اۆتورلىق ۇقىق زاڭىنا وزگەرىس ەنگىزۋ جوباسى ءۇشىنشى رەت قاراۋ - تالقىلاۋ باسقىشىنا ءوتتى
زاڭدا بەلگىلەنگەن تولەم بەرۋ سوماسىنىڭ ەڭ تومەنگى شەگى تۋرالى بەلگىلەمە قوسىلدى (13 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 23 – كەزەكتى ماجىلىسىندە بىرنەشە زاڭ جوباسى قارالدى)
حالىق گازەتىنىڭ ءتىلشىسى ۋاڭ بيشۋە
2020.11.11 13:45 كەلۋ قاينارى : حالىق تورابى
11 – ايدىڭ 10 – كۇنى، 13 – كەزەكتى مەملەكەتتىك حالىق قۇرىلتايى تۇراقتى كوميتەتى 23 – رەتكى ماجىلىسىندە اۆتورلىق ۇقىق زاڭىنا وزگەرىس ەنگىزۋ جوباسىن ءۇشىنشى رەت قاراۋ – تالقىلاۋدان وتكىزىپ، مەملەكەتتىك حالىق قۇرىلتايى نەگىزگى زاڭ جانە زاڭداردى بەلگىلەۋ كوميتەتىنىڭ ورىنباسار مەڭگەرۋشى مۇشەسى جياڭ بيشين جاساعان اۆتورلىق ۇقىق زاڭىنا وزگەرىس ەنگىزۋ جوباسىن قاراۋ – تالقىلاۋ ناتيجەسى جونىندەگى بايانداما تىڭدالدى.
جياڭ بيشيننىڭ ايتۋىنشا، جوبانىڭ ەكىنشى رەت قاراۋ – تالقىلاۋ جۇرگىزىلگەن نۇسقاسىندا مىنالار بەلگىلەنگەن: كينو تۋىندىلارى مەن تەلەسەريال تۋىندىلارىنان سىرت، سەلبەستىك جاساعان نەمەسە قىزمەت بارىسىندا جاساعان دىبىس – كەسكىن تۋىندىلارىنىڭ اۆتورلىق ۇقىق قاراستىلىعى وسى زاڭداعى بەلگىلەمەلەرگە ساي تۇراقتاندىرىلادى؛ سەلبەستىك ارقىلى جاسالماعان نەمەسە قىزمەت بارىسىندا جاسالماعان تۋىندىلاردىڭ اۆتورلىق ۇقىق قاراستىعىلىن جاساۋشى مەن اۆتور شارتتاسۋ ارقىلى بەكىتەدى، شارتتاسپاعان نەمەسە شارتتا انىق بەلگىلەنبەگەن بولسا، جاساۋشىعا ءتان بولادى، الايدا، اۆتوردىڭ اتىن جازۋ ۇقىعى جانە ەڭبەك اقى الۋ ۇقىعى بولادى. قاتىستى تاراۋلار، ورىندار، ماماندار جانە قوعامداعى جۇرتشىلىقتىڭ پكىرىنشە، باسقا دىبىس – كەسكىن تۋىندىلارىنىڭ اۆتورلىق ۇقىق قاراستىلىعى جونىندەگى بۇل بەلگىلەمە وتە كۇردەلى بولىپ كەتكەن، جوبادا سەلبەستىك جاسالعان تۋىندىلار مەن قىزمەتتىك تۋىندىلاردىڭ اۆتورلىق ۇقىق قاراستىلىعى انىق بەلگىلەنگەن، دىبىس – كەسكىن تۋىندىلارى سەلبەستىك جاسالعان تۋىندى نەمەسە قىزمەتتىك تۋىندى بولسا، ونىڭ اۆتورلىق ۇقىق قاراستىلىعىن زاڭ بويىنشا بەلگىلەۋگە بولادى، بۇل بەلگىلەمەنى قاراپايىمداستىرۋ ارقىلى دىبىس – كەسكىن تۋىندىلارىنان پايدالانۋ مەن ونى تاراتۋعا تيىمدىلىك جاساۋعا بولادى.ءۇشىنشى رەت قاراۋ – تالقىلاۋ جۇرگىزىلگەن نۇسقاسىندا بىلاي وزگەرتىلگەن: «الدىڭعى بەلگىلەمەدە قامتىلماعان دىبىس – كەسكىن تۋىندىلارىنىڭ اۆتورلىق ۇقىق قاراستىلىعىن قاتىستى ادامدار شارتتاسۋ ارقىلى بەلگىلەيدى؛ شارتتاسپاعان نەمەسە شارتتا انىق جازىلماعان بولسا، جاساۋشىعا ءتان بولادى، الايدا، اۆتوردىڭ اتىن جازۋ ۇقىعى مەن ەڭبەكاقىعا يە بولۋ ۇقىعى بولادى».
قازىر اتقارىلىپ وتىرعان اۆتورلىق ۇقىق زاڭىندا بىلاي دەپ بەلگىلەنگەن: «جاريالانعان تۋىندىنى تەگىن ورىنداپ شىققاندا، بۇل رەتكى ورىنداۋعا بايلانىستى جۇرتشىلىقتان اقى الىنباعان بولسا، ورىنداۋشىعا دا اقى تولەنبەگەن بولسا»، اۆتورلىق ۇقىق يەسىنىڭ رۇقساتىن الماۋعا، وعان اقى تولەمەۋگە بولادى، الايدا، اۆتوردىڭ اتى – ءجونى قاتارلىلاردى انىق جازۋ كەرەك. كەيبىر تۇراقتى مۇشەلەر مەن قوعامداعى جۇرتشىلىق مىناداي پىكىر ءبىلدىردى: تەگىن ويىن قويۋ دەگەن اتپەن جارناما اقى الۋ قاتارلى ءتۇرى وزگەرگەن تاسىلدەرمەن پايدا تابۋ ماقساتىنا جەتۋدەن ساقتانۋ ءۇشىن، پايدا تابۋدى ماقسات ەتپەۋ سىندى شەكتەمە بار بەلگىلەمەنى قوسۋ كەرەك. ءۇشىنشى رەتكى قاراۋ – تالقىلاۋدان وتكىزىلگەن نۇسقادا جوعارىدا اتالعان ۇيلەسىمدى پايدالانۋ شارتى بىلاي وزگەرتىلگەن: «جاريالانعان تۋىندىنى تەگىن ورىنداسا، بۇل رەتكى ورىنداۋعا جۇرتشىلىقتان اقى الىنباعان بولسا، ورىنداۋشىعا دا اقى تولەنبەگەن بولسا، ونىڭ ۇستىنە، پايدا تابۋدى ماقسات ەتپەگەن بولسا».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
