حابارلاندىرۋ – ۋادە الۋ ءتۇزىمىن جاپپاي جالپىلاستىرىپ
جۇرتشىلىق پەن كاسىپورىنداردىڭ جۇمىس بىتىرۋىندەگى «كەپتەلىس ءتۇيىنىن» تازالاۋ كەرەك
حالىق گازەتىنىڭ ءتىلشىسى جاڭ سۇڭ
2020.11.20 14:16 كەلۋ قاينارى : حالىق تورابى
11 – ايدىڭ 19 – كۇنى، مەملەكەتتىك كەڭەس اقپارات كەڭسەسى مەملەكەتتىك كەڭەستىڭ ساياسات جونىندەگى كەزەكتى حابارلاندىرۋ ءماجىلىسىن اشىپ، «مەملەكەتتىك كەڭەس كەڭسە مەڭگەرمەسىنىڭ ىسپات الىناتىن ىستەر جانە كاسىپورىنداردىڭ تيجاراتىنا قاتىستى ىستەردە حابارلاندىرۋ – ۋادە الۋ ءتۇزىمىن جاپپاي جالپىلاستىرۋ جونىندەگى جەتەكشى پىكىرگە» قاتىستى جاعدايلاردى تانىستىردى.
ءادىليا مينيسترلىگىنىڭ ورىنباسار مينيسترى ليۋ جاۋ مىنانى ءبىلدىردى: ىسپات الىناتىن ىستەر جانە كاسىپورىنداردىڭ تيجاراتىنا قاتىستى ىستەردە حابارلاندىرۋ – ۋادە الۋ ءتۇزىمىن جاپپاي جالپىلاستىرۋ «ۇقىقتى تومەنگە بەرۋ مەن باسقارۋدى ۇشتاستىرۋ جانە قىزمەت وتەۋدى ساپالىلاندىرۋ» رەفورماسىن تەرەڭدەتۋگە، بازار نەگىزگى تۇلعالارىنىڭ ومىرشەڭدىك كۇشىن تاسقىنداتۋعا پايدالى. جۇرتشىلىقتىڭ جانە كاسىپورىنداردىڭ ءىس ءبىتىرۋدىڭ قيىن بولۋى، ءىس ءبىتىرۋدىڭ باياۋ بولۋى، ءىس ءبىتىرۋدىڭ كۇردەلى بولۋى سىندى ماسەلەلەردى اڭىس ەتۋىنە باعىتتاي وتىرىپ، 2019 – جىلى مەملەكەتتىك كەڭەس 18 سىناق تۇيىنىندەگى جەرگىلىكتى ورىندار مەن تاراۋلاردا ىسپات ىستەرى جونىندە حابارلاندىرۋ – ۋادە الۋ ءتۇزىمىن سىناق رەتىندە اتقارۋدى ماقۇلداعان، بۇل شارا 60 نەشە سالاداعى 2000 نەشە ءتۇرلى ىسكە سايادى.
ءادىليا مينيسترلىگى اكىمشىلىك زاڭ اتقارۋدى سايكەستىرۋ – باقىلاۋ مەكەمەسىنىڭ باستىعى جاۋ جىنحۋا بىلاي دەدى: بۇكىل ەلىمىز كولەمىندە بارلىق اكىمشىلىك ورگاندار جانە الەۋمەتتىك ىستەردى باسقارۋ يقۋاتىنا يە ورگاندار اكىمشىلىك رۇقساتناما، اكىمشىلىك تۇراقتاندىرۋ، اكىمشىلىك تولەۋ ىستەرىن بىتىرگەن كەزدە، ىسپاتقا قاتىستى ىستەردە تۇگەلدەي حابارلاندىرۋ – ۋادە الۋ ءتۇزىمىن اتقارادى.
حابارلاندىرۋ – ۋادە الۋ ءتۇزىمىن اتقارۋدا كاسىپورىندار تيجاراتىنا ساياتىن رۇقساتناما ىستەرىنىڭ كولەمى قالاي تۇراقتاندىرىلادى؟ بازاردى باقىلاۋ – باسقارۋ باس مەكەمەسى تىزىمدەۋ – تىركەۋ مەكەمەسىنىڭ جاۋاپتىسى چىن يەنىڭ تانىستىرۋىنشا، جەتەكشى پىكىر جانە قاتىستى قۇجاتتارداعى بەلگىلەمەلەردە ەكى ءتۇرلى تۇراقتاندىرۋ فورماسى ورنالاستىرىلعان.
بىرىنشىدەن، زاڭدا، اكىمشىلىك بەلگىلەمەدە، مەملەكەتتىك كەڭەستىڭ قاۋلىسىندا بەكىتىلگەن، كاسىپورىندارعا ساياتىن اكىمشىلىك رۇقساتناما ىستەرى جونىندە، اتاپ ايتقاندا، ورتالىق دەڭگەيىندە بەلگىلەنگەن كاسىپورىندار تيجاراتىنا ساياتىن رۇقساتناما ىستەرى جونىندە، حابارلاندىرۋ – ۋادە الۋ ءتۇزىمىن اتقارۋ كولەمىن مەملەكەتتىك كەڭەستىڭ تەكسەرۋ - تۇزەتۋ كەڭسەسى مەملەكەتتىك كەڭەستىڭ قاتىستى تاراۋلارىمەن بىرلەسە وتىرىپ، زەرتتەۋ ارقىلى پىكىر بەرىپ، مەملەكەتتىك كەڭەسكە جولداپ بەكىتتىرەدى؛ جەرگىلىكتى ورىن سيپاتىندىق بەلگىلەمەلەردە، جەرگىلىكتى ورىن ۇكىمەتتەرىنىڭ بەلگىلەمە – ەرەجەلەرىندە بەكىتىلگەن، كاسىپورىندار تيجاراتىنا ساياتىن رۇقساتناما ىستەرى جونىندە، اتاپ ايتقاندا، جەرگىلىكتى ورىن دەڭگەيىندەگى ىستەرگە، ونىڭ كولەمىن ولكە دارەجەلى نەمەسە رايونعا بولىنگەن قالا دارەجەلى حالىق ۇكىمەتتەرىندەگى تەكسەرۋ – وزگەرتۋ كەڭسەلەرى قاتىستى تاراۋلارمەن بىرلەسە وتىرىپ، زەرتتەۋ جۇرگىزىپ، پىكىر ورتاعا قويىپ، سول دارەجەدەگى حالىق ۇكىمەتىنە جولداپ بەكىتتىرەدى.
ەكىنشىدەن، «مەملەكەتتىك كەڭەستىڭ ەركىن ساۋدا سىناق رايونىندا ‹تيجارات كۋالىگى مەن تيجارات رۇقساتناماسىن ايىرۋ› رەفورماسىنا تولىق قامتىلاتىن سىناق تۇيىندەرى جونىندەگى ۇقتىرۋىنداعى» بەلگىلەمەلەرگە ساي، زاڭ، اكىمشىلىك ەرەجە جانە مەملەكەتتىك كەڭەستىڭ قاۋلىسى رۇقسات ەتكەن كولەمدە، ءارقايسى ولكە دارەجەلى حالىق ۇكىمەتتەرى ەركىن ساۋدا سىناق رايوندارىنان سىرت، باسقا شارت – جاعدايى پىسىپ – جەتىلگەن جەرلەردە «تيجارات كۋالىگى مەن تيجارات رۇقساتناماسىن ايىرۋ» رەفورماسىنا تولىق قامتىلاتىن سىناق تۇيىندەرىن ورىستەتۋدى بەلگىلەۋىنە بولادى، كاسىپورىنداردىڭ تيجاراتىنا قاتىستى رۇقساتناما ىستەرى جاعىندا دا اناعۇرلىم پارمەندى رەفورما شارالارىن اتقارۋدى ماقۇلداۋىنا بولادى.
جەتەكشى پىكىردە مىنالار دا باسا دارىپتەلگەن: ءارقايسى جەرلەر ٴوز جەرىنىڭ اكىمشىلىك ىستەر ينفورماتسياسىن ورتاق پايدالانۋ قىزمەتىن تىڭعىلىقتى ىلگەرىلەتۋى، مەملەكەتتىك ءبىر تۇلعالاندىرىلعان اكىمشىلىك ىستەر قىزمەت وتەۋ تەكشەسى قاتارلىلارعا سۇيەنە وتىرىپ، ءوڭىر اتتاعان، تاراۋ اتتاعان، دارەجە اتتاعان ساندى دەرەكتەردى ورتاق پايدالانۋدى جانە قىزمەتتى سايكەستىرۋدى ورىنداپ، ينتەرنەتتەگى تەكسەرۋگە تىرەك بولاتىن جۇيەنى قۇرىپ شىعۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
