200 يۋانعا قارىزدانىپ، 30 مىڭ يۋان قايتاردى، كرەديت كارتۋچكاسىنان شامادان تىس پايدالانۋدان ساق بولايىق
ەكونوميكا گازەتىنىڭ ءتىلشىسى پىڭ جياڭ
2020.10.10 15:53 كەلۋ قاينارى : حالىق تورابى
جۋىرداعى جىلداردان بەرى، كرەديت كارتۋچكاسى كاسىبى ءبىرشاما تەز دامىپ، ەلىمىزدىڭ بانكە بولشەك ساتۋ قىزمەتىنىڭ ماڭىزدى قۇرامداس بولىگىنە اينالدى ءارى تۇرعىنداردىڭ تۇتىنۋن ىلگەرىلەتىپ، تۇرعىنداردىڭ تۇرمىسىنا قولايلىلىق جاراتۋ جاعىندا بەلسەندى رول اتقاردى، الايدا، كرەديت كارتۋچكاسىنان پايدالانۋ بارىسىندا تۋىلاتىن ماسەلەلەر دە كۇن سايىن كورنەكتىلەنە تۇسۋدە. چۇڭچيڭدىق تاڭ حانىم جۋىردا كرەديت كارتۋچكاسىنىڭ اقشا قايتاراتىن ۋاقىتىن وتكىزىپ الىپ، اقشالاي ايىپ تولەۋ سىندى كوڭىلسىز ىسكە جولىقتى، تاڭ حانىم 10 نەشە جىلدىڭ الدىندا كرەديت كارتۋچكاسىن ءبىتىرىپ، 200 يۋان قارىز العان سوڭ، ءالى كۇنگە دەيىن قايتارماعان. جۋىردا ول بانكەنىڭ ۇقتىرۋىن تاپسىرىپ العان، كەلىسىمشارتقا قايشى كەلۋ قاراجاتى مەن اقشا قايتارۋ ۋاقىتىن وتكىزىپ جىبەرۋ ايىپ قاراجاتىن قوسقاندا، ول بانكەگە 30 مىڭ يۋاننان استام اقشاعا قارىزدار بولعان.
200 يۋان قارىزدانىپ، 10 جىلدان سوڭ بۇل اقشا 150 ەسە ءوسىپ، 30 مىڭ يۋان بولعان، بانكەنىڭ ايىپ اقشا سوماسى مەن كەلىسىمشارتقا قايشىلىق جاساۋ ايىپ قاراجاتى وتە جوعارى بولىپ كەتكەن جوق پا؟ بۇل جونىندە، وسى سالاداعى ماماندار بىلاي دەيدى: ەگەر بانكە شەكتەن تىس جوعارى اقشالاي ايىپ سالسا، بۇعان بولا ابىرجىپ كەتپەڭىز، ەكى جاقتىڭ بۇل ءىستى كەلىسۋ ارقىلى شەشىم ەتۋىنە بولادى نەمەسە ءادىليالىق جولمەن ءوز ۇقىق – مۇددەڭىزدى قورعاۋىڭىزعا مۇمكىندىك بار.
ەسكەرۋگە تاتيتىن ءىس، ءىشىنارا جەرلەردەگى سوت مەكەمەلەرىنىڭ ۇكىم شىعارۋ مىسالدارىنا قاراعاندا، بانكە قارىزىنا ساياتىن اقشالاي ايىپ سوماسى ەڭ جوعارى بولعاندا بازارداعى باعا مولشەرىنىڭ (LPR) 4 ەسەسىنەن اسىپ كەتۋىنە بولمايدى. مىسالى، جاقىنعى ءبىر جىلداعى LPR باعا مولشەرى %3.85 بولسا، ونىڭ ءتورت ەسەسى %15.4 بولادى، وسى بويىنشا ەسەپتەگەندە، 200 يۋاننىڭ 30 مىڭ يۋانعا اينالۋىنداي جاعداي جارىققا شىقپايدى. الايدا، مۇنداي ءوسىم مولشەرى دە تومەن ەمەس. سوندىقتان، وسى سالاداعى ماماندار قالىڭ فينانس تۇتىنۋشىلارىنا مىنانى ەسكەرتەدى: كارتۋچكا بىتىرۋشىلەر كرەديت كارتۋچكاسىنان پايدالانعان كەزدە، قارىز قايتارۋ ۋاقىتى ءوتىپ كەتكەندە سالىناتىن اقشالاي ايىپ سوماسىنىڭ مولشەرى سياقتى مازمۇنداردى ءبىلۋى، قاجەتسىز داۋ – شار مەن زياندى بارىنشا ازايتۋى كەرەك.
پوچتا بانكەسى حاينان بولىمشە بانكەسى كرەديت كارتۋچكا ءبولىمىنىڭ باس ديرەكتورى جوۋ ۋەيديڭ بىلاي دەيدى: كرەديت كارتۋچكاسىنان ىستەتكەن اقشانى مەرزىمى بويىنشا قايتارماعان جاعدايدا، بانكە ادەتتە ۋاقىت جاعىندا 3 كۇن اينالاسىندا كەڭشىلىك ىستەيدى، ەگەر 3 كۇننەن اسىپ كەتسە، سەنىمدىلىك جۇيەسىنە ەنگىزىلەدى. مۇندا كرەديت كارتۋچكاسىنا قاراجات قايتارۋ شەكتى مەرزىمى تابيعي كۇن بويىنشا ەسەپتەلەدى، قىزمەت كۇنى بويىنشا ەسەپتەلمەيدى. قازىر جۇڭگو بانكەسى، پوچتا بانكەسى، مينشىڭ بانكەسى، گۋاڭدا بانكەسى، پيڭ – ان بانكەسى، جۇڭشين بانكەسى، پۋفا بانكەسى، شيڭيە بانكەسى، حۋاشيا بانكەسى قاتارلى بانكەلەر قارىز قايتارۋ ۋاقىت شەكتەمەسى جاعىندا 3 كۇنگە دەيىن كەڭشىلىك جاسايدى، كەيبىر ساۋدا سيپاتىندىق بانكەلەردىڭ جوعارى دارەجەدەگى كرەديت كارتۋچكالارىنىڭ قارىز قايتارۋ ۋاقىت شەكتەمەسى جاعىندا 9 كۇندىك كەڭشىلىك جاساۋعا يە بولۋعا بولادى. سوندىقتان، تۇتىنۋشىلار ءوز ارتتارىندا بىتىرىلگەن كرەديت كارتۋچكالارىنىڭ قارىز قايتارۋ مەرزىمىن ەستە مىقتى ساقتاۋى، ۋاقىتىن وتكىزىپ الماۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
