بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جاڭادان وزگەرىس ەنگىزىلگەن «قارتتاردى كۇتىمگە الۋ قۇرىلىمدارىن باسقارۋ ادىسىندە» قانداي تىڭ وزگەرىستەر بولدى؟

2020.11.03 16:13     كەلۋ قاينارى : حالىق تورابى

  جاڭادان وزگەرىس ەنگىزىلگەن «قارتتاردى كۇتىمگە الۋ قۇرىلىمدارىن باسقارۋ ءادىسى» 11 – ايدىڭ 1 – كۇنىنەن باستاپ رەسمي اتقارىلدى. بۇل 2013 - جىلعى «قارتتاردى كۇتىمگە الۋ قۇرىلىمدارىن باسقارۋ ءادىسى» اتقارىلعاننان بەرى تۇڭعىش رەت جاپپاي وزگەرىس ەنگىزىلۋى.

  2018 - جىلى وزگەرىس ەنگىزىلگەن قارتتاردىڭ ۇقىق - مۇددەسىن قامتاماسىزداندىرۋ زاڭىنداعى قارتتاردى كۇتىمگە الۋ قۇرىلىمىن قۇرۋ رۇقساتىن كۇشىنەن قالدىرۋ جونىندەگى بەلگىلەمەگە قاراتا، جاڭادان وزگەرىس ەنگىزىلگەن «ادىستەگى» ەڭ ۇلكەن وزگەرىس قارتتاردى كۇتىمگە الۋ قۇرىلىمىن ەستەلىككە الىپ باسقارۋ بولدى، سونداي - اق ەستەلىككە الىپ باسقارۋدىڭ ناقتى مازمۇنى جونىندە ايقىن بەلگىلەمە جاسالدى.

  «ادىستە» بىلاي دەپ بەلگىلەنگەن: قارتتاردى كۇتىمگە الۋ قۇرىلىمدارىندا قارتتارمەن قىزمەت وتەۋ كەلىسىمىن جاساسپاعان، قاتىستى ماجبۇري مەملەكەتتىك ولشەم بويىنشا قىزمەت وتەمەگەن نەمەسە قارتتاردى كەمسىتەتىن، قورلايتىن، جابىرلەيتىن، سونداي - اق قارتتاردىڭ باس اماندىعى مەن مال - مۇلىك ۇقىق - مۇددەسىنە زيان جەتكىزەتىن باسقا دا ارەكەتتەردى حالىق ىستەرى تاراۋلارى جاۋاپتى بولىپ تۇزەتەدى، ەسكەرتۋ بەرەدى نەمەسە اقشالاي ايىپ سالادى، ءىسى قىلمىسقا تولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

  «ادىستە» قارتتاردى كۇتىمگە الۋ قۇرىلىمى دەگەنىمىز قارتتاردى تولىق كۇن شوعىرلى كۇتىمدەۋگە قىزمەت وتەيتىن،توسەك سانى 10نان اساتىن قۇرىلىم دەپ تۇڭعىش رەت ايقىن بەلگىلەندى. قارتتاردى كۇتىمگە الۋ قۇرىلىمىن قۇرۋدا بازاردى باقىلاۋ - باسقارۋ قاتارلى قاتىستى تاراۋلارعا بارىپ قاتىستى تىزىمگە الدىرۋ كەرەك، جاڭادان قۇرىلعان قارتتاردى كۇتىمگە الۋ قۇرىلىمدارى قارتتاردى كۇتىمگە العاننان كەيىنگى 10 قىزمەت كۇنى ىشىندە حالىق ىستەرى تاراۋلارىنا ەستەلىككە الدىرۋ ءوتىنىشىن بەرەدى، ەستەلىككە الۋ وتىنىشىندە قارتتاردى كۇتىمگە الۋ قۇرىلىمىنىڭ نەگىزگى احۋالى، قىزمەت وتەۋ ورنىنىڭ ۇقىق قاراستىلىعى، قارتتاردى كۇتىمگە الۋ ورنىنىڭ توسەك سانى قاتارلى مازمۇندار قامتىلۋى كەرەك. تىزىمگە الىنعان قارتتاردى كۇتىمگە الۋ قۇرىلىمدارىنىڭ اتى، زاڭدىق ۋاكىلى، قارتتاردى كۇتىمگە الۋ ورنىنىڭ توسەك سانى سياقتىلاردى وزگەرتسە، حالىق ىستەرى تاراۋلارىنا وزگەرتىپ ەستەلىككە الدىرۋ رەسميەتىن دەر كەزىندە وتەۋ كەرەك.

  بيىل جىل باسىنان بەرى جاڭا تيپتى ايدارشا ۆيرۋس وكپە قابىنۋ ىندەتى قارتتاردى كۇتىمگە الۋ قۇرىلىمدارىنىڭ شۇعىل جاعدايعا توتەپ بەرۋ جانە توسىن وقيعالاردى ءبىر جايلى ەتۋ قابىلەتىنە ءتىپتى دە جوعارى تالاپ قويدى، «ادىستە» قارتتاردى كۇتىمگە الۋ قۇرىلىمدارىنىڭ شۇعىل جاعدايعا توتەپ بەرۋ قابىلەتى جونىندە دە سايكەستى بەلگىلەمەلەر جاسالدى.

  «ادىستە» بىلاي دەپ بەلگىلەنگەن: قارتتاردى كۇتىمگە الۋ قۇرىلىمدارى جاراتىلىستىق اپات، شىرعالاڭ اپاتى، الەۋمەتتىك دەنساۋلىق ساقتاۋ وقيعالارى جانە قوعام حاۋىپسىزدىگى وقيعالارى سياقتى توسىن وقيعالارعا شۇعىل توتەپ بەرۋ جوباسىن زاڭ بويىنشا جاساۋى، سونداي - اق ناق مايداندا سيگنال بەرۋ قۇرىلعىلارىن جانە قاجەتتى شۇعىل قۇتقارۋ جابدىقتارىن، قۇرىلعىلارىن ورناتۋى كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار