شينجياڭ ۇيعۇر اۆتونوميالى رايوندىق ۇكىمەت پارتگرۋپپاسىنىڭ بۇرىنعى مۇشەسى، بۇرىنعى ورىنباسار ءتوراعاسى رىن حۋا تارتىپكە، زاڭعا اۋىر دارەجەدە قايشىلىق جاساعاندىقتان، پارتيادان شىعارىلىپ، مىندەتىنەن قالدىرىلدى
2020.12.01 14:46 كەلۋ قاينارى : حالىق تورابى
حالىق گازەتىنىڭ ءتىلشىسى جاڭ ياڭ 11 – ايدىڭ 30 – كۇنى بەيجيڭنەن حابارلايدى. ج ك پ ورتالىق كوميتەتىنىڭ بەكىتۋىمەن، ورتالىق كوميتەت ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى شينجياڭ ۇيعۇر اۆتونوميالى رايوندىق ۇكىمەت پارتگرۋپپاسىنىڭ بۇرىنعى مۇشەسى، بۇرىنعى ورىنباسار ءتوراعاسى رىن حۋانىڭ تارتىپكە، زاڭعا اۋىر دارەجەدە قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋگە قاراعاندا، رىن حۋا مۇرات – سەنىمىنەن جۇرداي بولىپ، اۋەلگى ماقساتى مەن بورىشىنان باز كەشىپ، پارتياعا ادال بولماعان، ۇيىمنىڭ تەكسەرۋىنە بارىنشا قارسىلىق كورسەتكەن، سوقىر سەنىم قيمىلىمەن بارىنشا شۇعىلدانعان؛ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساپ، ۇكىمەت قىزمەتىن ادىلدىكپەن اتقارۋىنا ىقپال جەتكىزۋى مۇمكىن بولعان قوناعاسى جانە زات ساتىپ الۋ، جوعارى دارەجەلى اجارلاندىرۋ قاتارلى ىسىراپشىلدىققا ساياتىن ورنالاستىرۋلاردى قابىلداعان، بەلگىلەمەگە قايشى تۇردە جەكەلىك ساۋىقحانالارعا بارعان، بەلگىلەمەگە قايشى تۇردە زاتتاي، اقشالاي تارتۋ العان؛ بەلگىلەمە بويىنشا جەكەلىك قاتىستى ىستەرىن مالىمدەمەگەن، بەلگىلەمەگە قايشى تۇردە وزدىگىنەن قۇرىلعان مەكتەپتەستەر قوعامىنا قاتىناسقان؛ بەلگىلەمەگە قايشى تۇردە قارىز تاراتقان ءارى جوعارى سومادا قارىمجى العان، باسقارۋ جانە قىزمەت وتەۋ وبيەكتىلەرىنەن قىرۋار مولشەردە اقشا الىپ، پايدانىڭ سوڭىنا تۇسكەن؛ الەۋمەتتىك ۇقىقتى جەكە باسىنىڭ پايداسىن كوزدەيتىن قۇرال ەتىپ، قىزمەتتەگى قولايلىلىعىنان پايدالانىپ، كاسىپورىن تيجاراتى، ينجەنەريانى كوتەرمەگە الۋ، سونداي – اق، جەردى پايدالانۋ، بەرۋ قاتارلى جاقتاردا وزگەلەردىڭ مۇددەسىن كۇيتتەگەن ءارى زاڭسىز تۇردە قوماقتى سومادا مال – مۇلىك قابىلداعان.
رىن حۋا پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە قىزمەت تارتىبىنە اۋىر دارەجەدە قايشىلىق جاساپ، قىزمەت جاعىندا زاڭعا اۋىر قايشىلىق جاساعان ءارى پارا الۋ قىلمىسى كۇمانىن قالىپتاستىرعان، ونىڭ ۇستىنە، پارتيا 18 – قۇرىلتايىنان كەيىن دە تيىلماعان، سيپاتى ناشار، قىلمىسى اۋىر، قاتاڭ ءبىرجاقتىلى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرى اكىمشىلىك جازا زاڭى» قاتارلىلارداعى قاتىستى بەلگىلەمەلەرگە ساي، ورتالىق كوميتەت ءتارتىپ تەكسەرۋ كوميتەتى تۇراقتى كوميتەتى ءماجىلىسى زەرتتەۋ جانە ج ك پ ورتالىق كوميتەتىنە جولداپ بەكىتتىرۋ ارقىلى، رىن حۋاعا پارتيادان شىعارۋ جازاسىن بەرۋدى ماقۇلدادى؛ مەملەكەتتىك باقىلاۋ كوميتەتى وعان ۇكىمەت قىزمەتىنەن قالدىرۋ جازاسىن بەردى؛ ونىڭ شينجياڭ ۇيعۇر اۆتونوميالى رايوندىق 9 – كەزەكتى پارتيا ۋاكىلدەر قۇرىلتايىنىڭ ۋاكىلى تولىمدىلىعىن توقتاتتى؛ ونىڭ تارتىپكە، زاڭعا قايشى قول جەتكىزگەن تابىستارىن وتكىزىپ الدى؛ ونىڭ قىلمىس كۇمانى ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ، ايىپتاۋ كوتەرۋىنە جوتكەپ بەرەدى، دەلوعا ساياتىن مال – مۇلىك دەلومەن بىرگە جوتكەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
