بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

كوزبەن ەمەس، ميمەن كورەسىز

2013.11.13 14:23     كەلۋ قاينارى : ءتاڭىرتاۋ تورابى

  كوزىڭىزدى مينۋتىنا، كۇنىنە، جىلىنا قانشا رەت جىپىلىقتاتاتىنىڭىزدى ءبىلىپ الىڭىز. جانە دە نارەستەنىڭ شىندىعىندا جىلامايتىنىن، كوك كوزدى ءبىرىنشى ادامنىڭ قاشان دۇنيەگە كەلگەنىن، ودان قالسا، كوز اۋرۋلارىنىڭ 80 پايىزى ەمدەلەتىنىن، كوز جاراسى تەز جازىلاتىنىن، قۇرىلىسىن، ءتۇزىلىسىن، ەڭ اقىرى، ءسىزدىڭ كوزبەن ەمەس، ميمەن كورەتىنىڭىزدى بىلە وتىرىڭىز.

  «كوزدىڭ» كورۋدەن بولەك تە كوپتەگەن فۋنكتسيالىق قىزمەتتەرى بار. توقتالا كەتسەك:

  كوزدىڭ تۇسە وزگەرە الادى. كوزدىڭ شاتىرشا قابىعى جاسىل، كوك پيگمەنتتەردى باعامداي المايدى جانە جارىقتىڭ ءتۇسىپ تۇرۋىنا بايلانىستى ءارتۇرلى رەڭگە وزگەرۋى مۇمكىن.

  كوك كوزدى ادامداردىڭ بارلىعى الىس تۋىستار سانالادى. كوك كوزدى ءبىرىنشى ادام وسىدان 6 − 10 مىڭ جىل بۇرىن دۇنيەگە كەلگەن. سول ۋاقىتتاردا بارلىق ادام قوي كوزدى بولاتىن.

  كوزدىڭ تورى 7 ميلليون جارىق سەزگىش ۇياشىقتاردان تۇرادى.

  ءسىز مينۋتىنا 17 رەت، كۇنىنە 280 رەت، جىلىنا 5،2 ميلليون رەت كوز جىپىلىقتاتاسىز.

  ەسكەرە كەتەرلىگى: ءسىز وقىپ جاتقان ساتتەن گورى، سويلەسىپ تۇرعاندا، كوزدى كوپ جىپىلىقتاتاسىز.

  كوز بۇلشىق ەتتەرى − بارلىق اعزادا ەڭ جىلدام بۇلشىق ەتتەر. ادامنىڭ كوز جىپىلىقتاتۋى كەرەمەت جىلدامدىقپەن جۇزەگە اسادى. جىپىلىقتاتۋ ءۇشىن سىزگە 100 − 150 تاقىلعا دەيىن ۋاقىت كەرەك. ءبىر سەكۋندتا ءسىز 5 مارتە جىپىلىقتاتىپ ۇلگەرەسىز.

  جاس ۇلعايعاندا سىزگە كوزىلدىرىك كەرەك. ادامداردىڭ 99 پايىزى 43 پەن 50 جاستا جاقىن ارالىقتان كورۋ ءۇشىن كوزىلدىرىك تاعادى. ۋاقىت وتە كەلە، كوز بۇرشاعى ورتالىقتاندىرۋ قابىلەتىنەن ايىرىلادى.

  كوزدەر كەز كەلگەن كامەرادان جىلدام. كوز قاراشىعىنىڭ الدىندا ورتالىقتاندىرۋعا جاۋاپ بەرەتىن كوز بۇرشاعى تۇرادى. اينالاعا قاراپ، بەلگىلى ءبىر زاتتاردى ورتالىقتاندىرىپ كورىڭىزشى: ءسىزدىڭ كوز بۇرشاعىڭىز ۇنەمى ورتالىقتاندىرۋدى وزگەرتىپ وتىرادى، ال ءسىز ونى بايقامايسىز. كامەراعا كەسكىندى ورتالىقتاندىرۋ ءۇشىن بىرنەشە سەكۋند قاجەت.

  جىپىلىقتاتۋ − وتە - موتە ماڭىزدى قىزمەت. جىپىلىقتاتۋ ارقىلى ءبىز كوزدىڭ جوعارى قاباتىنان شاڭ مەن وزگە دە كەرەكسىز زاتتاردى الىپ تاستاپ، دىمقىلداتىپ، مايلايمىز. كوز جاسى باكتەرياعا قارسى قاسيەتكە يە.

  شەل (كاتاراكتا) − كارىلىكتىڭ تابيعي كورىنىسى. قارتامىس جاس شاشتىڭ سيرەۋىنەن بولەك، شەلدەن بەلگى بەرەدى. شەل باسۋدىڭ العاشقى كەزەڭىن 57 − 58 جاستا ۇشىراتاسىز.

  قانت سۋسامىرىن (ديابەت) كوز زەرتتەۋىمەن انىقتاۋ. ەكىنشى كەزەڭدەگى قانت ديابەتى اياۋسىز كەلەدى جانە ەرەكشە بەلگىلەرى بايقالمايدى. الايدا، تاجىريبەلى دارىگەر وفتالمولوگ ديابەتتىڭ ەكىنشى كەزەڭىنەن اقپار بەرەتىن كوزدىڭ ارتقى بولىگىنەن كىشى - گىرىم قان قۇيىلۋدى ۇشىراتادى.

  ءسىز كوزبەن ەمەس، ميمەن كورەسىز. مۇمكىن، بۇل دا انىق - قانىق نارسە بولار، ءبىراق، ەگەر كوزىڭىزدە قيىندىق تۋىنداپ جاتار بولسا، وندا بۇل دەگەنىمىز، كوزىڭىزدە اقاۋلار پايدا بولدى دەگەن ءسوز ەمەس.

  كوز سوقىر داققا بەيىمدەلىپ كەتۋى مۇمكىن. سۋ قاراڭعىلىق (گلاۋكوما) سەكىلدى كەيبىر اۋرۋ تۇرلەرى سوقىر داقتارعا دۋشار ەتۋى مۇمكىن، الايدا، ءبىزدىڭ مي وعان دا قارسى تۇرار ءادىس تاۋىپ وتىر: كەلەسى ساۋ كوز سوقىر بولىكتى ءوز قولىنا الىپ، سول ارقىلى سوقىر بولىكتىڭ قىزمەتىن ازايتا تۇسەدى. سول ارقىلى ءبىز سوقىر داقتى ەسكەرۋدەن قالامىز.

  ەگەر كوز كەبە باستاسا، اعىل - تەگىل جاساۋراي باستايدى. كوز جاسى، نەگىزىنەن، 3 قۇرامنان تۇرادى: سۋ، ماي جانە شىرىش. ەگەر ولار سايما - ساي ارالاسپاعان بولسا، كوز كەۋىپ كەتۋى مۇمكىن (ءتىپتى، ەگەر سۇيىقتىق تولى بولسا دا). قالاي بولعاندا دا، مي مۇنى تۇسىنبەيدى دە، ەسەلەپ كوز جاسىن بولە باستايدى.

  كوز تەز جازىلادى. كەرەكتى كۇتىمنەن كەيىن 48 ساعاتتان وتكەن سوڭ، جاراقاتتىڭ بىردە - بىر بەلگىسى قالمايدى.

  شىن مانىندە، نارەستەلەر جىلامايدى. ارينە، ءسوزسىز شىڭعىرىپ جاتادى، ءبىراق، ولاردىڭ كوزدەرى ءالى كوز جاسىن بولە المايدى. تۋىلعان كۇننەن باستاپ، 13 اپتادان سوڭ، جاساۋراي باستاماق.

  كولەم مەن سالماق. كوزدىڭ ديامەترى ورتا ەسەپپەن 2.54 سانتيمەتردى قۇراسا، سالماعى 7 گرامعا جەتەدى.

  گەتەروحروميا. كوزدىڭ شاتىرشا قابىعى ءبىر - بىرىنەن ايىرمالانىپ تۇراتىن سيرەك قۇبىلىس.

  كوز بۇلشىق ەتتەرى. اعزاداعى بۇلشىق ەتتەردىڭ ىشىندە كوز بۇلشىق ەتتەرى ەڭ بەلسەندىسى سانالادى.

  ءتۇزىلىسىنىڭ كۇردەلىلىگى. كوز تولىق ءتۇزىلىس پەن قىزمەت ەتۋ ءۇشىن 2 ميلليوننان اسا بولشەك زاتتاردان تۇرادى.

  كوپشىلىك كوز اۋرۋلارى −− ەمدەلەتىن اۋرۋلار. كوز كورۋگە قاتىستى تۋىندايتىن قيىندىقتاردىڭ 80 پايىزىنىڭ الدىن الۋعا، كەيدە ءتىپتى ەمدەپ شىعۋعا بولادى. زاماناۋي لازەرلىك حيرۋرگيا مەن قاجەتتى ۆيتاميندەردى تۇتىنىپ تۇرۋ ەمى سونىڭ ايعاعى ىسپەتتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.