جۇڭگو حالىق بانكەسى زاڭىنا وزگەرىس ەنگىزىلمەكشى
وزگەرىس ەنگىزىلگەن جوبا جونىندە اشىق پىكىر الىندى
2020.10.26 15:23 كەلۋ قاينارى : حالىق تورابى
شينحۋا اگەنتتىگى، 10 – ايدىڭ 24 - كۇنى، بەيجيڭ (ءتىلشى ۋ يۇي). جۇڭگو حالىق بانكەسى بىرنەشە كۇننىڭ الدىندا «جۇڭحۋا حالىق رەسپۋبليكاسىنىڭ جۇڭگو حالىق بانكەسى زاڭىن ( وزگەرىس ەنگىزىلگەن جوبانىڭ پىكىر الۋ نۇسقاسىن )» جاريالاپ، قوعامنان اشىق پىكىر الدى. پىكىر نۇسقاسىندا فينانستىڭ تۇلعالىق شارۋاشىلىققا قىزمەت وتەۋدەگى ءتۇبىرلى ورنى باسا دارىپتەلدى، حالىق اقشاسى ناقتى زات فورماسى مەن سيفرلى فورمانى قامتيدى دەپ بەلگىلەنىپ، فينانستا زاڭعا قايشى ارەكەتتەردى جازالاۋ تەبىنى كۇشەيتىلدى.
ورتالىق بانكەنىڭ قاتىستى قايراتكەرلەرى بىلاي دەپ تانىستىردى: سوڭعى جىلداردان بەرى فينانس بازارىنىڭ كولەمى جەدەل كەڭەيىپ، فينانستا جاڭالىق اشۋ ۇزدىكسىز جارىققا شىقتى. سونىمەن بىرگە، فينانس حاۋىپ ـ قاتەرىنىڭ ايقاسپالى جۇعىمدالۋى، فينانستىڭ تۇلعالىق شارۋاشىلىققا قىزمەت وتەۋ قابىلەتىنىڭ جەتەرسىز بولۋى سياقتى قۇبىلىستار تۇرلىشە دەڭگەيدە ورىن تەۋىپ وتىر. قوعامدىق ەكونوميكانىڭ جوعارى ساپالى دامۋىنا ءتىپتى دە جاقسى سايكەسۋ ءۇشىن، زاڭعا وزگەرىس ەنگىزۋ قاجەت، حالىق بانكەسىنىڭ جاڭا قىزمەت جاۋاپكەرشىلىگى تالابىن تياناقتاندىرىپ، مىندەت وتەۋ شارالارىن كەمەلدەندىرىپ، قوعامدىق ەكونوميكانىڭ دامۋىنا تاماشا فينانس ورتاسىن ازىرلەۋ كەرەك.
پىكىر الۋ نۇسقاسىندا «فينانستىڭ تۇلعالىق شارۋاشىلىققا قىزمەت وتەۋىن جەبەۋ» زاڭ شىعارۋ ماقساتىنا ايقىن ەنگىزىلىپ، فينانس جۇيەسىنىڭ تۇلعالىق شارۋاشىلىققا قىزمەت وتەۋدەگى ءتۇبىرلى ورنىنا قايتا ورالۋىنا جەتەكشىلىك ەتىلدى. فينانستىق ماكرولىق تىزگىندەۋدى اناعۇرلىم ويداعىداي جۇرگىزۋ ءۇشىن، پىكىر الۋ نۇسقاسىندا حالىق بانكەسىنىڭ ماكرولىق ساياساتتى بەلگىلەۋ جانە اتقارۋ مىندەتى ايقىندالىپ، اقشا ساياساتى مەن امانات - قارىز ساياساتىن باقىلاۋ - باسقارۋدى جوعارىلاتۋعا ءتيىمدى بولدى.
پىكىر الۋ نۇسقاسىندا حالىق اقشاسىن باسقارۋ بەلگىلەمەسى كەمەلدەندىرىلىپ، حالىق اقشاسىنىڭ ناقتى زات فورماسى مەن سيفرلى فورماسى قامتىلادى دەپ بەلگىلەندى. سونىمەن بىرگە ءارقانداي ورىن مەن جەكەنىڭ اقشا بەلەتى مەن سيفرلى اقشا جاساپ، حالىق اقشاسىنىڭ ورنىنا بازاردا اينالىمعا سالۋىنا بولمايدى دەپ ايقىن بەلگىلەندى. حالىق بانكەسىنىڭ قاتىستى قايراتكەرلەرى بۇل سيفرلى اقشا تاراتۋدى زاڭدىق نەگىزبەن قامدايدى ءارى اقشا حاۋىپ - قاتەرىنەن ساقتانادى دەپ تانىستىردى.
بۇدان سىرت، فينانس بازارىنىڭ زاڭعا قايشىلىق جاساپ، وزىندىك قۇن تومەن بولۋ ماسەلەسىنە قاراتا، پىكىر الۋ نۇسقاسىندا تاعى فينانسقا قاتىستى زاڭعا قايشى ارەكەتتەردى جازالاۋ تەبىنى ارتتىرىلىپ، قىلمىسى اۋىر زاڭعا قايشى ارەكەتتەردى اۋىرلاتىپ جازالاۋعا بولادى دەپ بەلگىلەندى، ايىپ اقشانىڭ جوعارعى شەگى 20 ميلليون يۋانعا كوتەرىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
