ساياتىن قاراجات سوماسى ءبىر ميلليارد 20 ميلليون يۋاننان اسقان
ءپىل ءتىسىن اتكەزشىلىك ەتۋ جاعىنداعى ەرەكشە ءىرى دەلوعا ءبىرىنشى سوت ۇكىمى جاريالاندى
باس قىلمىسكەر مەرزىمسىز قاماق جازاسىنا ۇكىم ەتىلدى
2021.01.06 16:11 كەلۋ قاينارى : حالىق تورابى
حالىق گازەتىنىڭ ءتىلشىسى حى لينپيڭ 1 – ايدىڭ 5 – كۇنى گۋاڭجوۋدان حابارلايدى. جۋىردا گۋاڭجوۋ قالالىق ورتا دارەجەلى حالىق سوتى زاڭ بويىنشا ايىپكەر چىن چىڭزۇڭ قاتارلى 17 ادامنىڭ باعالى حايۋاناتتاردىڭ دەنەسىنەن جاسالعان بۇيىمداردى اتكەزشىلىك ەتۋ جاعىنداعى ەرەكشە ءىرى دەلوعا ءبىرىنشى سوت ۇكىمىن اشىق جاريالاپ، باس قىلمىسكەر چىن چىڭزۇڭدى مەرزىمسىز قاماق جازاسىنا ۇكىم ەتتى. تانىستىرۋعا قاراعاندا، اتالعان دەلوعا ساياتىن ءپىل ءتىسىنىڭ قۇنى ءبىر ميلليارد 20 ميلليون يۋاننان اسادى.
سوت مەكەمەسى تەكسەرۋ ارقىلى بىلاي دەپ قاراعان: چىن چىڭزۇڭ، لين جىيۇڭ، ساي شوۋدۋاندار باس بولعان قىلمىستىق توپ زاڭعا قايشى پايدانى كوزدەپ، مەملەكەتتىڭ زاڭ – ءتۇزىمى مەن كەدەندىك باسقارۋ زاڭ – تۇزىمدەرىنە قايشىلىق جاساپ، كەدەننىڭ باقىلاۋ – تەكسەرۋىنەن قاشىپ، مەملەكەت پەن حالىقارالىق شارتتار بويىنشا يمپورت – ەكسپورت ەتۋگە تيىم سالىناتىن باعالى حايۋاناتتاردىڭ دەنەسىنەن جاسالعان ونىمدەردى اتكەزشىلىكپەن شەكارادان ەنگىزگەن، كىناسى وتە اۋىر بولىپ، باعالى حايۋاناتتاردىڭ دەنەسىنەن جاسالعان ونىمدەردى اتكەزشىلىك ەتۋ قىلمىسىن قالىپتاستىرعان.
سوت مەكەمەسى باعالى حايۋاناتتاردىڭ دەنەسىنەن جاسالعان ونىمدەردى اتكەزشىلىك ەتۋ قىلمىسى، زاڭسىزدىقپەن باعالى، تۇقىمى قۇرۋعا اينالعان جابايى حايۋاناتتاردىڭ دەنەسىنەن جاسالعان ونىمدەردى ساتىپ الۋ، ساتىپ بەرۋ قىلمىسى، مەملەكەت شەكاراسىنان جاسىرىن ءوتۋ قىلمىسى قاتارلى قىلمىستارىن قوسىپ جازالاپ، چىن چىڭزۇڭدى مەرزىمسىز قاماق جازاسىنا ۇكىم ەتىپ، ساياسي ۇقىعىنان ومىرلىك ماحرۇم ەتتى ءارى جەكە باسىنا قاراستى بارلىق مال – مۇلكىن ءمۇسادىرالادى؛ باعالى حايۋاناتتاردىڭ دەنەسىنەن جاسالعان ونىمدەردى اتكەزشىلىك ەتۋ قىلمىسى بويىنشا لين جىيۇڭدى مەرزىمسىز قاماق جازاسىنا ۇكىم ەتىپ، ساياسي ۇقىعىنان ومىرلىك ماحرۇم ەتتى ءارى جەكە باسىنا قاراستى مال – مۇلكىن تۇگەل ءمۇسادىرالادى، ساي شوۋدۋاندى 15 جىلدىق مەرزىمدى قاماق جازاسىنا ۇكىم ەتتى ءارى جەكە باسىنا قاراستى مال – مۇلكىنەن حالىق اقشاسى بويىنشا 5 ميلليون يۋاندى ءمۇسادىرالادى.
باسقا 14 ايىپكەرگە جەكە – جەكە باعالى حايۋاناتتاردىڭ دەنەسىنەن جاسالعان زاتتاردى اتكەزشىلىك ەتۋ قىلمىسى، زاڭسىز تۇردە باعالى، تۇقىمى قۇرۋعا اينالعان حايۋاناتتاردىڭ دەنەسىنەن جاسالعان ونىمدەردى ساتىپ الۋ، ساتىپ بەرۋ قىلمىسى، قىلمىس وتكىزۋ ارقىلى قولعا كەلتىرگەن پايدانى بۇركەمەلەۋ، جاسىرۋ قىلمىسى قاتارلى قىلمىستار بويىنشا جەكە – جەكە 2 جىلدان 10 جىلعا دەيىن ۇقساماعان جازا بەردى، سونىمەن بىرگە، جەكە باسىنا قاراستى مال – مۇلكىن ءمۇسادىرالاۋ جازاسى بويىنشا جەكە – جەكە ءمۇسادىرالاعان اقشالاي ايىپ سوماسى 2 ميلليون 115 مىڭ يۋان بولدى، دەلوعا قاتىستى تەكسەرىپ، ۇستاپ قالعان مال – مۇلىكتەر مەن زاڭسىز ولجالاردى زاڭ بويىنشا ءمۇسادىرالاپ ءبىرجاقتىلى ەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
