ءدارى – دارمەكتەردى ينتەرنەت ارقىلى ساۋدالاۋ جونىندەگى جاڭا بەلگىلەمەگە اشىق پىكىر الىندى—
ەلەكتروندىق رەتسەپتەردىڭ كەلۋ قاينارىنىڭ سەنىمدى بولۋىنا كەپىلدىك ەتۋ كەرەك
2020.11.30 15:09 كەلۋ قاينارى : حالىق تورابى
حالىق گازەتىنىڭ ءتىلشىسى شىن شاۋتيەنىڭ 11 – ايدىڭ 29 – كۇنى بەيجيڭنەن بەرگەن حابارى. ءدارى – دارمەكتەردى ينتەرنەت ارقىلى ساۋدالاۋدى باقىلاۋ – باسقارۋدى كۇشەيتۋ، ينتەرنەت ارقىلى ءدارى – دارمەكتەردى ساتۋ ارەكەتىن جونگە سالۋ، جۇرتشىلىقتىڭ ءدارى – دارمەكتەن پايدالانۋ حاۋىپسىزدىگىنە كەپىلدىك ەتۋ ءۇشىن، مەملەكەتتىك ءدارى – دارمەكتەردى باقىلاۋ مەكەمەسى جۋىردا «ءدارى – دارمەكتەردى ينتەرنەت ارقىلى ساۋدالاۋدى باقىلاۋ – باسقارۋ ءادىسناماسىن (پىكىر الىناتىن نۇسقا)» جاريالاپ، قوعامنان اشىق پىكىر قابىلدادى.
اشىق پىكىر قابىلداۋ جوباسىندا مىنالار ايقىن كورسەتىلدى: ءدارى – دارمەكتەردى ينتەرنەت ارقىلى ساۋدالايتىندار ءدارى – دارمەكتەردى بازارعا سالۋ رۇقساتناماسىنا يە تۇلعا (تومەندە رۇقساتناماعا يە تۇلعالار دەپ قىسقارتىلىپ اتالادى) نەمەسە ءدارى – دارمەكتەردى تيجارات ەتۋ كاسىپورنى بولۋى كەرەك. جۇڭگوشا تۋرامالى ءدارى وندىرەتىن كاسىپورىندار ءوزى وندىرگەن جۇڭگوشا تۋرامالى ءدارىنى ساۋدالاماق بولسا، وسى ءادىسناماداعى بەلگىلەمەلەر بويىنشا، رۇقساتناماعا يە تۇلعاعا قاتىستى بورىشتارىن وتەۋى كەرەك.
ءدارى – دارمەكتەردى ينتەرنەت ارقىلى ساۋدالاۋ ىستەرى كاسىپورىننىڭ تيجارات ءتاسىلى مەن ءدارى – دارمەكتەردى تيجارات ەتۋ كولەمىنەن اسىپ كەتپەۋى كەرەك. ءدارى – دارمەكتەردى ينتەرنەت ارقىلى ساۋدالاۋشى رۇقساتناماعا يە تۇلعا بولسا، تەك ءوزى ساۋدالاۋىنا بولاتىن بەكىتپە نومىرىنە يە بولعان ءدارى – دارمەكتى عانا ساۋدالاي الادى. ءدارى – دارمەكتى بولشەك ساتۋ تولىمدىلىعىنا يە بولماعان بولسا، جەكەلەرگە ءدارى – دارمەك ساتۋىنا بولمايدى. ۆاكسينا، قاننان جاسالعان ونىمدەر، ناركوزدىك ءدارى – دارمەكتەر، نەرۆتىك ءدارى – دارمەكتەر، مەديتسينادا قولدانىلاتىن ۋلى ءدارى – دارمەكتەر، راديواكتيۆتىك ءدارى – دارمەكتەر، ءدارى – دارمەك تەكتەس وڭاي جاسالاتىن ۋلى حيميالىق زاتتار قاتارلى مەملەكەت ەرەكشە باسقارۋ جۇرگىزەتىن ءدارى – دارمەكتەردى ينتەرنەت ارقىلى ساۋدالاۋعا بولمايدى. ءدارى – دارمەكتەردى بولشەك ساۋشى كاسىپورىندار ينتەرنەت ارقىلى ءدارى – دارمەك ساۋدالاعاندا، ءدارى ساتىپ العاندارعا قوسىمشا ءدارى تارتۋ ەتۋ، تاۋار ساتىپ العاندارعا قوسىمشا ءدارى تارتۋ ەتۋ قاتارلى تاسىلدەر ارقىلى جۇرتشىلىققا رەتسەپتىك دارىلەردى جانە A تۇردەگى رەتسەپتىك دارىلەرگە جاتپايتىن دارىلەردى تارتۋ ەتۋىنە بولمايدى. ءدارى – دارمەكتەردى بولشەك ساتۋ كاسىپورىندارى ينتەرنەت ارقىلى رەتسەپتىك ءدارى – دارمەكتەردى ساۋدالاسا، ەلەكتروندىق رەتسەپتىڭ كەلۋ قاينارىنىڭ شىن، سەنىمدى بولۋىنا كەپىلدىك ەتۋى، ءارى قاتىستى تالاپتارعا ساي رەتسەپكە تەڭشەۋ جۇرگىزۋ جاعدايىن تەكسەرتۋى، قولدانىلعان رەتسەپكە ەلەكتروندىق بەلگى سالۋى كەرەك.
ءدارى – دارمەكتەردى بولشەك ساتۋشى كاسىپورىندار ءدارى – دارمەكتەردى ينتەرنەت ارقىلى ساتۋ حاۋىپسىزدىگىن باسقارۋ ءتۇزىمىن ورناتىپ، ءدارى – دارمەكتەردى ساتۋدىڭ جالپى بارىسىن ىزدەپ - تابۋعا بولاتىن، تەكسەرۋگە بولاتىن جاعدايدى ورىنداۋى، ءدارى – دارمەكتەردىڭ ساپاسى مەن حاۋىپسىزدىگىنە كەپىلدىك ەتەتىن جەتكىزۋ جاعىنداعى باسقارۋ ءتۇزىمى قاتارلىلاردى ورناتۋى جانە اتقارۋى كەرەك. ەگەر جەكە ادامدارعا ءدارى – دارمەك ساتىپ بەرەتىن بولسا، ينتەرنەتتەگى ءدارى – دارمەك عىلىمى بويىنشا قىزمەت وتەۋ ءتۇزىمىن ورناتۋى، كاسىپتىك ءدارى – دارمەك مامانىن ورنالاستىرىپ، ءدارى – دارمەكتى ۇيلەسىمدى قولدانۋعا جەتەكشىلىك ەتۋى؛ كاسىپتىك ءدارى – دارمەك ماماندارىنىڭ سانى تيجارات كولەمىمەن سايكەس كەلۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
