قارىزعا العان 1600 يۋان 3 ايدان سوڭ ءبىر ميلليون 260 مىڭ يۋانعا اينالعان
گۋاڭدۇڭ ولكەسى فوشان قالاسىندا «شىرعالى قارىز بەرۋ» توبىنا سوت ۇكىمى شىعارىلدى
2020.10.26 15:25 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ماۋ يجۋدىڭ 10 – ايدىڭ 24 – كۇنى گۋاڭجوۋدان بەرگەن حابارى. گۋاڭدۇڭ ولكەسى فوشان قالاسى نانحاي رايوندىق حالىق سوتى ينتەرنەتتە «شىرعالى قارىز بەرۋ» سىندى سۇرقيالىققا ساياتىن دەلوعا ءبىرىنشى سوتتا ۇكىم شىعاردى، 14 ايىپكەر جەكە – جەكە الدامكوستىك قىلمىسى بويىنشا ءبىر جىل 4 ايدان 12 جىلعا دەيىنگى مەرزىمدى قاماق جازاسىنا ۇكىم ەتىلدى ءارى ولارعا اقشالاي ايىپ سالىندى.
مالىمەتكە قاراعاندا، 2019 – جىلى 2 – ايدىڭ باس شەنىندە، نانحاي رايونىندا كوكونىس ساۋداسىمەن شۇعىلداناتىن شياۋمەي (وزگەرتىلگەن اتى) توراپتاسىنىڭ تانىستىرۋىمەن «بەلگىلى قارىز بەرۋ» تەكشەسىندە قارىز بەرەتىن قازىنا قىزمەتكەرىن تانيدى. شياۋمەي قارسى جاقتان 2000 يۋان قارىز الاتىن، ەسەپ نومىرىنە ءىس جۇزىندە 1400 يۋان جوتكەلەتىن، ورتا ەسەپپەن سەگىز كۇنگە ءبولىپ قايتاراتىن بولىپ كەلىسەدى. قارسى جاقتىڭ تالابى بويىنشا، شياۋمەي تەكشەگە قولحات جازىپ، قولحاتتا قارىز سوماسى، باستالعان ۋاقىتى، قايتاراتىن ۋاقىتى جانە جىلدىق ءوسىم مولشەرى %24 قاتارلى ينفورماتسيالاردى جازادى ءارى قولفون حابارلاسۋ تىزىمدىگىنە قوسادى. كوپ وتپەي، قارىزعا العان اقشا شياۋمەيدىڭ ۋيچات ەسەپ نومىرىنە كەلەدى.
وسىدان سوڭ، قارىز قايتاراتىن كۇنگە تاياعان سايىن، اسىلگى قازىنا قىزمەتكەرى شياۋمەيگە ۇزدىكسىز جاڭا قارىز بەرۋشىلەردى تانىستىرىپ، ۇقساس تاسىلمەن قارىز الۋ رەسميەتىن ءبىتىرىپ، جاڭادان العان قارىزبەن كونە قارىزدى قايتارىپ وتىرادى. شياۋمەي بىرتىندەپ قارىز قايتارۋدىڭ قيىنداسا باستاعانىن سەزىنەدى. قارىز بەرۋشىلەردىڭ بىرنەشەۋى وعان قايتا – قايتا حاۋىپ توندىرەدى. قارىزدى قايتارۋ ءۇشىن شياۋمەي تۋىس – تۋعان، دوس – جاراندارىنان 100 مىڭ يۋاننان استام قارىز الادى.
4 – ايدىڭ 15 – كۇنى، شياۋمەي قوعام حاۋىپسىزدىگى ورگاندارىنا دەلو مالىمدەيدى. مالىمدەۋدى تاپسىرىپ العان سوڭ، نانحاي رايوندىق ساقشى جاعى ارناۋلى دەلو ءبىتىرۋ گرۋپپاسىن قۇرىپ، دەلو تەكسەرۋ بارىسىندا، اتالعان دەلونىڭ فوشان تەمىر جول قوعام حاۋىپسىزدىگى باسقارماسى تەكسەرۋ جۇرگىزىپ جاتقان تەمىر جول قىزمەتكەرىنىڭ «شىرعالى قارىز بەرۋ» الدامكوستىگىنە ۇشىراۋ دەلوسىمەن قاتىسى بارىن بايقايدى. ىلە – شالا، ارناۋلى دەلو ءبىتىرۋ گرۋپپاسى مەن فوشان تەمىر جول قوعام حاۋىپسىزدىگى باسقارماسى بىرلەسە وتىرىپ تەكسەرۋ جۇرگىزەدى. 6 – ايدا، بىرلەسكەن ارناۋلى دەلو گرۋپپاسىنداعى 50 نەشە ساقشى جەكە – جەكە شي – ان، رۇي – ان، لانجوۋ قاتارلى جەرلەردە ءبىر ۋاقىتتا قولعا الۋ ارەكەتىن ورىستەتىپ، «شىرعالى قارىز بەرۋ» سۇرقيا توبىن ءساتتى تالقانداپ، قىلمىس كۇماندىسى يۇي x قاتارلى 14 ادامدى قولعا تۇسىرەدى.
قاتىستى تاراۋلاردىڭ تەكسەرىپ تۇراقتاندىرۋىنشا، اتالعان دەلوداعى ءارقايسى ايىپكەرلەردىڭ «شىرعالى قارىز بەرۋ» ارەكەتىندە ءىس جۇزىندىك ءوسىم مولشەرى %30 بولىپ، سەگىز كۇندە قارىز قايتارىپ بولۋى كەرەك، جىلدىق ءوسىم مولشەرى %3128.4 بولادى. «شىرعاعا ءتۇسۋ» سانى ەڭ كوپ بولعان ءبىر ادام العاش رەت 1600 يۋان قارىزعا الىپ، 3 ايدان سوڭ ءبىر ميلليون 260 مىڭ يۋانعا قارىزدانعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
