«پالە ىزدەۋ» سىندى سۇرقيالىق قىلمىس وتكىزگەندەردى اۋىر جازالاۋ كەرەك
شۇي رىدان
2020.10.15 15:41 كەلۋ قاينارى : حالىق تورابى
پروكۋراتۋرا گازەتىنىڭ جالپىلىق اقپارات قۇرالدارى ءتىلشىسى شۇي رىداننىڭ 10 – ايدىڭ 14 – كۇنى بەيجيڭنەن بەرگەن حابارى. ەڭ جوعارى حالىق سوتى، ەڭ جوعارى حالىق پروكۋراتۋراسى، قوعام حاۋىپسىزدىگى مينيسترلىگى بيىل «‹پالە ىزدەۋ› سىندى زاڭعا قايشى قىلمىستىق دەلولاردى زاڭ بويىنشا ءبىتىرۋ جونىندەگى جەتەكشى پىكىردى» (تومەندە «جەتەكشى پىكىر» دپ اتالادى) بىرگە باسىپ تاراتىپ، «پالە ىزدەۋ» سىندى زاڭعا قايشى قىلمىستىق ارەكەتتى قاتاڭ جازالاۋ جاعىنداعى زاڭداردىڭ ۇيلەسىمدى قولدانىلۋ كولەمى، قوعام حاۋىپسىزدىگى، پروكۋراتۋرا، سوت تاراۋلارى اراسىنداعى جۇمىس ءبولىسى مەن ولاردىڭ سايكەسۋى، سونداي – اق، قىلمىس تۇراقتاندىرۋ مەن جازالاۋ قاتارلى ماسەلەلەردى اناعۇرلىم ايقىندادى.
ءتىلشىنىڭ سۇحبات بارىسىندا ۇعىسۋىنشا، ءامالياتتا، «پالە ىزدەۋ» سىندى زاڭعا قايشى قىلمىس وتكىزگەن ەلەمەنتتەر ۇنەمى وسىنى كاسىپ ەتەدى، «پالە ىزدەۋشىلەردەن» قۇرالعان قىلمىستىق توپ قاتاڭ ۇيىمداسادى، جۇمىس ءبولىسى ايقىن بولادى، ولاردىڭ ءتاسىلى الۋان ءتۇرلى بولادى ءارى جاسىرىن سيپات الادى، كەيبىرەۋىنىڭ «پالە ىزدەۋ» ارەكەتى اشكەرەلەنگەن سوڭ، زيانعا ۇشىراۋشىعا تىكەلەي بۇلاۋ، تالاۋ، قاساقانا زيانداۋ قاتارلى قىلمىستىق ارەكەتتەردى ىستەيدى، ءتىپتى قارا – سۇرقيا كۇش بولىپ قالىپتاسىپ، قوعام اماندىعىن جونگە سالۋداعى زور كومەسكى قاتەرگە اينالۋى مۇمكىن. «جەتەكشى پىكىردى» بەلگىلەۋ وسى تەكتەس زاڭعا قايشى قىلمىستىق ارەكەتتەردى ىستەۋشىلەردى سەسكەندىرۋگە جانە ولاردى قاتاڭ جازالاۋعا، حالىق جۇرتشىلىعىنىڭ زاڭدى ۇقىق – مۇددەسىن قورعاۋعا، قوعامدىق ءتارتىپتى قورعاۋعا، حالىق جۇرتشىلىعىنىڭ حاۋىپسىزدىك سەزىمىن كۇشەيتۋگە پايدالى.
«جەتەكشى پىكىردە» «پالە ىزدەۋ» ارەكەتى جونىندە تۇڭعىش رەت ايقىن انىقتاما بەرىلدى، اتاپ ايتقاندا، اتالمىش «پالە ىزدەۋ» دەگەنىمىز، ارەكەت اتقارۋشى ادامنىڭ ءوزى زيانعا ۇشىراعان جاعدايدى ماقساتتى تۇردە قولدان جاساۋ نەمەسە جالعاننان جاساۋ ارقىلى الدامكوستىك ىستەۋ، قوقانلوقى جاساۋ قاتارلى تاسىلدەرمەن زاڭعا قايشى تۇردە مال – مۇلىككە يە بولۋ ارەكەتىن كورسەتەدى. سونىمەن بىرگە، «جەتەكشى پىكىردە» «پالە ىزدەۋ» قىلمىسىن اتقارۋشىلاردىڭ ۇنەمى قولداناتىن تاسىلدەرىنەن مىسال كەلتىرىلىپ، قوعامداعىلارعا «پالە ىزدەۋ» قىلمىسىنىڭ ءمانىن اشكەرەلەگەن.
«جەتەكشى پىكىردە» «پالە ىزدەۋ» بارىسىندا قالىپتاساتىن قىلمىستارعا تالداۋ جاسالىپ، ايقىن تۇرگە بولىنگەن. ۇنەمى كەزدەسەتىن جاعدايلار نەگىزىنەن ەكى ءتۇرلى: ءبىرىنشى، الدامكوستىك ىستەۋ ءتۇرى. اتاپ ايتقاندا، جالعان جاعدايدى قولدان جاساپ، الداۋ، كوزىن كولەگەيلەۋ قاتارلى تاسىلدەرمەن زياندالۋشىنى الدانۋعا شىرعالاپ، وسىدان مال – مۇلىككە قول جەتكىزەتىن جاعدايدى كورسەتەدى، ونىڭ كورنەكتى بەلگىسى «الداۋ» بولىپ تابىلادى، نەگىزىنەن الدامكوستىك قىلمىسى، قامسىزداندىرۋ جاعىنداعى الدامكوستىك قىلمىسى، جالعان ارىز – شاعىم بەرۋ قىلمىسى قاتارلىلارعا سايادى. ەندى ءبىر ءتۇرى، قوقانلوقى جاساۋ، بوپسالاۋ ءتۇرى، اتاپ ايتقاندا، تەك جالعان جاعدايدى قولدان جاساپ قالماستان، زياندالۋشىعا نەمەسە ونىڭ جاقىن تۋىستارىنا جەڭىل دارەجەدە زورلىقتى كۇش، جۇمساق زورلىقتى كۇش قولدانۋ نەمەسە ونىڭ زاڭ – تۇزىمگە قايشى ارەكەتتەرىن، قۇپيالىقتارىن اشكەرەلەۋ، زيان سالامىن دەپ قورقىتۋ ارقىلى بوپسالاپ، وسىدان مال – مۇلىككە يە بولۋدى كورسەتەدى، مۇنىڭ نەگىزگى بەلگىسى «بوپسالاۋ» بولىپ، نەگىزىنەن قوقانلوقى جاساپ، بوپسالاۋ قىلمىسىنا سايادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
