بانكە كارتۋچكاسىن بەرۋ ارقىلى اقشا تابۋعا بولا ما؟ (دەلو ارقىلى زاڭدى ءتۇسىندىرۋ)
قىلمىسكەردىڭ قولشوقپارى بولىپ قالۋدان اباي بولىڭىز
2020.11.05 14:57 كەلۋ قاينارى : حالىق تورابى
[دەلو جاعدايى] جۋىردا، شي – ان قالاسى ۋەيياڭ رايوندىق حالىق سوتى جەكە ادامنىڭ بانكە كارتۋچكاسىن ساتۋى ارقىلى تەلەگراف الدامكوستىگى توبىنا كومەكتەسكەنى جونىندەگى دەلونى قارادى. زىڭ X ينتەرنەت ارقىلى لي X مەن تانىسقان سوڭ، بانكە كارتۋچكاسىن ءبىتىرىپ، كارتۋچكانى باسقالاردىڭ تەلەگراف – ينتەرنەت الدامكوستىگىمەن شۇعىلدانۋىنا بەرۋ ارقىلى پايدا تابۋعا بولاتىنىن بىلەدى. زىڭ X وسىدان سوڭ ساي X عا حابارلاسىپ، بانكە كارتۋچكاسى جانە وعان سايكەستى قولفون كارتۋچكاسى، ينتەرنەتتىك بانكە ەسەپ ءنومىرىنىڭ قۇپيا ءنومىرى جانە U قالقانى، ەسەپ ءنومىرىن اشقان ادامنىڭ ازاماتتىق كۋالىگىنىڭ كوپيا نۇسقاسى قاتارلى «ءتورت ءتۇرلى ماتەريالدى» جيناپ بەرسە، ساتىپ الۋعا كەپىلدىك ەتەتىنىن ايتادى. ساي X ارت-ارتىنان حۋاڭ X قاتارلىلاردان «ءتورت ءتۇرلى ماتەريالدان» 28 داناسىن ساتىپ الىپ، ىلگەرىندى – كەيىندى زىڭ X عا وتكىزىپ بەرەدى. زىڭ X ساتىپ العان «ءتورت ءتۇرلى ماتەريالداردى» لي X عا وتكىزىپ بەرەدى.
[زاڭ ارقىلى ءتۇسىندىرۋ] سوت مەكەمەسى بۇل دەلونى تەكسەرگەن سوڭ، بىلاي دەپ قارادى: زىڭ X، ساي X جانە حۋاڭ X قاتارلى 3 ايىپكەر باسقالاردىڭ ينفورماتسياسىنان پايدالانىپ، ينتەرنەت ارقىلى قىلمىس وتكىزىپ جاتقانىن انىق بىلە تۇرا، ولاردى اقى تولەۋ، ەسەپ جابۋ قۇرالى رەتىندە پايدالاناتىن بانكە كارتۋچكاسىمەن قامداعان، زاردابى اۋىر، ينفورماتسيالىق – ينتەرنەتتىك قىلمىستىق ارەكەتىن وتكىزۋگە كومەكتەسۋ قىلمىسىن قالىپتاستىرعان؛ باسقالاردىڭ بانكە كارتۋچكاسىنا ساقتالعان قاراجاتتىڭ قىلمىس وتكىزۋ ارقىلى قولعا كەلتىرگەن قاراجات ەكەنىن بىلە تۇرا جوتكەۋگە مۇمكىندىك بەرىپ، قىلمىس ارقىلى قولعا كەلتىرگەن اقشانى بۇركەمەلەۋ، جاسىرۋ قىلمىسىن قالىپتاستىرعان. مۇنان سىرت، زىڭ X، ساي X مەملەكەت بەلگىلەمەسىنە قايشى كەلىپ، كرەديت كارتۋچكاسىنىڭ ماتەريالدارىن ساتىپ العان جانە بۇل ماتەريالداردى باسقالارعا زاڭسىز تۇردە بەرگەن، وسى بارىستا كرەديت كارۋچكاسىنىڭ ينفورماتسيالىق ماتەريالدارىن ساتىپ الۋ، زاڭسىز تۇردە باسقالارعا بەرۋ قىلمىسىن قالىپتاستىرعان.
سوتشى مىنانى ءبىلدىردى: جۋىرداعى جىلداردان بەرى، تەلەگراف – ينتەرنەتتەن پايدالاناتىن جاڭا تيپتەگى زاڭعا قايشى قىلمىستىق تاسىلدەر ۇزدىكسىز جاڭالانىپ، ۇيىمدى تۇردە، كاسىپتىك سيپات العان اۋقىم بايقالىپ، كوپتەگەن جاسىرىن كاسىپ سالاسى تىزبەكتەرىن تۋىنداتتى. ءامالياتتا، ءىشىنارا ادامدار زاڭعا قايشى پايداعا قول جەتكىزۋدى كوزدەپ، بانكە كارتۋچكاسى قاتارلى «ءتورت ءتۇرلى ماتەريالمەن» ىرىقتى تۇردە قامداپ وتىردى، ولاردىڭ ارەكەتى زاڭعا قايشى قىلمىس قالىپتاستىرادى. ءىشىنارا ادامدار بولماشى پايدانى كوزدەپ، جاعدايعا قانىق بولماي تۇرىپ، ءوزىنىڭ بانكە كارتۋچكاسى قاتارلى «ءتورت ءتۇرلى ماتەريالىن» ساتادى نەمەسە باسقالاردىڭ پايدالانا تۇرۋىنا بەرەدى، بۇل وبيەكتيۆ جاقتان ايتقاندا، قىلمىستىق ەلەمەنتتەردىڭ «قۇرالىنا» اينالعاندىق بولىپ تابىلادى. سوتشى مىنانى ەسكەرتتى: بانكە كارتۋچكاسى قاتارلى «ءتورت ءتۇرلى ماتەريال» تەلەگراف – ينتەرنەت ارقىلى الدامكوستىك ىستەۋدەگى ماڭىزدى تاسىمالداۋشى، ونى ءسوزسىز جاقسى ساقتاۋ قاجەت، ونى باسقالارعا بەرىپ، ولاردىڭ وسى ارقىلى پايدا تابۋىنا كومەكتەسپەۋ كەرەك، ۇيتپەگەندە، زاڭعا قايشى قىلمىس قالىپتاستىرۋدان سىرت، قىلمىسكەرلەردىڭ قولشوقپارىنا اينالىپ قالۋىڭىز دا مۇمكىن. (لۇي شۇان – اڭ جيناقتاعان)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
