ىشكى موڭعۇل اۆتونوميالى رايوندىق پارتكومنىڭ بۇرىنعى تۇراقتى مۇشەسى، حوححوت قالالىق پارتكومنىڭ بۇرىنعى شۋجيى يۇن گۋاڭجۇڭنىڭ پارا الۋ دەلوسىنا ءبىرىنشى سوت ۇكىمى شىعارىلدى
2020.11.04 15:08 كەلۋ قاينارى : حالىق تورابى
حالىق تورابىنىڭ 11 – ايدىڭ 3 – كۇنى بەيجيڭنەن بەرگەن حابارى. داليان قالالىق ورتا دارەجەلى حالىق سوت مەكەمەسى رەسمي تورابىنىڭ حابارىنا نەگىزدەلگەندە، 2020 – جىلى 11 – ايدىڭ 3 – كۇنى، لياۋنىڭ ولكەسى داليان قالالىق ورتا دارەجەلى حالىق سوت مەكەمەسى ىشكى موڭعۇل اۆتونوميالى رايوندىق پارتكومنىڭ بۇرىنعى تۇراقتى مۇشەسى، حوححوت قالالىق پارتكومنىڭ بۇرىنعى شۋجيى يۇن گۋاڭجۇڭنىڭ پارا الۋ دەلوسىنا اشىق ۇكىم شىعاردى، ايىپكەر يۇن گۋاڭجۇڭ پارا الۋ قىلمىسىمەن 14 جىلدىق مەرزىمدى قاماق جازاسىنا كەسىلدى، ٵرى حالىق اقشاسىمەن 5 ميلليون 500 مىڭ يۋان اقشالاي ايىپ سالىندى، تەكسەرىلىپ بەكىتىلگەن، ۇستاپ قالعان بارلىق پاراعا العان مال – مۇلكى جانە ونىڭ ءوسىمى قۋزاستىرىلىپ، تۇگەلدەي ۇكىمەت قامباسىنا تاپسىرىلادى. يۇن گۋاڭجۇڭ سوتتا ۇكىمگە بويسۇناتىندىعىن، جوعارىلاپ ارىزدانبايتىندىعىن ءبىلدىردى.
تەكسەرىپ قاراۋ ارقىلى مىنانى انىقتادى: 2005 - جىلدان 2018 - جىلعا دەيىن، ايىپكەر يۇن گۋاڭجۇڭ ىشكى موڭعۇل اۆتونوميالى رايونى حۋلۇنبەر قالالىق پارتكومنىڭ تۇراقتى مۇشەسى، مانجۋري قالالىق پارتكومنىڭ شۋجيى، وردوس قالالىق پارتكومنىڭ ورىنباسار شۋجيى، ورىنباسار قالا باستىعى، قالا باستىعى، قالالىق پارتكومنىڭ شۋجيى، ىشكى موڭعۇل اۆتونوميالى رايوندىق ۇكىمەتتىڭ ورىنباسار ءتوراعاسى، اۆتونوميالى رايوندىق پارتكومنىڭ تۇراقتى مۇشەسى، حوححوت قالالىق پارتكومنىڭ شۋجيى قاتارلى مىندەتتەردىڭ قولايىلىعىنان پايدالانىپ، قاتىستى ورىندار جانە جەكەلەردىڭ كاسىپورىندارىڭ تيجاراتىن باسقارۋ، قىزمەت مىندەتىن ءوسىرۋ قاتارلى جاقتارىندا كومەك بەرەدى، تىكەلەي نەمەسە جاقىن تۋىستارى قاتارلى ادامدار ارقىلى باسقالاردىڭ بەرگەن مال - مۇلكىن زاڭسىز قابىلداپ، جيىنى 94 ميلليون 320 مىڭ يۋاننان استام حالىق اقشاسىن الادى.
داليان قالالىق ورتا دارەجەلى حالىق سوت مەكەمەسى بىلاي دەپ قارايدى: جاۋاپكەر يۇن گۋاڭجۇڭنىڭ ارەكەتى پارا الۋ قىلمىسىن قالىپتاستىرعان، اقشا سانى ءبىرشاما كوپ، ونى زاڭ بويىنشا جازالاۋ كەرەك. يۇن گۋاڭجۇڭ دەلو تۋىلعاننان كەيىن قىلمىسىن قاز - قالپىندا مويىندادى، دەلو باسقارۋشى ورگاندار ءالى يگەرمەگەن قىلمىس فاكتىلەرىنىڭ كوپ بولەگىن ىرىقتىلىقپەن اشكەرەلەپ، باسقالاردىڭ قىلمىس وتكىزۋ ماسەلەسىن تەكسەرىپ انىقتاپ، ۇلكەن ەڭبەك كورسەتتى، قىلمىسىن تانىپ، رايىنان قايتىپ، ارام ولجانى بەلسەنە قايتاردى، ارام اقشا مەن ارام ولجانى تۇگەلدەي قۋزاپ تاپسىرتىپ العاندىقتان، زاڭدا بەلگىلەنگەن، جاعدايعا قاراي جەڭىل نەمەسە جەڭىلدەتىپ جازالاۋ جاعدايىنا بايلانىستى زاڭ بويىنشا جەڭىل جازالاۋعا بولادى. سونىمەن سوت جوعارىداعى ۇكىمدى شىعارادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
