قاناعاتتاندىرۋعا بولادى. سونىمەن بىرگە، وسىزامانعى اۋىل شارۋاشىلىق ونىمدەرىنىڭ اينالىم جۇيەسىن قۇرۋدى جەدەلدەتىپ، ءىرى ساندى مالىمەت، بۇلتتىق ەسەپتەۋ، بلوكچەين سياقتى تەحنيكالاردان پايدالانىپ، تەكتەۋ جۇيەسىن، ساپانى باسقارۋ جۇيەسىن ورناتۋعا بولادى.
تەحنيكالىق تاسىلدەردەن پايدالانىپ اس - سۋ حاۋىپسىزدىگىن قورعاۋ − ازىق - تۇلىك حاۋىپسىزدىگى تومەنگى شەگىن بەكەمدەۋدىڭ ماڭىزدى جولى. جۇڭگو دوڭگەلەك داۋلەت قۇرۋدى زەرتتەۋ قوعامىنىڭ ورىنباسار باستىعى، قوسىمشا باس حاتشىسى لي بين بىلاي دەدى: «ينتەرنەت + ۇلكەن ساندى مالىمەت» قاتارلى وسىزامانعى ينفورماتسيا تەحنيكاسىنان پايدالانىپ، ازىق - تۇلىكتى تەكتەۋ جۇيەسىن قۇرىپ جانە كەمەلدەندىرىپ، ازىق - تۇلىك قاينارىن تەكسەرۋگە، جەتكەن جەرىن انىقتاۋعا، حاۋىپ - قاتەردى مەڭگەرۋگە، جاۋاپكەرشىلىگىن قۋزاستىرۋعا كۇش سالۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
