بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

پارتيانىڭ 18 – قۇرىلتايىنان بەرى بۇكىل ەلدەگى سوت مەكەمەلەرى قىلمىستىق ىستەر دەلوسىنان 11 مىڭىن قايتا قاراپ قايتا ۇكىم شىعاردى

2020.10.23 15:36     كەلۋ قاينارى : حالىق تورابى

  شينحۋا اگەنتتىگىنىڭ ءتىلشىسى لو شانىڭ بەيجيڭنەن بەرگەن حابارى. پارتيانىڭ 18 – قۇرىلتايىنان بەرى، بۇكىل ەلدەگى سوت مەكەمەلەرى سوت ىستەرىن باقىلاۋ دەلولارىنان ءبىر ميلليون 780 مىڭىن، قىلمىستىق ىستەر جازاسىنىڭ اتقارىلۋىن وزگەرتۋ دەلولارىنان 3 ميلليون 860 مىڭىن زاڭ بويىنشا ءبىر جاقتى ەتتى، قايتا قاراۋ، قايتا ۇكىم شىعارۋ دەلوسىنان 11 مىڭىن ىستەپ، جاڭ اۋلەتى نەمەرە ـ شوبەرەسىنىڭ دەلوسى، حۇگىجەلتۋ دەلوسى، نيە شۋبين دەلوسى سياقتى قىلمىستىق ىستەرگە قاتىستى 122 ادامعا ساياتىن ەلەۋلى ناحاق، قاتە دەلولاردان 58ىن زاڭ بويىنشا تۇزەتتى.

  ءتىلشىنىڭ ەڭ جوعارى حالىق سوت مەكەمەسىنىڭ 10 – ايدىڭ 22 - كۇنى وتكىزگەن سوت مەكەمەسىنىڭ سوت ىستەرىن باقىلاۋ قىزمەتى جونىندەگى مەملەكەتتىك ماجىلىسىنەن ۇعىسۋىنشا، بۇكىل ەلدەگى سوت مەكەمەلەرى شىندىقتى ءىس جۇزىنەن ىزدەۋگە، قاتەلىك بولسا ءسوزسىز تۇزەتۋگە تاباندى بولىپ، سوت ىستەرىن باقىلاۋ فۋنكتسيالىق رولىن تولىق ساۋلەلەندىردى، قاتە دەلولاردى ءبىر جولدا بايقاپ، ءبىر جولدا تۇزەتتى، «ناحاق، قاتە دەلولاردى زاڭ بويىنشا تۇزەتۋ بەكىمى، تەبىنى بۇرىن بولىپ كورمەگەن دارەجەدە بولدى.»

  مال - مۇلىك ۇقىعىن ءادىليالىق جاقتان قورعاۋدى كۇشەيتۋ جاعىندا، بۇكىل ەلدەگى سوت مەكەمەلەرى تەڭ تۇرعىدا قورعاۋ پرينسيبىن مۇقيات تياناقتاندىردى، مال - مۇلىك ۇقىعىنا ساياتىن ناحاق، قاتە دەلولاردى زاڭ بويىنشا تۇزەتىپ، 2016 - جىلدىڭ سوڭىنان 2020 – جىلى 6 – ايعا دەيىن، سوت ىستەرىن باقىلاۋ ءتارتىبى ارقىلى مال - مۇلىك ۇقىعىنا ساياتىن قىلمىستىق ىستەردە ناحاق، قاتە دەلولاردان 237 ادامعا ساياتىن 190 دەلونى سارالاپ تۇزەتتى.

  بۇدان سىرت، پارتيا 18 ـ قۇرىلتايىنان بەرى، بۇكىل ەلدەگى سوت مەكەمەلەرى زاڭ بويىنشا ءبىر ميلليون 270 مىڭ دەلونى قايتا قاراپ تەكسەردى، 300 مىڭ دەلونى قايتا قاراۋدى باستادى، 79 مىڭ دەلوعا قايتا ۇكىم شىعارىلدى؛ پروكۋراتۋرا ورگاندارىنىڭ سوت ىستەرىن باقىلاۋ ءتارتىبى بويىنشا بەرگەن حالىقتىق قارسى شاعىم، پروكۋراتۋرالىق ۇسىنىس قاتارلى دەلولارىنان 24 مىڭىن ءبىر جايلى ەتتى؛ اكىمشىلىك قايتا قاراۋ، تەكسەرۋ دەلوسىنان 170 مىڭىن ىستەپ، 15 مىڭىن قايتا قاراۋدى باستادى.

  ۇعىسۋعا قاراعاندا، بيىل ەڭ جوعارى حالىق سوت مەكەمەسىنىڭ سوت ىستەرىن باقىلاۋ كوللەگياسى قۇرىلعاندىعىنىڭ 20 جىلدىعى ەكەن. سوت جۇمىسىن باقىلاۋ ءتۇزىمى − جۇڭگوشا سوتسياليستىك ءادىليا ءتۇزىمىنىڭ ماڭىزدى قۇرامداس بولىگى، حالىق سوت مەكەمەسىنىڭ زاڭ بويىنشا قاتەلىكتى تۇزەتىپ، ۇكىم - كەسىمنىڭ بەدەلىن قورعاۋداعى ماڭىزدى تۇزىمدىك جوباسى.

  «كەزەكتە، سوت ىستەرىن باقىلاۋ قىزمەتىندە ءالى دە كەيبىر ولقىلىقتار ورىن تەۋىپ، بۇقارانىڭ ادىلدىك، ادىلەتتىلىك جونىندەگى تابىس سەزىمىنە ىقپال جاساپ وتىر.» ەڭ جوعارى حالىق سوتى مەكەمەسى مىنانى اتاپ كورسەتتى: قاتەلىكتى تۇزەتۋگە باتىل بولىپ، قاتەلىكتى دەر كەزىندە تۇزەتىپ، قاتەلىكتى جاپپاي تۇزەتىپ، زاڭ بويىنشا تۇزەتۋ مەن ۇكىم - كەسىمنىڭ بەدەلىن قورعاۋدىڭ ورگانيكالى بىرلىگىنە تاباندى بولىپ، زاڭمەن باسقارۋدىڭ سوڭعى شەگىن بەرىك ساقتاۋ كەرەك. قانداي ماسەلە بولسا، سول ماسەلەنى شەشۋ، قانداي قاتەلىك بولسا دا تۇزەتۋ، بۇكىلدەي قاتە بولسا دا بۇكىلدەي تۇزەتۋ، ءىشىنارالارى قاتە بولسا، ءىشىنارالارىن تۇزەتۋ كەرەك.

  ەڭ جوعارى حالىق سوتى مەكەمەسى مىنالاردى العا قويدى: دەر كەزىندە تەكسەرۋ، قاتەلىكتى ءونىمدى تەكسەرۋ مەحانيزمىن اقاۋسىزداندىرۋ كەرەك، قىلمىستىق ىستەر ارىز - شاعىم دەلولارىن دەلو اشىپ تەكسەرۋ ولشەمى مەن ءتارتىبىن ارناعا ءتۇسىرىپ، قىلمىستىق ىستەردە ناحاق، قاتە دەلولاردى بايقاۋ ارناسىن ىركىلىسسىزدەندىرۋ كەرەك. اتقارۋ ءتارتىبىن ىركىلىسسىزدەندىرىپ، قاتە دەلولاردى بايقاعاننان كەيىن سوت ىستەرىن باقىلاۋ ءتارتىبى مەحانيزمىن ىسكە قوسىپ، ارىز - شاعىمدى تەكسەرۋدىڭ جاريا، جوعارى ءونىمدى، تەپە - تەڭ ءتارتىبىن ورناتۋ كەرەك.

  ەڭ جوعارى حالىق سوت مەكەمەسى سونىمەن قاتار مىنالاردى دا ورتاعا قويدى، سىرتقى باقىلاۋ ارناسىن ىركىلىسسىزدەندىرۋ، جۇرتشىلىق پىكىرىندىك باقىلاۋدى سانالىلىقپەن قابىلداپ، قوعام نازار اۋدارىپ وتىرعان ماسەلەلەرگە دەر كەزىندە جاۋاپ قايتارىپ، سوت ىستەرىن باقىلاۋ مەن جۇرتشىلىق پىكىرىندىك باقىلاۋدىڭ تاماشا ىقپالداستىعىن قالىپتاستىرۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار