جاراتىلىستىق بايلىق مينيسترلىگى: ەگىستىك جەردى تىڭنان زاڭسىز يەمدەنىپ ءۇي سالۋ ارەكەتىن، ءسوز جوق، باتىل تەجەۋ كەرەك
2020.10.21 14:39 كەلۋ قاينارى : حالىق تورابى
ماڭگىلىك نەگىزگى ەگىنجايدان نە ءبارى 0.23 مۋ عانا جەردى زاڭسىز يەمدەنگەن بولسا دا، انحۇي ولكەسى فۋياڭ قالاسى فۋنان اۋدانىنداعى جاۋ Xتىڭ زاڭسىز يەمدەنىپ سالعان تۇرعىن ءۇيى (تەك پونتاميتى عانا قالانعان) سوڭىندا ءبارى ءبىر بۇزىلدى. جاراتىلىستىق بايلىق مينيسترلىگى بۇگىن اقپار جاريالاۋ ءماجىلىسىن اشىپ، وسى دەلونى قامتىعان ەگىستىك جەردى زاڭسىز يەمدەنىپ، بەتالدى ءۇي سالۋعا قاتىستى 35 دەلونى تەكسەرىپ ءبىر جاقتىلى ەتۋ جاعدايىن اشىق جاريالادى. جاراتىلىستىق بايلىق مينيسترلىگى زاڭ اتقارۋ مەكەمەسىنىڭ باستىعى سۇي يىڭ بىلاي دەدى: ەگىستىك جەر تىڭنان يەمدەنىپ ءۇي سالۋ ارەكەتى كولەمى ۇلكەن - كىشىلىگىنە قاراماستان، ءسوز جوق، زاڭ بويىنشا ءبىر جاقتىلى ەتىپ، ەگىستىك جەرگە زاڭعا قايشىلىق جاساپ، بەتالدى يەمدەنىپ ءۇي سالۋ ارەكەتىن باتىل تەجەۋ كەرەك.
سۇي يىڭ مىنالاردى ءبىلدىردى: بيىل 7 – ايدىڭ 29 – كۇنى جاراتىلىستىق بايلىق مينيسترلىگى، اۋىل شارۋاشىلىعى، اۋىل - قىستاق مينيسترلىگى «اۋىل - قىستاقتاردا ەگىستىك جەردى بەتالدى يەمدەنىپ ءۇي سالۋدا <سەگىزگە رۇقسات ەتپەۋ> جونىندەگى ۇقتىرۋ» مەن «اۋىل - قىستاق تۇرعىندارىنىڭ تۇرعىن ءۇي قۇرىلىسىنا ۇيلەسىمدى جەر الۋىن قامتاماسىزداندىرۋ جونىندەگى ۇقتىرۋدى» باسىپ تاراتىپ، ىركىلىسسىزدەندىرۋ، توسۋ سىندى ەكى جاقتان تىڭنان ەگىستىك جەر يەلەۋدى شەكتەۋ، ۇيلەسىمدى جەردەن پايدالانۋ قاجەتىن كەپىلدەندىرۋ تالابى ونان ارى ايقىندالدى. «استە جول قويماۋ» پوزيتسياسىمەن ەگىستىك جەردى تىڭنان زاڭعا، بەلگىلەمەگە قايشى يەمدەنىپ ءۇي سالۋ ماسەلەسىن باتىل تەجەۋدى باسا دارىپتەدى. 9 - ايدىڭ 10 – كۇنى، مەملەكەتتىك كەڭەستىڭ كەڭسە مەڭگەرمەسى «ەگىستىك جەردەگى <اۋىل شارۋاشىلىعىنا جاتپايتىن> ارەكەتتەرگە باتىل تيىم سالۋ جونىندەگى ۇقتىرۋدى» باسىپ تاراتىپ، پارمەندى شارا قولدانىپ، باقىلاۋ - باسقارۋدى كۇشەيتىپ، ەگىستىك جەردى قورعاۋدىڭ ەڭ قاتاڭ ءتۇزىمىن ويداعىداي تياناقتاندىرىپ، ءتۇرلى ەگىستىك جەرلەردەگى «اۋىل شارۋاشىلىعىنا جاتپايتىن» ارەكەتتەرگە باتىل تيىم سالۋدى تالاپ ەتتى.
جاراتىلىستىق بايلىق مينيسترلىگى بۇگىن حابارلاندىرعان 35 دەلوعا قاراعاندا، كوپ ساندىسى ءوزى سالعان تۇرعىن ءۇي، ونىڭ ۇستىنە زاڭعا قايشى كەلىپ يدەمدەنىپ العان جەر كولەمى كوپ ەمەس. مۇنىڭ ىشىندە جياڭشي ولكەسى نانچاڭ قالاسى جاڭادان سالىنعان رايونداعى شيۇڭ Xتىڭ زاڭعا قايشى تۇرعىن ءۇي سالۋ دەلوسى تەك 0.1 مۋ ماڭگىلىك نەگىزگى ەگىستىك جەردى عانا يەمدەلگەن، ءبىراق، مۇنداي زاڭعا قايشى ارەكەتتەردىڭ بارلىعىندا ءۇي قۇرىلىستارى شاعىلدى.
سۇي يىڭ بىلاي دەدى: جەر - جەردەگى جاراتىلىستىق بايلىق تارماقتارىنىڭ زاڭ اتقارۋ تاراۋلارى «استە جول بەرمەۋ» پوزيتسياسىمەن پارمەندى شارا قولدانىپ، ەگىستىك جەرلەردى تىڭنان الباتى يەلەپ ءۇي سالۋ ارەكەتتەرىن باتىل تەجەپ، جەردى زاڭ، ەرەجە بويىنشا باسقارىپ، ەگىستىك جەردى قورعاۋدىڭ قىزىل سىزىعىن باتىل قورعاپ، ەگىستىك جەردىڭ «اۋىل شارۋاشىلىعىنا جاتپايتىن» بولۋىنان ساقتانىپ، مەملەكەتتىڭ استىق حاۋىپسىزدىگىن قورعاۋ كەرەك. ول بىلاي دەدى: جەردەن پايدالانۋ قاجەتى بار كاسىپورىندار، ورىندار جانە جەكەلەر زاڭ، ەرەجە بويىنشا جەردەن پايدالانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
