بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

شارۋالاردىڭ قوس ءتىل ۇيرەنۋ جونىندەگى ناق مايدان ءماجىلىسى كۇنەس اۋدانىندا بولىپ ءوتتى

 اراي ساتاي ۇلى

2015.07.28 13:43     كەلۋ قاينارى : حالىق تورابى


  ورتالىقتىڭ شينجياڭ قىزمەتى اڭگىمە ءماجىلىسىنىڭ رۋحى مەن اۆتونوميالى رايوندىق پارتكوم جانە ۇكىمەتتىڭ قاتىستى تالاپتارىنا ساي، ۇستەگى جىلى شىلدەنىڭ 22–جۇلدىزى اۆتونوميالى رايوننىڭ جاس جانە ورتا جاستاعى شارۋالاردىڭ قوس ءتىل ۇيرەنۋ سىناق اۋدانى قىزمەتىن ىلگەرىلەتۋ ناق مايدان ءماجىلىسى كۇنەس اۋدانىندا وتكىزىلدى.

  ماجىلىسكە مەملەكەتتىك ءتىل–جازۋ قىزمەتى كوميتەتىنىڭ ورىنباسار مەڭگەرۋشىسى، وقۋ–اعارتۋ مينيستىرلىگى ءتىل قولدانۋ ورگانىنىڭ باستىعى ياۋ شيشۋاڭ، اۆتونوميالى رايوندىق جانە ىلە وبلىستىق حالىق ۇكىمەتىنەن، اۆتونوميالى رايوندىق ءتىل–جازۋ قىزمەتى كوميتەتىنەن (اۋدارما مەكەمەسىنەن)، ىلە وبلىستىق ءتىل–جازۋ قىزمەتى كوميتەتىنەن، ءۇرىمجى، قارامايلى، التاي، تارباعاتاي، سانجى، بۇراتالا، قۇمىل، قاشقار، اقسۋ سىندى ايماق–قالا، اۋدانداردىڭ باسشى كادرلارى مەن زەرتتەۋشى ماماندارى بولىپ 100 دەن استام ادام قاتىناستى. ءماجىلىستىڭ كۇن ءتارتىبى بويىنشا، شىلدەنىڭ 22–جۇلدىزى تۇستەن بۇرىن كۇنەس اۋداندىق سيلى قوناق سارايىنىڭ جيىن زالىندا وتكىزىلگەن ءماجىلىستى اۆتونوميالى رايوندىق ۇلتتار ءتىل–جازۋ كوميتەتى پارتكومىنىڭ شۋجيى لۋ شينحۋا جولداس باسقاردى. اۆتونوميالى رايونىمىزداعى شارۋالاردىڭ قوس ءتىل ۇيرەنۋ سىناق اۋدانى بولعان كۇنەس، تولى سياقتى اۋداندار 2013–جىلدان بەرى ورىستەتىلگەن شارۋالاردىڭ قوس ءتىل ۇيرەنۋ قىزمەتىنەن دوكلاد جاسادى. شارۋا كۋرسانتتار ۋاكىلى نارات قالاشىعى تاياسۋ قىستاعىنىڭ مالشىسى قۇرماش پەن بەستوبە اۋىلى قاراعاشتى قىستاعىنىڭ جەكە كاسىپكەرى گۇلنۇر قوس ءتىل ۇيرەنۋدىڭ وزدەرىنىڭ تۇرمىسىنا جاساعان تيىمدىلىكتەرىن اسەرلى تۇردە قوس تىلمەن بەينەلەپ جەتكىزدى.

  وسى كۇنى تۇستەن كەيىن جيىنعا قاتىناسقان ۋاكىلدەر الدىمەن بەستوبە اۋىلى مادەنيەت جولى الەۋمەتتىك رايونى مەن قاراعاشتى قىستاعىنداعى شارۋالار قوس ءتىل ۇيرەنۋ مەكتەپتەرىندەگى كۋرس احۋالىن كوزدەن كەشىرىپ، كۋرسانتتارمەن قوس ءتىل ۇيرەنۋ تۋراسىندا قىزۋ ىنتالى پىكىرلەستى ءارى ولاردى ۇزدىكسىز تىرىسىپ ۇيرەنۋگە، قوس ءتىلدى دۇرىس قولدانۋعا، ءتىل قولدانۋ ورەسىن جوعارىلاتۋعا جىگەرلەندىردى.

  سودان كەيىن، نارات قالاشىعى نارات الەۋمەتتىك رايونى «ءنارلى نارات» شارۋالار قوس ءتىل مەكتەبىنە بارىپ، ونداعى كۋرسانتتاردىڭ ۇيرەنۋ احۋالىن ىشكەرىلەي ۇعىستى. ناراتتىڭ قازاقى ەرەكشەلىككە يە كوشەلەردەگى قوس تىلدە جازىلعان، ۇلتتىق بوياۋمەن ناقىشتالعان ۇلتتار ىنتماعىنا، قوس ءتىل جالىپلاستىرۋعا قاتىستى ۇگىت تاقتالارى قوس ءتىل ۇيرەنۋدىڭ قىزۋ ورلەۋىن تاعى ءبىر قىرىنان ايگىلەدى. مۇنداعى دۇكەن، قوناقجايلاردىڭ ماڭدايشالىقتارىنداعى قوعامدىق جازۋلاردىڭ قوس تىلدە دۇرىس جازىلۋى، ولشەمدى جاسالۋى قالىڭ حالىق جۇرتشىلىعىنىڭ، الىس–جاقىننان كەلگەن ساياحاتشىلاردىڭ جازبالاردى تۇسىنۋىنە قولايلىلىق تۋدىرسا، ەندى ءبىر جاعىنان، كوركەمدىگىمەن قالا كوركىنىڭ ايبىنىن اسىرۋدا.

  ۋاكىلدەر تاعى نارات قالاشىعى اراسان قازاق 1–قىستاعىنداعى جاز ماۋسىمدىق كوشپەلى مەكتەبىنە بارىپ، ساحارا تورىندەگى اق شاعالاداي تىزىلگەن قازاقى كيىز ۇيلەر مەن قازاقشا قۇرىلىس ساۋلەتىندەگى سارايلاردى كوزدەن كەشىرىپ ،كوشپەلى مەكتەپتە قوس ءتىل ۇيرەنىپ جاتقان ءار ۇلت ەگىنشى–مالشىلارىنىڭ، كىشكەنە ءوسپىرىم بالالاردىڭ، اسىرەسە، تىرشىلىك كۇيبىڭىنەن ۋاقىت شىعارىپ قوس ءتىل ۇيرەنۋگە قاتىناسىپ جاتقان جەلەكتىلەرىمىزدىڭ ءتىل ۇيرەنۋ جاعىنداعى قىزعىن بەينەسىنە كۋا بولدى. جوعارىدان كەلگەن باسشى–كادرلارعا اۋىل–قىستاقتاعى جەلەكتىلەرى بۇدان كەيىن قوس ءتىلدى جاقسى ۇيرەنىپ، ساياحات بازارىنان پايدالانىپ، اۋقاتتانۋ جولىنا تۇسەتىندىكتەرى تۋرالى ءوز سەنىمدەرىن ءبىلدىردى. كەي كۋرسانتتار كاسىپتەنۋ بارىسىندا قوس ءتىل ۇيرەنبەسە بولمايتىندىعىن، ءتىل كەدەرگىلەرىنە كوپتەپ ۇشىراعان قينالىستى كوڭىل–كۇيلەرىن دە جاسىرا المادى.

  اۆتونوميالى رايونىمىز كولەمىندەگى جاس جانە ورتا جاستاعى شارۋالاردىڭ قوسءتىل ۇيرەنۋ قيمىلى كۇنەس اۋدانىندا 2013–جىلدىڭ كوكتەمنەن باستاپ العاشقى قادامدا ءبىر جاعىنان زەرتتەلىپ، ءبىر جاعىنان سىناق رەتىندە اتقارىلا باستاعان. سول جىلى قاراشانىڭ 1–كۇنى اۆتونوميالى رايوندىق، ىلە وبلىستىق ۇلتتار ءتىل–جازۋ قىزمەتى كوميتەتىنىڭ باسشىلارى مەن كۇنەس اۋدانىنىڭ باسشىلارى اقىلداسا كەلىپ، بۇگىنگى كورىكتى كۇنەس اۋدانىنىڭ ىرگەسىنە ورنالاسقان بايىرعى ەكونوميكا–ساۋدا جانە جاعراپيالىق ورتالىق رەتىندەگى بەستوبە اۋىلى مەن ساياحاتتىڭ قايناعان بازارى ەسەپتەلىنەتىن ەل ءىشى–سىرتىنا ايگىلى مەملەكەتتىك بەس A دارەجەلى كورىنىس رايونى بار نارات قالاشىعىن كۇنەس اۋدانىنىڭ شارۋالاردىڭ قوس تىلگە تاربيەلەۋ سىناق ءتۇيىنى رەتىندە بەكىتەدى.

  سول كەزدەن باستاپ بۇل اۋىل–قالاشىقتار ءوز قىستاقتارى مەن الەۋمەتتىك رايوندارىنىڭ ەرەكشەلىكتەرىنە نەگىزدەلىپ، سوڭىندا، بەستوبە اۋىلى مادەنيەت جولى الەۋمەتتىك رايونى مەن قاراعاشتى قىستاعىن، ال نارات قالاشىعى نارات الەۋمەتتىك رايونى مەن اراسان قىستاعىن سىناق ءتۇيىنى ەتىپ تۇراقتاندىرادى. ءارجىلى قاراشانىڭ باسىنان ءساۋىردىڭ سوڭىنا دەيىنگى جارتى جىلدى شارۋاشىلىقتىڭ سايابىر مەزگىلىندەگى شارۋالاردى قوس تىلگە تاربيەلەۋ ۋاقىتى ەتىپ بەلگىلەيدى. بۇل التى ايلىق كۋرس بارىسندا اۆتونوميالى رايوندىق ۇلتتار ءتىل–جازۋ قىزمەتى كوميتەتى جاعىنان قۇراستىرىلىپ تاراتىلعان «شارۋالاردىڭ قوس ءتىل ۇيرەنۋ دىبىستىق وقۋلىعى» مەن كۇنەس اۋداندىق ءتىل–جازۋ كەڭسەسى جاعىنان قۇراستىرىلعان «شارۋالاردىڭ قوس ءتىل ۇيرەنۋ قولدانباسى» سىندى وقۋلىقتاردىڭ مازمۇنى نەگىز ەتىلىپ، قىزمەت تاجىريبەسى مول، ساباق ءوتۋ مەتودى جوعارى حانزۋ ءتىلى وقىتۋشىلارى ارناۋلى ۇسىنىس ەتىلسە، «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قىزمەت گرۋپپاسىنداعىلار قىزمەتتەن تىس ۋاقىتتارىندا شارۋالاردىڭ قوسىمشالاي قوس ءتىل ۇيرەتىپ، قوس ءتىل ۇيرەنۋگە جاقسى باستاما قالىپتاستىردى. جىينى 220 ساعاتتىق ساباقتان كەم بولماعان حانزۋ ءتىلىن ۇيرەنۋ كۋرىسى، سونداي–اق مازمۇنى مول، فورماسى الۋان ءتۇرلى مادەني قيمىلدار ۇيىمداستىرىلىپ، پارتيانىڭ زاڭ–تۇزىمدەرى مەن ابزال ساياساتتارى جىرلانىپ وتىردى. «بازارعا جاقىن باييدى» دەگەندەي، نارات قالاشىعى مەن بەستوبە اۋىلىنداعى قوس ءتىل ۇيرەنۋ كۋرسىن تامامداعان شارۋالار ساياحاتتىڭ قاۋىرت مەزگىلىندە ساياحاتشىلارمەن ءتىل تابىسا ءبىلىپ، وزدەرىنىڭ ۇلتتىق ونىمدەرىن بازارعا سالىپ، ەكونوميكالىق قۇن جاراتىپ، بازار شارۋاشىلىعىنا سايكەسىپ، باياشات ءومىردىڭ باقىتتى كۇندەرىنە كەنەلدى. مىنە جوعارداعىداي تيىمدىلكتەر مەن قولايلىلىقتار كۇنەس اۋدانىنداعى ەگىنشى–مالشى كۋرسانتتاردان تىس قالىڭ حالىق بۇقاراسىنىڭ قوس ءتىل ۇيرەنۋگە قىزعىندىلىعىن ارتتىردى. كۇنەس اۋدانى ەگىنشى–مالشىلاردىڭ ناقتى مۇددەسى مەن جاعدايىن شىعار ءتۇيىن ەتىپ قوس ءتىل ۇيرەنۋدىڭ ۇزاق مەرزىمدىك جوباسىن الىپ شىقتى.

  مەملەكەتتىك ءتىل–جازۋ قىزمەتى كوميتەتىنىڭ ورىنباسار مەڭگەرۋشىسى، وقۋ–اعارتۋ مينيستىرلىگى ءتىل قولدانۋ ورگانىنىڭ باستىعى ياۋ شيشۋاڭ جولداس جيىندا اعىنان اقتارىلا لەبىز ءبىلدىرىپ، وسى قيمىلعا بەلسەنە اتسالىسىپ جۇرگەن شينجياڭداعى ءار دارەجەلى ورىندار مەن بارلىق قىزمەتشىلەرگە جانە ەگىنشى–مالشى دوستارعا ورتالىقتىڭ ءدان ريزاشىلىعى مەن جالىندى سالەمىن جەتكىزە كەلىپ، تولعاقتى ويىن تومەندەگىدەي ءتورت اۋىز سوزگە جيناقتادى. ول بىلاي دەپ اتاپ كورسەتتى: ءبىرىنشى، مەملەكەتتىك ورتاق ءتىلدى جالپىلاستىرۋ مەن ورىستەتۋ قىزمەتىنىڭ تاريحي سوزسىزدىككە يە ەكەندىگىن ءارى رەال تۇرمىستىڭ قاجەتى ەكەندىگىن تانىپ جەتۋىمىز كەرەك. ەكىنشى، مەملەكەتتىك ورتاق ءتىلدى جالپىلاستىرۋ جاڭا ءداۋىر ءتىل–جازۋ قىزمەتىنىڭ ەڭ ماڭىزدى بولەگى ەكەندىگىن جىعا تانۋىمىز كەرەك. ءۇشىنشى، قوس ءتىل ۇيرەنۋدى كۇشەيتۋ، قوس ءتىل ورەسىن جوعارىلاتۋ شينجياڭنىڭ قارىشتاپ دامۋ نىساناسىن جۇزەگە اسىرۋدىڭ نەگىزدىك ينجەنەرياسى،ءتىپتى، بولاشاقتىڭ ۇلكەن جوباسىنا ساياتىن كەلەلىءىس. ءتورتىنشى، سەنىمدى نىعايتىپ، قوس ءتىل ۇيرەنۋ قىزمەتىن ىلگەرىلەتۋىمىز، شينجياڭداعى ءار ۇلت حالقىنىڭ، اسىرەسە، جاس جانە ورتا جاستاعى شارۋالاردىڭ قوس ءتىل ورەسىن قۇلشىنا جوعارىلاتۋىمىز كەرەك. ول تاعى دا: شارۋالادىڭ قوس ءتىل ۇيرەنۋى سىندى بۇل تىڭ قيمىلدى مەملەكەتتىڭ ماڭىزدى ستراتەگيالىق نىسانىنا اينالدىرىپ، مينيستىرلىك جاعىنان ارنايى قارجى اجىراتۋدى سونداي–اق، شينجياڭعا كومەك بەرەتىن ءارقايسى ولكە–قالالار جاس جانە ورتا جاستاعى شارۋالاردىڭ قوس ءتىل ۇيرەنۋى مەن مەملەكەتتىك ورتاق ءتىل–جازۋدى قولدانۋ ورەسىن جوعارىلاتۋدى ورتاق قولداپ–قۋاتتاۋى كەرەك. ءبىز پارتيا ورتالىعىنىڭ، مەملەكەتتىك كەڭەستىڭ شينجياڭنىڭ قارىشتاپ دامۋى مەن باياندى تىنىشتىعىن جۇزەگە اسىرۋ جونىندەگى ۇندەۋىنە ءۇن قوسىپ، شينجياڭنىڭ ءتىپتى دە كوركەم بولاشاعىن جاراتۋ ءۇشىن اناعۇرلىم زور ۇلەس قوسۋىمىز كەرەك،–دەدى.

  
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.