بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ەلىمىز سىرتقا قاراتا 59 ءتۇرلى وتكىزىپ بەرۋ شارتىن جاساستى

«اسپان تورى ارەكەتى» بويىنشا 50 ادامدى زاڭ بويىنشا وتكىزىپ الدى

2020.10.26 15:20     كەلۋ قاينارى : حالىق تورابى

  تاياۋدا جابىلعان مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 22 - ءماجىلىسى «جۇڭحۋا حالىق رەسپۋبليكاسى مەن كيپر رەسپۋبليكاسىنىڭ وتكىزىپ بەرۋ شارتىن» بەكىتۋ جونىندەگى قاۋلىنى، «جۇڭحۋا حالىق رەسپۋبليكاسى مەن بەلگيا پاتشالىعىنىڭ وتكىزىپ بەرۋ شارتىن» بەكىتۋ جونىندەگى قاۋلىنى داۋىسقا سالىپ ماقۇلدادى. ءتىلشىنىڭ سىرتقى ىستەر مينيسترلىگىنىڭ زاڭ مەڭگەرمەسىنەن ۇعىسۋىنشا، قازىرگە دەيىن ەلىمىز سىرتقا قاراتا 59 ءتۇرلى وتكىزىپ بەرۋ شارتىن جاساسقان. مۇنىڭ ىشىندە پارتيانىڭ 18 - قۇرىلتايىنان بەرى بەلگيا، كيپر، گرەتسيا قاتارلى ەۆروپا وداعىنداعى ەلدەردى قامتىعان 25 مەملەكەتپەن وتكىزىپ بەرۋ شارتىن جاساسقان.

  وتكىزىپ بەرۋ دەگەنىمىز ءبىر مەملەكەتتىڭ ءوز ەلىنىڭ تەرريتورياسىندا باسقا ەل جاعىنان قىلمىس وتكىزگەن دەلىنگەن نەمەسە باسقا ەل جاعىنان ۇكىم شىعارىلعان ادامدى قاتىستى ەلدەردىڭ وتىنىشىنە ساي ءوتىنىش بەرۋشى ەلدىڭ سوت جۇرگىزۋىنە نەمەسە جازالاۋىنا وتكىزىپ بەرۋ، بۇل قاشقىنداردى قۋعىنداۋدىڭ ماڭىزدى ءتاسىلى. ءتىلشىنىڭ ۇعىسۋىنشا، 2014 ـ جىلدان بيىل 6 ـ ايعا دەيىن، ٵرقايسى ولكە، اۆتونوميالى رايون، توتە قاراستى قالالاردىڭ باقىلاۋ – تەكسەرۋ ورگاندارى، پروكۋراتۋرا ورگاندارى، قوعام حاۋىپسىزدىگى ورگاندارى «اسپان تورى ارەكەتىندە» شەتەلدەگى زاڭ اتقارۋ ورگاندارىمەن سەلبەستىك جاساۋ ارقىلى جيىنى 50 ادامدى زاڭ بويىنشا وتكىزىپ الدى.

  2016 - جىلى 7 ـ ايدا، جاسىرعان باجىسى 700 ميلليون يۋان حالىق اقشاسىنا ساياتىن، شەتەلگە قاشىپ كەتكەنىنە 18 جىل بولعان ءىرى اتكەزشىلىك قىلمىس كۇماندىسى حۋاڭ حاييۇڭ پەرۋدان ەلگە ءوتىپ، ەلىمىزدىڭ لاتىن امەريكاسى ەلىنەن تۇڭعىش رەت ەلگە قايتارىپ اكەلگەن قاشقىنعا اينالدى ؛ 2018 ـ جىلى 11 ـ ايدا، مەملەكەتتىك باقىلاۋ – تەكسەرۋ كوميتەتى سىرتقى ىستەر مينيسترلىگىمەن بىرگە جۇڭگو - بۇلعاريا وتكىزىپ بەرۋ شارتىنا نەگىزدەلىپ، بۇلعاريادان جىجياڭ ولكەسى شينچاڭ اۋدانىنىڭ بۇرىنعى تۇراقتى ورىنباسار اكىمى ياۋ جينحوۋدى ءساتتى وتكىزىپ الدى، بۇل ەلىمىزدىڭ ەۆروپا وداعىنا مۇشە ەلدەردەن تۇڭعىش رەت قىلمىس كۇماندىسىن وتكىزىپ الۋى بولىپ تابىلادى.

  وتكىزىپ بەرۋ شارتىن جاساسۋ ەلىمىزدىڭ سىرتقى ءادىليالىق سەلبەستىك شارتتارىنىڭ تورابىن بەكەمدەپ، شىرىكتەسۋگە قارسى تۇرۋ حالىقارالىق قۋعىنداۋ، ارام ولجانى قايتارىپ الۋ قىزمەتىنە قىزمەت وتەۋگە پايدالى. ورتالىق قۋعىنداۋ كەڭسەسىنىڭ قاتىستى جاۋاپتىسى بىلاي دەدى: وتكىزىپ بەرۋ، قايتارىپ بەرۋ، باسقا جەرگە بارىپ قۋزاستىرۋ سياقتى زاڭدىق تاسىلدەردەن بەلسەنە پايدالانىپ، قاشقىنداردى قۋعىنداپ، ارام ولجانى قايتارىپ، مەملەكەتكە قاراي شارا قولدانىپ، تۇرگە ايىرىپ سوققى بەرىپ، شەتەلگە قاشىپ كەتكەن ءىرىپ - شىرىگەن ەلەمەنتتەردى تۇبىنە جەتە قۋعىندايمىز، ولاردى زاڭ قۇرىعىنان قاعىس قالدىرۋعا استە جول بەرىلمەيدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار