جالعان جارناما جاساۋ، ساۋدالاسۋعا شىرعالاۋ قاتارلى ماسەلەلەر شۇعىل شەشۋدى قاجەت ەتەدى
تىكە تاراتۋ ارقىلى زات ساتۋ ورتاسىن پاكتەندىرۋ كەرەك
حالىق گازەتىنىڭ ءتىلشىسى چي جىميڭ
2020.12.02 15:52 كەلۋ قاينارى : حالىق تورابى
جۇرگىزۋشىلەر جارشى بولۋ، تيىمدىلىكپەن وتىمدىلەندىرۋ، شەكتى ۋاقىت ىشىندە «تالاستىرا ساتۋ» ... قازىر، ءتۇرلى تىكە تاراتۋ ارقىلى زات ساتۋ قيمىلدارى جۇرتتىڭ تۇتىنۋ ىنتاسىن قوزعاۋدا، الايدا، ءبىرسىپىرا ماسەلە دە ساقتالىپ وتىر. جۋىردا، جۇڭگو تۇتىنۋشىلار قوعامى ينتەرنەتتەگى تىكە تاراتۋ ارقىلى زات ساتۋ بارىسىندا تۇتىنۋشىلاردىڭ ۇقىق – مۇددەسىنە زيان جەتكىزۋ دەلولارى جونىندەگى تالداۋدى جاريالاپ، جالعان جارناما جاساۋ، زاتتى قايتارۋ نەمەسە اۋىستىرىپ بەرۋ قيىن بولۋ، ساۋدالاسۋعا شىرعالاۋ قاتارلى جەتى ءتۇرلى ماسەلەنى جيناقتاپ شىعىپ، قاتىستى تاراۋلارعا تىكە تاراتۋ ارقىلى زات ساتۋ ورتاسىن ۇزدىكسىز پاكتەندىرىپ، تۇتىنۋشىلاردىڭ زاڭدى ۇقىق – مۇددەسىن قورعاۋ جونىندە ۇسىنىس بەرگەن.
جۇڭگو تۇتىنۋشىلار قوعامى مىنانى بىلدىرگەن: جالعان جارناما جاساۋ دەگەنىمىز ساۋدالىق قيمىل بارىسىندا ساۋداگەرلەردىڭ جارناما جانە باسقا دا تاسىلدەر ارقىلى تاۋارعا نەمەسە قىزمەت وتەۋگە قاتىستى ءىس جۇزىندىك جاعدايمەن ۇيلەسپەيتىن جالعان ينفورماتسيالاردى تاراتىپ، تۇتىنۋشىلاردى اعات تۇسىنىككە جەتەلەۋ ارەكەتىن مەڭزەيدى. ينتەرنەتتە تىكە تاراتۋ ارقىلى زات ساتۋ بارىسىندا جالعان جارنامالاۋ ارەكەتى نەگىزىنەن ەكى ءتۇرلى بولادى: ءبىرىنشى، سۋرەت پەن مازمۇن ساي كەلمەۋ، جارنامالاعان زات پەن ءىس جۇزىندەگى زات بىردەي شىقپاۋ؛ ەكىنشىدەن، اسىرەلەي جارنامالاۋ،ءونىمنىڭ پايداسىن مۇلدە نەگىزسىز اسىرەلەۋ. جۇڭگو تۇتىنۋشىلار قوعامى 3 – ايدا جاريالاعان «تىكە تاراتۋشى ەلەكتروندىق ساۋدا تەكشەلەرىنەن زات ساتىپ العان تۇتىنۋشىلاردىڭ ريزالىق دەڭگەيىن ينتەرنەت ارقىلى تەكسەرۋ بايانداماسىنا» قاراعاندا، تۇتىنۋشىلاردىڭ تىكە تاراتۋ ارقىلى زات ساتىپ الۋدى جارنامالاۋ تۇيىنىنە بولعان ريزالىق دەڭگەيى ەڭ تومەن بولىپ، تەك 64.7 ءنومىر بولعان.
جۋىردا، جيلين ولكەسى چاڭچۇن قالاسىندا ءبىر تۇتىنۋشى تىكە تاراتۋ تەكشەسى ارقىلى 1000 يۋان باعامەن ەكى بىلعارى كيىم ساتىپ العان، زاتتى ساتىپ العان سوڭ، بىلعارى كيىمنىڭ تىكە تاراتىلىمدا كورسەتىلگەن زاتپەن مۇلدە ۇقسامايتىنىن كورگەن. تۇتىنۋشى زاتتى قايتاراتىنىن ايتىپ، اقشاسىن قايتارىپ بەرۋدى ءوتىنىش ەتكەندە، تىكە تاراتىلىمدى جۇرگىزۋشى قوسىلماعانىمەن قويماي، تۇتىنۋشىنى قارا تىزىمدىككە قوسقان. جەرگىلىكتى ورىنداعى تۇتىنۋشىلار بىرلەستىگى ساۋداگەرمەن حابارلاسقان، ساۋداگەر بۇل ءونىمدى ءوزىنىڭ ساتقانىن سوندا دا مويىنداماي قويعان. جۇڭگو تۇتىنۋشىلار قوعامى مىنانى ءبىلدىردى: تۇتىنۋشىلاردىڭ ۇقىق – مۇددەسىن قورعاۋ زاڭىنىڭ 25 – تارماعىندا مىناداي بەلگىلەنگەن: تىكە تاراتۋ ارقىلى زات ساتۋ جاڭا تيپتى ينتەرنەت ارقىلى زات ساتۋ ءتاسىلى، وسى بارىستا زاتتى جەتى كۇن ىشىندە سەبەپسىز قايتارۋ نەمەسە اۋىستىرىپ بەرۋ قىزمەتىن وتەۋ كەرەك. ءىس جۇزىندە، ءىشىنارا ينتەرنەتتىك تىكە تاراتۋمەن شۇعىلداناتىن ەلەكتروندىق ساۋدا تەكشەلەرى ءتۇرلى سەبەپتەردى كولدەنەڭ تارتىپ، اتالعان بەلگىلەمەگە بويسۇنبايدى، زاتتى قايتارۋدى شەكتەۋ، زاتتى قايتارۋعا قوسىلماۋ قاتارلى ماسەلەلەر سەبەبىنەن تۇتىنۋشىلارمەن بولعان داۋ – شار ۇنەمى تۋىلىپ، تۇتىنۋشىلاردىڭ ۇقىق – مۇددەسىنە زيان جەتكىزەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
