2 تاراۋ چاڭجياڭ وزەنى الابىندا زاڭسىز بالىق اۋلاۋعا سوققى بەرۋ 100 كۇندىك قامال الۋ ارەكەتىن ورىستەتەدى
2020.10.27 16:20 كەلۋ قاينارى : حالىق تورابى
حالىق تورابى، 10 - ايدىڭ 26 - كۇنى، بەيجيڭ (ءتىلشى جۋ زىياڭ). ءتىلشىنىڭ بۇگىن قوعام حاۋىپسىزدىگى مينيسترلىگىنەن ۇعىسۋىنشا، قوعام حاۋىپسىزدىگى مينيسترلىگى، اۋىل شارۋاشىلىعى، اۋىل - قىستاق مينيسترلىگى بىرنەشە كۇننىڭ الدىندا ۇقتىرۋ شىعارىپ، چاڭجياڭ وزەنى الابىندا زاڭسىز بالىق اۋلاۋعا سوققى بەرۋ 100 كۇندىك قامال الۋ ارەكەتىن ورىستەتۋدى ورنالاستىرعان.
ۇقتىرۋدا مىنالار تالاپ ەتىلدى: الدىڭعى مەرزىمدەگى سوققى بەرۋدە قول جەتكىزىلگەن ناتيجە نەگىزىندە، «چاڭجياڭ وزەنىندە بالىق اۋلاۋعا تيىم سالۋ 2020» 2 - ءنومىرلى شوعىرلى سوققى بەرۋ ارەكەتىن كۇش سالا ىلگەرىلەتىپ، «استە راقىم ەتپەۋ» پوزيتسياسىمەن دەرەكتەردى جاپپاي تەكسەرىپ، باسىلىپ قالعان دەلولاردى ىشكەرىلەي اشىپ، ىلىكتەس قىلمىستاردى تۇبەگەيلى تەكسەرۋ كەرەك. ۇيىمدىق، توپتىق زاڭسىز بالىق اۋلاۋ قىلمىستىق دەلولارىنا قاراتا قىزمەت ارناۋلى توبىن قۇرىپ، قىلمىس شىنجىرىن بەكەم تارتىپ، بالىق اۋلاۋ توپتارىن، تاسىمال ارنالارىن، ساتۋ توراپتارىن باتىل تالقانداپ، پەردە ارتىنداعى ۇيىمداستىرۋشىلاردى، پايدا كورۋشىلەردى جانە قالتارىستاعى قورعاۋشىلاردى زاڭ بويىنشا قاتاڭ جازالاپ، چاڭجياڭ وزەنى الابىنداعى زاڭسىز بالىق اۋلاۋ قىلمىستىق ارەكەتتەرىن باتىل تەجەۋ كەرەك.
ۇقتىرۋدا مىنالار تالاپ ەتىلدى: بالىق شارۋاشىلىعىنا ساياتىن كورنەكتى ماسەلەلەردى جونگە سالۋ تەبىنىن ارتتىرۋ كەرەك. جەرگىلىكتى پارتكومدار مەن ۇكىمەتتەردىڭ ءبىر تۇتاس باسشىلىعىندا سەلبەستىك مەحانيزمىن كەمەلدەندىرىپ، تۋ باستان جونگە سالۋدى ىلگەرىلەتىپ، «كەمەنى تازارتۋ»، «توراپتى تازارتۋ»، «بازاردى تازارتۋ» نىساناسىن قۇلشىنا جۇزەگە اسىرۋ كەرەك. «ءۇش جوق» كەمەلەردى شوعىرلى رەتتەۋ، زاڭسىز بالىقشىلىق قۇرالدارىن اداقتاۋ، جونگە سالۋ، «ەلەكترمەن، ۋمەن، قوپارىلىسپەن» بالىق اۋلاۋ قۇرالدارىن، زاڭسىز تور قۇرالدارىن، تيىم سالىنعان بالىق اۋلاۋ قۇرالدارىن جاساۋ جانە ساتۋ ىستەرىن باتىل تەكسەرۋ جانە سوققى بەرۋ، سونداي - اق زاڭسىز جارناما، ينفورماتسيا جاريالاۋ سياقتى زاڭعا قايشى ارەكەتتەردى باتىل تەكسەرىپ، زاڭسىز بالىقشىلىق تورىن جاساپ ساتاتىن ءبىر توپ زاڭسىز ورىندى زاڭ بويىنشا كۇشىنەن قالدىرىپ، قىلمىس وتكىزۋ ورتاسىن تۇبەگەيلى الاستاۋ كەرەك. زاڭعا قايشىلىق جاساپ بالىق اۋلاۋ، ساۋدالاۋ ارەكەتتەرىن شوعىرلى اداقتاپ، جونگە سالىپ، بازار ورتاسىن شىنايى تازارتۋ كەرەك.
ۇقتىرۋدا مىنالار تالاپ ەتىلدى: سۋ الاپتارىنداعى ساقتانۋ - تىزگىندەۋ نەگىزىن بەكەمدەۋ، بالىق شارۋاشىلىعىنا ساياتىن «ادام، كەمە، زات» سياقتى ءتۇيىندى فاكتورلاردى يكەمدى يگەرۋدى كۇشەيتۋ، دەلو وڭاي تۋىلاتىن ورىنداردى جانە ءتۇيىندى سۋ ايدىندارىن باسقارۋدى كۇشەيتۋ، زاڭعا قايشى قىلمىستىق ىستەر كەڭىستىگىن بارىنشا تارايتۋ كەرەك. قوعام حاۋىپسىزدىگى، بالىقشىلىق ىستەرى، تەڭىز ىستەرى، سۋ يگىلىگى قاتارلى تاراۋلاردىڭ زاڭ اتقارۋ كۇشتەرىن اتتانىسقا كەلتىرىپ، زاڭسىز بالىق اۋلاۋ ارەكەتى كوپ تۋىلاتىن سۋ ايدىندارىندا بىرلەسىپ زاڭ اتقارۋ قيمىلى مەن ارناۋلى زاڭ اتقارۋ قيمىلىن ورىستەتۋ كەرەك. زاڭ اتقارۋ جيىلىگىن ارتتىرىپ، زاڭ اتقارۋ كولەمىن كەڭەيتىپ، ءتۇيىندى سۋ ايدىندارىن جانە جوعارى، تومەن جاعاداعى ءتۇيىندى قۇرلىق جولدارىن شارلاۋ شارالارىن كۇشەيتىپ، سۋ ايدىندارىنىڭ اماندىعىن ساقتاۋ، ساقتانۋ - تىزگىندەۋ جۇيەسى قۇرىلىسىن جەدەل ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
