ەكى مينيسترلىك – كوميتەت
الەۋمەتتىك اۋماقتا توپتىق ساتىپ الۋدا تومەن باعادا تىقپالاپ ساتۋ ساقتالىپ وتىر، «توعىز ءتۇرلى تيىمعا» قاتاڭ بويسۇنۋ كەرەك
2020.12.23 16:27 كەلۋ قاينارى : حالىق تورابى
حالىق گازەتىنىڭ ءتىلشىسى لين ليلي 12 – ايدىڭ 22 – كۇنى بەيجيڭنەن حابارلايدى. 12 – ايدىڭ 22 – كۇنى تۇستەن كەيىن، بازاردى باقىلاۋ – باسقارۋ باس مەكەمەسى ساۋدا مينيسترلىگىمەن بىرلەسە وتىرىپ، الەۋمەتتىك اۋماقتاعى توپتىق ساتىپ الۋ ءتارتىبىن ارناعا ءتۇسىرۋ جونىندەگى اكىمشىلىك جاقتان جەتەكشىلىك ەتۋ ءماجىلىسىن اشتى، اليبابا، تىڭشۇن، جيڭدۇڭ، مەيتۋان، پيندودو، ديدي قاتارلى ينتەرنەت تەكشەسىن جۇرگىزەتىن 6 سەرىكتەستىك ماجىلىسكە قاتىناستى. ءماجىلىس ورتالىقتىڭ ەكونوميكالىق قىزمەت ءماجىلىسىنىڭ رۋحىن مۇقيات ۇيرەنىپ، دايەكتىلەندىردى، پارتيا ورتالىق كوميتەتى مەن مەملەكەتتىك كەڭەستىڭ ينتەرنەت تەكشەلەرىندەگى ەكونوميكانىڭ اقاۋسىز دامۋىن ىلگەرىلەتۋ جونىندەگى ءبىرقىدىرۋ شەشىمدەرى مەن ورنالاستىرۋلارىن تياناقتاندىردى، الەۋمەتتىك اۋماقتارداعى توپتىق ساتىپ الۋ جاعىنداعى باعا ارەكەتى مەن ۇيلەسىمسىز باسەكە ارەكەتىن باقىلاۋ – باسقارۋدى زاڭ بويىنشا كۇشەيتىپ، الەۋمەتتىك اۋماقتارداعى توپتىق ساتىپ الۋ بازارىنىڭ ءتارتىبىن ارناعا ءتۇسىرىپ، ءادىل باسەكەلىك بازار ورتاسىن قورعاپ، حالىق تۇرمىسىن ءونىمدى قامتاماسىزداندىرۋعا جانە جاقسارتۋعا كەپىلدىك ەتتى.
ءماجىلىس ينتەرنەت تەكشەلەرىنىڭ ەكونوميكانىڭ دامۋىنداعى بەلسەندى ءمانى مەن كەلەلى رولىن تولىق تۇراقتاندىردى، قازىرگى تاڭدا الەۋمەتتىك اۋماقتارداعى توپتىق ساتىپ الۋ جاعىندا ساقتالىپ وتىرعان تومەن باعادا تىقپالاسپ ساتۋ، سونداي – اق، وسىنىڭ سەبەبىنەن تۋىنداعان كاسىپتەنۋ ءورىسىن تارايتۋ قاتارلى كورنەكتى ماسەلەلەردى قاتاڭ اتاپ كورسەتتى، ينتەرنەتتەگى تەكشەلىك كاسىپورىنداردىڭ حالىقتى وزەك ەتۋ سىندى دامۋ تانىمىن شىنايى تۇردە امالياتتا ايگىلەپ، اناعۇرلىم زور قوعامدىق جاۋاپكەرشىلىكتى ىرىقتىلىقپەن ارقالاپ، ەكونوميكانى دامىتۋدىڭ جاڭا قوزعاۋشى كۇشىن ارتتىرۋ جانە وسى جاعىندا جاڭالىق اشۋ، عىلىم – تەحنيكادا جاڭالىق اشۋدى ىلگەرىلەتۋ، الەۋمەتتىك مۇددەنى قورعاۋ، حالىق تۇرمىسىن قامتاماسىزداندىرۋ جانە جاقسارتۋ قاتارلى جاقتاردا اناعۇرلىم زور جۇمىستار ىستەپ، اناعۇرلىم زور مىندەت ارقالاۋىن ءۇمىت ەتتى.
ماجىلىستە مىنالار باسا دارىپتەلدى: ينتەرنەت تەكشەسىندىك كاسىپورىندار الەۋمەتتىك اۋماقتارداعى توپتىق ساتىپ الۋ سىندى تيجاراتتىق ارەكەتتى قاتاڭ ارناعا ءتۇسىرىپ، «توعىز ءتۇرلى تيىمعا» قاتاڭ بويسۇنۋى كەرەك: ءبىرىنشى، تومەن باعادا تىقپالاپ ساتۋ، باعا جاعىندا استاسۋ، باعانى قىمباتتاتۋ، باعا جاعىندا الدامكوستىك ىستەۋ قاتارلى تاسىلدەرمەن دەربەس باعا قويۋ ۇقىعىن الباتى پايدالانۋعا بولمايدى. زاڭ بويىنشا باعاسىن تومەندەتىپ ءبىرجاقتىلى ەتەتىن شيكى، ءتىرى تاۋارلار، ماۋسىمدىق تاۋارلار، باسىلىپ قالعان تاۋارلار قاتارلى تاۋارلاردان سىرت، باسەكەلىك قارسىلاسىن قاقپايلاۋ نەمەسە بازاردى دارا يەلەنۋ ماقساتىندا، تاۋاردى وزىندىك قۇنىنان تومەن باعادا تىقپالاپ ساتۋعا بولمايدى. ەكىنشى، زاڭعا قايشى تۇردە تۇراقتى باعا قويۋ، تاۋاردى ءوندىرۋ جانە ساتۋ مولشەرىن شەكتەۋ، بازاردى بولىسكە سالۋ قاتارلى ءارقانداي فورماداعى مونوپوليالىق كەلىسىمشارتتاردى ماقۇلداۋعا، اتقارۋعا بولمايدى.
ءۇشىنشى، ۇيلەسىمدى سەبەبى بولماعان تالان - تاراجىلىق سيپاتىنداعى باعا بەكىتۋ، ساۋدالاسۋدان باس تارتۋ، قوساقتاي ساتۋ قاتارلى بازاردىڭ بولىسكە سالۋ بەدەلىن الباتى پايدالانۋ ارەكەتتەرىن اتقارۋعا بولمايدى. ءتورتىنشى، زاڭعا قايشى تۇردە تيجاراتشىلاردى شوعىرلاندىرۋ، باسەكەنى جويۋ، شەكتەۋ شارالارىن اتقارۋعا بولمايدى. تيجاراتشىلاردى شوعىرلاندىرۋ مەملەكەتتىك كەڭەستىڭ بەلگىلەگەن ءوتىنىش بەرۋ ولشەمىنە جەتكەن بولسا، الدىن الا ءوتىنىش بەرۋ كەرەك، ءوتىنىش بەرمەگەن بولسا، شوعىرلاندىرۋ شاراسىن اتقارۋعا مۇلدە بولمايدى. بەسىنشى، ساۋدالىق الجاستىرۋ، جالعان ۇگىت جاساۋ، ساۋدالىق جالا جابۋ قاتارلى ۇيلەسىمسىز باسەكەلىك ارەكەتتەردى اتقارىپ، ءادىل - تەڭ باسەكەلىك بازار ورتاسىن بۇلدىرۋگە بولمايدى. جالعان ينفورماتسيالاردى جاساۋ، تاراتۋ نەمەسە ادامعا جاڭساق تۇسىنىك بەرەتىن ساۋدالىق ۇگىت جۇرگىزۋ ارقىلى باسەكەلىك قارسىلاستارىنىڭ ساۋدالىق ابىرويىنا، تاۋار داڭقىنا زيان جەتكىزۋگە، تۇتىنۋشىلاردى الداۋعا، الجاستىرۋعا قاتاڭ تيىم سالىنادى.
التىنشى، ساندى دەرەك باسىمدىلىعىنان پايدالانىپ «تانىستارعا زيان سالۋعا»، تۇتىنۋشىلاردىڭ زاڭدى ۇقىق – مۇددەسىنە زيان جەتكىزۋگە بولمايدى. جەتىنشى، تەحنيكالىق تاسىلدەردەن پايدالانىپ، باسەكە ءتارتىبىن بۇلدىرۋگە، باسقا بازار نەگىزگى تۇلعالارىنىڭ قالىپتى تيجاراتىنا كەدەرگى بولۋعا بولمايدى. قىزمەت وتەۋ كەلىسىمشارتىنان، ساۋدالاسۋ قاعيدالارىنان، سونداي – اق، تەحنيكالىق تاسىلدەردەن پايدالانىپ، تەكشەدەگى تيجاراتشىلاردىڭ تەكشەدەگى ساۋدالاسۋ ىستەرى، ساۋدا باعاسى، سونداي – اق، باسقا تيجاراتشىلاردىڭ ساۋدالاسۋ ىستەرى قاتارلىلارعا ۇيلەسىمسىز شەكتەمە قويۋعا نەمەسە قوسىمشا ۇيلەسىمسىز شارت قويۋعا، ياكي، تەكشەدەگى تيجاراتشىلاردان ۇيلەسىمسىز قاراجات الۋعا بولمايدى. سەگىزىنشى، زاڭعا قايشى تۇردە تۇتىنۋشىلاردىڭ جەكەلىك ينفورماتسيالارىن جيناپ، پايدالانىپ، تۇتىنۋشىلاردىڭ حاۋىپسىزدىگىنە كومەسكى قاتەر توندىرۋگە بولمايدى. توعىزىنشى، جالعان، جارامسىز تاۋار ساتىپ، حاۋىپسىز دە الاڭسىز تۇتىنۋ ورتاسىن بۇلدىرۋگە بولمايدى.
ماجىلىستە مىنالار تالاپ ەتىلدى: جەر – جەردەگى بازاردى باقىلاۋ – باسقارۋ تاراۋلارى قوعام نازار اۋدارىپ وتىرعان ماسەلەلەرگە بەلسەندى اڭىس ءبىلدىرىپ، الەۋمەتتىك اۋماقتاعى توپتىق ساتىپ الۋ بازارىنىڭ اۋانىن زەرتتەپ – تۇجىرىم جاساپ جانە مەڭگەرىپ، تومەن باعادا تىقپالاپ ساتۋ، ۇيلەسىمسىز باسەكەلەسۋ قاتارلى ماسەلەلەرگە باعىتتاي وتىرىپ، باقىلاۋ – باسقارۋ تاسىلىندە جاڭالىق اشىپ، زاڭ اتقارۋ، دەلو ءبىتىرۋ تەبىنىن ارتتىرىپ، الەۋمەتتىك اۋماقتارداعى توپتىق ساتىپ الۋ بازارىنىڭ ءتارتىبىن زاڭ بويىنشا قورعاۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
