قاقاعان سۋىقتا ەڭبەك ىستەۋشىلەردىڭ ۇقىق – مۇددەسىن قالاي قورعاۋ كەرەك؟ مەملەكەت تۇڭعىش رەت ايقىن بەلگىلەمە شىعاردى!
2021.01.20 15:30 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جياڭ لين 1 – ايدىڭ 19 – كۇنى بەيجيڭنەن حابارلايدى. ءتىلشىنىڭ 1 – ايدىڭ 19 – كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، جۋىردا مەملەكەت ادام كۇشى بايلىعى جانە قوعامدىق قامتاماسىزداندىرۋ مينيسترلىگى، جۇڭحۋا بۇكىل مەملەكەتتىك باس جۇمىسشىلار ۇيىمى، جۇڭگو كاسىپكەرلەر بىرلەستىگى \ جۇڭگو كاسىپكەرلەر قوعامى، جۇڭحۋا بۇكىل مەملەكەتتىك ونەركاسىپ – ساۋدا بىرلەستىگى سياقتى ورىنداردى سايكەستىرە وتىرىپ، ۇقتىرۋ باسىپ شىعارىپ، قاقاعان سۋىقتا ەڭبەك ىستەۋشىلەردىڭ ۇقىق – مۇددەسىن كىم قورعايدى، قالاي قورعايدى دەگەن ماسەلەلەردى تۇڭعىش رەت ايقىندادى.
ۇقتىرۋدا مىنالار اتاپ كورسەتىلدى: ەڭبەككە قاتىستى قارىم – قاتىناستاعى ءۇش جاقتى، اتاپ – ايتقاندا، ءار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى، جۇمىسشىلار ۇيىمى، كاسىپكەرلەر قوعامى جانە ونەركاسىپ – ساۋدا بىرلەستىگى سياقتى ورىنداردى سايكەستىرىپ، حالىقتى بارىنەن جوعارى قويۋ، ادام ءومىرىن بارىنەن جوعارى قويۋعا تاباندى بولىپ، كاسىپورىنداردىڭ قاقاعان سۋىق اۋا رايىندا ەڭبەكشىلەردى قورعاۋىنا باعىتتامالى تۇردە جەتەكشىلىك ەتۋ جانە ولارعا قۋزاۋ سالۋ، ەڭبەكشىلەردىڭ ۇقىق – مۇددەسىن قامتاماسىزداندىرۋ شارالارىن تياناقتاندىرىپ، ەڭبەكشىلەردىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىنا شىنايى كەپىلدىك ەتۋ كەرەك.
قاقاعان ايازدا ورتا تازالىعىن ىستەيتىن جۇمىسكەرلەر، جەدەل جولداما جەتكىزۋشىلەر، قۇرىلىس جۇمىسشىلارى قاتارلى ءبىرىنشى شەپتەگى ەڭبەكشىلەردىڭ بارلىعى سىرتتاعى جۇمىس ورىندارىندا تاباندىلىقپەن جۇمىس ىستەيدى. ءتىلشىنىڭ ۇعىسۋىنشا، بۇدان بۇرىن ولارعا تومەن تەمپەراتۋرادا جۇمىس ىستەۋ قامقورلىق قاراجاتى بەرىلدى مە، جوق پا، قورعانۋ بۇيىمدارى تاراتىلا ما، جوق پا؟ دەگەن ماسەلەلەر جونىندە مەملەكەتىمىز بويىنشا ءبىرتۇتاس بەلگىلەمە جوق بولاتىن، جەرگىلىكتى ورىندار، كاسىپورىندار دەربەس ءوز الدىنا بەلگىلەمە شىعاراتىن. ماماندار مىنانى ءبىلدىردى: بۇل رەتكى ۇقتىرۋدا قاقاعان سۋىقتا ەڭبەك ىستەۋشىلەردىڭ ۇقىق – مۇددەسىن كىم قورعايدى، قالاي قورعايدى دەگەن ماسەلە جونىندە ايقىن بەلگىلەمە شىعارىلۋى كاسىپورىنداردىڭ ءبىرىنشى شەپتەگىلەرگە، جاپالى جۇمىس ورنىنداعىلارعا ءمان بەرىپ، ەڭبەكشىلەرگە اناعۇرلىم ويداعىداي قامقورلىق ىستەپ، جاراسىمدى ەڭبەك قارىم – قاتىناسىن قالىپتاستىرۋىن ىلگەرىلەتەدى.
ۇقتىرۋدا مىنالار تالاپ ەتىلگەن: ەڭبەك قارىم – قاتىناسىن سايكەستىرەتىن ءار دارەجەلى ءۇش جاق جاۋاپكەرشىلىكپەن مىندەت ارقالاۋدى كۇشەيتىپ، تىعىز سايكەسىپ، قىزمەتتە بىرىكتىرىلگەن كۇش قالىپتاستىرۋى، كاسىپورىنداردىڭ ەڭبەكشىلەرمەن كەڭەسە وتىرىپ، ۇيلەسىمدى قىزمەت ۋاقىتىن بەلگىلەۋىنە جەتەكشىلىك ەتۋى، ەڭبەكشىلەردىڭ ەڭبەكاقى ۇقىق – مۇددەسىن شىنايى قامتاماسىزداندىرىپ، كاسىپورىنداردىڭ ەڭبەكشىلەردى قورعاۋداعى نەگىزگى تۇلعالىق جاۋاپكەرشىلىگىن اتقارۋىنا قۋزاۋ سالىپ، بۇكىل قوعامدا قاقاعان سۋىقتا ەڭبەك ىستەيتىن ەڭبەكشىلەرگە كوڭىل بولەتىن، قامقورلىق جاسايتىن راي قالىپتاستىرۋعا جول نۇسقاپ، ەڭبەكشىلەردىڭ زاڭدى ۇقىق – مۇددەسىن شىنايى قورعاۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
