- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەرىنى قورعاۋ ءبىلىمى
2014.05.09 11:11 كەلۋ قاينارى : حالىق تورابى
جاقسى تاماقتانۋ، جايلى ۇيىقتاۋ، كوپ ارەكەت جاساۋ جاقسى تەرىنىڭ كەپىلى.
تەرى ــ ادام دەنەسىنىڭ ەڭ سىرتقى قورعاۋ پەردەسى، بۇكىل دەنەدەگى ەڭ ۇلكەن ورگان. اقاۋسىز تەرى ەڭ الدىمەن جىلتىر، سەرپىمدى، ءتۇسى ءبىرىڭعاي، سيپاعاندا مايدا، جۇمساق، قان اينالىسى جاقسى بولادى. تەرى سىرتقى فاكتوردىڭ زاقىمداۋىنا وتە وڭاي ۇشىرايدى. جازدا ۆلترا كۇلگىن ساۋلەسىنىڭ ءتۇسۋى، قىسقى سۋىق ىزعار، اتموسفەرانىڭ لاستانۋى تەرىنىڭ اقاۋسىزدىعىن بۇلدىرەدى. كوكتەم كەلگەندە، ادامدار سىرتقا شىعىپ تابيعات قۇشاعىندا بوي جازىپ، جادىراپ ۇيگە قايتقاندا تەرىسىنىڭ قىزارىپ، قىشىعانىن بايقايدى، بۇل اسىلىندە اسا قۇرعاقتىقتان پايدا بولعان اسىرە سەزىمتالدىق.
تەرىنى قۇرعاتاتىن فاكتورلار كوپ جاقتى قامتيدى: ەڭ اۋەلى، جاستىڭ ۇلعايۋىمەن تەرىنىڭ سۋ ساقتاۋ قابىلەتى تومەندەيدى. ورتانىڭ قۇرعاقتىعى دا باستى سەبەپ، ودان قالسا قورەكتىك جەتپەۋ، ۇيقىنىڭ جاقسى بولماۋى، وتە ىستىق سۋعا جۋىنۋ جانە بولمە ءىشى تەمپەراتۋراسىنىڭ جوعارى بولۋى، ەتەككىر توقتاۋ مەزگىلىندەگى انالىق گورموننىڭ از ءبولىنۋى سياقتىلاردىڭ بارلىعى تەرىگە ءمالىم دارەجەدە اسەرەتەدى.
كوكتەم مەزگىلىندە تەرىنى قورعاۋدا باستىسى جاقسى ازىقتانىپ، ۇيقىنى جاقسارتىپ، كوپ ارەكەتتەنۋ كەرەك. ايەلدەر كوگونىس، جەمىس-جەيدەك سياقتى سەلليۋلوزالىق قۇرامى مول ازىقتاردى كوپ جەۋى كەرەك. بەتىنىڭ رەڭى وزگەرىپ، قارا داق پايدا بولعان ادامدار ۆيتامين C قۇرامى مول كوگونىس، اپەلسين، مايمىل شاپتول سياقتى جەمىستەردى كوپ جەگەنى ءجون، اشتى-تۇشتى، مايلى تاعامدى از تۇتىنۋ كەرەك. بەت تەرىسى ناشار ادامدار ۆيتامين A مەن ۆيتامين B مول ازىقتاردى كوپ تۇتىنۋ كەرەك. مىسالى: باۋىر، جۇمىرتقانىڭ سارىسى، سيىر ءسۇتى سياقتىلار. جاستىق شاق بورتكەنى وڭاي شىعاتىن، تەرىسىنىڭ ماي قۇرامى جوعارى ادامدار قايناعان سۋدى كوپ ءىشۋى، كوفە، اراق سياقتى تىتىركەندىرگىش سۋسىنداردى از تۇتىنىۋى، حايۋانات بەلوگى مەن حايۋانات مايلارىنىڭ ءسىڭىرىلۋىن تەجەۋ ءۇشىن شوكلات، جەر جاڭعاعى، كىلەگەي، ماروجنا سياقتىلاردى از تۇتىنعانى ءجون. تەرىسى وڭاي قۇرعايتىندار مايلىلاۋ تاعامدى جانە ۆيتامين E مول ازىقتاردى تۇتىنىۋى كەرەك.ءتۇن بويى قىزمەت ىستەۋ تەرىگە وتە زياندى. ايەلدەر ءار كۇنى سۇلۋلىققا ءتان ۇيقىنى جاقسى قاندىرۋى كەرەك. اسىرەسە، كەشكى ساعات 9 دان تاڭعى ساعات 6عا دەيىنگى مەزگىل ــ ادام دەنەسى ۋىت ءبولىپ شىعاراتىن ۋاقىت، سوندىقتان جاقسى ۇيقىعا كەپىلدىك ەتەۋ كەرەك. ۇيىقتار الدىندا كىتاپ وقۋ، ءبىراز دەمالىپ وتىرۋ ارقىلى كوڭىلدى ورنىقتىرىپ، سەرگيسىز. بۇدان سىرت، شالقالاپ جاتىپ ۇيىقتاۋ اجىمدى ازايتۋعا پايدالى. توسەك بۇيىمدارى مەن جاستىق قابىن ۋاق-ۋاق جۋۋدىڭ دا تەرىگە پايداسى بار.
كوپ ارەكەت جاساۋ تەرىگە وتە پايدالى، مۇندا وتتەكتى-وتتەكسىز ارەكەتتەردى الما-كەزەك ىستەۋ كەرەك.
تەرىنى قورعاۋدا مىناداي بىرنەشە تۇيىنگە كوڭىل بولگەن ءجون.
ءبىرىنشى: تەرىنىڭ ىلعالدىعىن ساقتاپ، قابىنۋدىڭ الدىن الۋ. مۇندا ىلعالدىق ساقتاۋ مايى ادام دەنەسىنە لايىقتى بولۋ كەرەك. تەرىسى قۇرعاق ادامدار «دارىلىك رولى» بار تەرى قورعاۋ مايلارىن ىستەتسە بولادى. ونى ەڭ جاقسىسى سۋعا قۇيىنىپ بولعان سوڭ دەر كەزىندە جاعۋ، استە، دەنە قۇرعاپ بولعان سوڭ جاقپاۋ كەرەك. ول كەزدە دەنەدەگى سۋ مولەكۋلالارى قۇرعاپ جوق بولىپ كەتەدى.
ەكىنشى: اسىرە سەزىمتالدىقتان ساقتانۋ. اسىرە سەزىمتالدىق بەلگىلەرى بايقالا قالسا، ەڭ الدىمەن بارلىق تەرى قورعاۋ مايى مەن بەزەنۋ بۇيىمىن ىستەتۋدى توقتاتۋ كەرەك. ونان سوڭ ورامالدى سالقىن نە سۋىق سۋعا شىلاپ، ودان كەيىن بەتتى اجارلاندىرۋ جارعاقشاسىن جاپسىرعانداي رەاكسيالانعان ورىنعا باسۋ كەرەك. ەگەر تەرىنىڭ قىزارعانى وزدىگىنەن قايتىپ كەتسە، شيپا ىستەتۋدىڭ قاجەتى جوق، ازىراق قابىنۋعا قارسى ىلعالدىق ساقتاۋ مايىن جاعىپ قويسا بولعانى. ەگەر ءۇرتىس قىزارىپ، بورتكەن قايتپاسا، وندا، شيپاحاناعا بارىپ تەكسەرتۋ، شيپاگەردىڭ جەتەكشىلىگىندە رەاكسيانى قايتاراتىن ءدارى ءىشۋ كەرەك. ءبىراق ءوز بىلگەنىنشە گورموندىق ءدارى-دارمەكتى پايدالانۋعا بولمايدى.
ءۇشىنشى، ماۋسىم الماسقان كەزدە بەت جۋۋدى لايىقتى ازايتۋ، مۇمكىندىگىنشە قۇرامىندا سابىن قوسپاسى جوق بەت جۋۋ بۇيىمدارىن ىستەتۋ، بەت جۋعاندا، مونشاعا تۇسكەندە سۋ تەمپەراتۋراسى وتە جوعارى بولماۋ، دەنەنى قاتتى كۇشەپ ىسپاۋ، ادەتتە ماقتا كيىم كيۋ كەرەك.
ءتورتىنشى: جەكە تازالىققا كوڭىل ءبولۋ كەرەك. جاستىق شاق بورتكەنىن قولمەن قىسپاۋ كەرەك. مەرزىم بويىنشا توسەك جاپقىش، جاستىق قاپتاردى جۋىپ تازالاپ تۇرۋ، شاشتى تازا، رەتتى ۇستاۋ. كەكىلدى ۋاعىندا كەسىپ قىسقارتىپ تۇرۋ، وتە ۇزىن قويماۋ كەرەك، ايتپەسە ماڭدايعا بورتكەن وڭاي شىعادى.
حانزۋشادان اۋدارعان تاڭنۇر ورازقان قىزى
(ىلە پەداگوگيكا ينيستيتۋتى فيلولوگيا فاكۋلتەتىنىڭ ستۋدەنتى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
