ەڭ جوعارى حالىق پروكۋراتۋراسى: ازامات جاسىنا تولماعاندار، ديقان جۇمىسكەرلەر سياقتى قاۋىمنىڭ ارىز - شاعىم ۇقىعىن قورعاۋىن قولداۋ تەبىنى ارتتىرىلادى
2020.12.09 16:02 كەلۋ قاينارى : حالىق تورابى
شينحۋا اگەنتتىگىنىڭ 12 – ايدىڭ 7 – كۇنى بەيجيڭنەن بەرگەن حابارى. ەڭ جوعارى حالىق پروكۋراتۋراسىنىڭ جاۋاپتىسى 12 – ايدىڭ 7 - كۇنى پروكۋراتۋرا ورگاندارىنىڭ ازاماتتىق ىستەر زاڭناماسىن دايەكتى اتقارۋ قىزمەتى جونىندەگى مەملەكەتتىك ماجىلىستە بىلاي دەدى: ازامات جاسىنا تولماعاندار، ديقان جۇمىسكەرلەر، كەدەي بۇقارا قاتارلى ازاماتتىق ىستەر سۋبيەكتتەرى ارىز - شاعىم بەرۋ ارقىلى وزدەرىنىڭ زاڭدى ۇقىق - مۇددەسىن قورعاۋى كەرەك، ايىپتاۋدى قولداۋ تەبىنىن ارتتىرىپ، ءادىليا تەمپەراتۋراسىن ايگىلەۋ كەرەك.
كەلەر جىلى 1 - ايدىڭ 1 - كۇنى اتقارىلاتىن ازاماتتىق زاڭناما «ازامات جاسىنا تولماعاندارعا ەڭ ءتيىمدى پرينسيپتى» باستان - اياق ساباقتاستىردى، كوپتەگەن تارماقتار ازامات جاسىنا تولماعانداردىڭ ۇقىق - مۇددەسىن قورعاۋعا سايادى. پروكۋراتۋرا ورگاندارى ازاماتتىق ىستەر زاڭناماسىنىڭ ازامات جاسىنا تولماعانداردى قورعاۋ جونىندەگى جاڭا تالابىن تياناقتاندىرىپ، ازامات جاسىنا تولماعانداردى تەكسەرۋ قىزمەتىندە جاڭالىق جاراتادى.
جاڭادان وزگەرىس ەنگىزىلگەن ازامات جاسىنا تولماعانداردى قورعاۋ زاڭى كەلەر جىلى 6 – ايدىڭ 1 - كۇنىنەن باستاپ اتقارىلادى. ەڭ جوعارى حالىق پروكۋراتۋراسىنىڭ جاۋاپتىسى بىلاي دەپ اتاپ كورسەتتى: ازاماتتىق ىستەر زاڭناماسىندا، ازامات جاسىنا تولماعانداردى قورعاۋ زاڭىندا ازامات جاسىنا تولماعانداردىڭ ۇقىق - مۇددەسىنە قول سۇعىلعاندا ءادىليالىق كومەك بەرۋ جونىندە ناقتى بەلگىلەمەلەر جاسالدى. پروكۋراتۋرا ورگاندارى مىندەتىن بەلسەنە، ۇتىمدى اتقارۋى، اسىرەسە، جىنىستىق زيانكەستىككە ۇشىراعان ازامات جاسىنا تولماعانداردىڭ زاڭ بويىنشا زياندى تولەۋدى تالاپ ەتۋ ۇقىعىن جۇرگىزۋىن قولداۋى كەرەك. پروكۋراتۋرا ورگاندارى پروكۋراتۋرالىق ۇسىنىس بەرۋ، الەۋمەتتىك يگىلىك ارىز - شاعىمى سياقتى تاسىلدەر ارقىلى زاڭدىق باقىلاۋدى بەلسەنە ورىستەتىپ، توراپ، قولفوننىڭ قولدانۋ جۇيەسىنەن پايدالانىپ، ازامات جاسىنا تولماعانداردىڭ جەكە ينفورماتسياسىن زاڭسىز جيناۋ، پايدالانۋ ماسەلەسىن جونگە سالۋدى ىلگەرىلەتۋ كەرەك.
ازاماتتىق ىستەر زاڭناماسىندا «باقىلاۋشى - قورعاۋشى» دەگەن تاراۋشا ارناۋلى جازىلىپ، وزگەرىس ەنگىزىلگەننەن كەيىنگى ازامات جاسىنا تولماعانداردى قورعاۋ زاڭىندا دا وتباسىلىق قامقورشى بولۋ مىندەتى، مەملەكەتتىڭ قامقورلىق جاساۋ ءتۇزىمى ايقىندالدى. ەڭ جوعارى حالىق پروكۋراتۋراسى مىنانى تالاپ ەتتى: ءار دارەجەلى پروكۋراتۋرا ورگاندارى پروكۋراتۋرا دەلولارىن باسقارۋدى تياناق ەتىپ، پروكۋراتۋرالىق ۇسىنىس بەرۋ، قىزمەتتى سايكەستىرۋ مەحانيزمى ارقىلى اكىمشىلىك تاراۋلاردىڭ شۇعىل جاعدايلاردا ازامات جاسىنا تولماعانداردىڭ ۋاقىتتىق تۇرمىسىنا قارايلاسۋ، شىنىندا باعىپ – قاعۋشىسى جوق بالالاردى، قيىنشىلىق قىسپاعىندا قالعان بالالاردى ۋاقىتشا باقىلاۋ - قورعاۋ، ۇزاق ۋاقىت باقىلاۋ – قورعاۋ قاتارلى بەلگىلەمەلەردى تياناقتاندىرۋىنا قۋزاستىرۋ جۇرگىزۋى كەرەك.
ەڭ جوعارى حالىق پروكۋراتۋراسىنىڭ جاۋاپتىسى تانىستىرىپ بىلاي دەدى: وزگەرىس ەنگىزىلگەننەن كەيىنگى ازامات جاسىنا تولماعانداردى قورعاۋ زاڭى «زورلىقپەن مالىمدەۋ»، «قىزمەتكە قاتىناسۋدا تەكسەرۋگە» قاتىستى مەحانيزمدەردى، سونداي - اق ازامات جاسىنا تولماعانداردى قارا قوعام سيپاتىندىق ۇيىمدارعا قاتىناسۋعا نەمەسە زاڭعا قايشى قىلمىستىق ارەكەتتەرمەن شۇعىلدانۋعا زورلاۋعا، شىرعالاۋعا، جەلىكتىرۋگە تيىم سالۋدى زاڭ شىعارۋ فورماسىمەن تۇراقتاندىردى، ءارى پروكۋراتۋرا ورگاندارىنا ازامات جاسىنا تولماعانداردى قورعاۋعا اناعۇرلىم اۋىر جاۋاپكەرشىلىك جانە اناعۇرلىم جوعارى تالاپ قويدى. پروكۋراتۋرا ورگاندارى ازاماتتىق ىستەر زاڭناماسىن دايەكتى اتقارۋ مەن ازامات جاسىنا تولماعانداردى قورعاۋ زاڭىن ورگانيكالى ۇشتاستىرىپ، «1 - ءنومىرلى پروكۋراتۋرالىق ۇسىنىستى» ۇزدىكسىز تياناقتاندىرۋمەن تىعىز ۇشتاستىرىپ، ازامات جاسىنا تولماعانداردى قورعاۋدى، جان ـ جاقتىلى جونگە سالۋدى اناعۇرلىم ويداعىداي جەبەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
