بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

مىنا 10 ءتۇرلى ازىقتى مۇزداتقىشقا سالماڭىز

2015.04.08 14:05    


  قانداي ازىقتىقتاردى مۇزداتقىشقا سالۋعا بولمايدى؟ كەيبىرەۋلەر ەرەن بازارعا ءبىر بارعاندا ازىقتىقتاردى قالتا – قالتاسىمەن اكەلىپ، مۇزداتقىشقا سىقاپ قويادى. بۇلاي ىستەۋ دۇرىس ەمەس، كەي ازىقتىقتاردى مۇزداتقىشقا سالساڭىز بۇزىلۋى ءتىپتى تەز بولعانىمەن قويماي، باسقا ازىقتىقتاردىڭ بۇزىلۋىن دا تەزدەتەدى. ەسىڭىزدە بولسىن، مىنا ون ءتۇرلى ازىقتىقتى دەركەزىندە تۇتىنىپ بولا الماساڭىز مۇزداتقىشقا سالا كورمەڭىز.

  1. كراحمالدى ازىقتىقتار

  مومى، شيىرشىقتاما مومى، بولكا قاتارلى كراحمالدى ازىقتىقتاردى مۇزداتقىشقا سالساڭىز، بۇل ازىقتىقتاردىڭ قاتايۋىن تەزدەتەدى، ەگەر قىسقا ۋاقىتتا تۇتىنىپ بولا الماساڭىز، وندا بۇل ازىقتىقتاردى ساڭلاۋسىز قوراپتاپ، مۇزداتقىشتىڭ مۇزداتىپ ساقتاۋ قاباتىنا سالىپ قويىڭىز.

  بولكا مەن پراندىكتى دە بىرگە سالماعانىڭىز ءجون، ۇيتكەنى، بولكانىڭ سۋ قۇرامى پراندىككە ءوتىپ كەتەدى دە، پراندىك جۇمسارىپ، بولكا قاتىپ قالادى.

  2. چوكالات

  مۇزداتقىشقا سالىنعان چوكالاتتى الىپ شىققاننان كەيىن، چوكالاتتىڭ بەتىندە قىراۋ وڭاي قالىپتاساتىندىقتان، چوكالاتتىڭ ءدامى كەتەدى ءارى باكتەريانىڭ ءوسىپ – ونۋىنە پايدالى بولادى. چوكلاتتى 5 ~ 18 سەلسي گرادۋس ورتادا ساقتاعان ەڭ ۇيلەسىمدى بولادى.

  چوكالاتتى سۋلياۋ دورباعا سالىپ، ساڭلاۋسىز ەتىپ وراعاننان كەيىن، مۇزداتقىشتىڭ مۇزداتىپ ساقتاۋ قاباتىنا سالىڭىز. مۇزداتقىشتان العان كەزدە دەرەۋ اشپاي، چوكالاتتىڭ تەمپەراتۋراسى ءۇي تەمپەراتۋراسىمەن جۋىقتاعان كەزدە اشىپ پايدالانىڭىز.

  3. بالىق

  بالىقتى مۇزداتقىشتا ۇزاق ساقتاۋعا بولمايدى، ۇيدە ىستەتىلەتىن مۇزداتقىشتىڭ مۇزداتىپ ساقتاۋ قاباتىنىڭ تەمپەراتۋراسى ادەتتە نولدەن تومەن 15 سەلسي گرادۋس بولادى، ەڭ جاقسى مۇزداتقىشتار نولدەن تومەن 20 سەلسي گرادۋسقا جەتۋى مۇمكىن، ءبىراق سۋ ونىمدەرىن، وتە – موتە، بالىقتى ساقتاۋدا تەمپەراتۋرا نولدەن تومەن 30 سەلسي گرادۋستان تومەن بولماسا، بالىق سۋسىزدانادى جانە باسقا دا وزگەرىستەر بولادى، مىسالى: تابان بالىق ۇزاق ۋاقىت مۇزداتىپ ساقتالسا، بالىق قىشقىلدانىپ بۇزىلادى، ەتى دە وزگەرىپ، تۇتىنۋعا كەلمەي قالادى.

  4. ءدارى – دارمەكتەر

  ءدارى – دارمەكتەردى مۇزداتقىشقا قويۋعا بولمايدى، ءدارى – دارمەكتەر مۇزداتقىشقا ۇزاق ۋاقىت قويىلسا، ءتۇرلى باكتەريالار ءدارى – دارمەكتەرگە سىڭۋدەن سىرت، وڭاي دىمقىلدانادى دا ءدارىنىڭ قاسيەتىن جويادى.

  5. پاميدور

  پاميدور تومەن تەمپەراتۋرادا مۇزداتىلعاننان كەيىن، پاميدوردا سۋلى بورتپەلەر پايدا بولىپ جۇمسارادى، ياكي قابىعى جارىلىپ كەتەدى، سىرتىندا قارا داقتار پايدا بولىپ، پىسپاي قويادى، ءدامى كەتەدى، بۇزىلىپ كەتۋى دە مۇمكىن.

  6. قيار، كوك بۇرىش

  قيار، كوك بۇرىش قاتارلىلاردى مۇزداتقىشتا ۇزاق ساقتاعاندا قارايىپ، جۇمسارىپ، ءيىسى وزگەرەدى. قيار زەڭدەنىپ، بولجىرايدى. ادەتتە مۇزداتقىشتىڭ تەمپەراتۋراسى 4 ~ 6 سەلسي گرادۋس اينالاسىندا، ال قياردى 10 ~ 12 سەلسي گرادۋستا، كوك بۇرىشتى 7 ~ 8 سەلسي گرادۋستا ساقتاعان ءجون.

  8. بانان

  باناندى 12 سەلسي گرادۋستان تومەن تەمپەراتۋردا ساقتاعاندا، بانان قارايىپ، بۇزىلادى.

  9. ليجى

  ليجىنى نولدەن تومەن تەمپەراتۋرادا ءبىر كۇن قويساڭىز، سىرتى قارايۋدان سىرت، جەمىستىڭ ءيىسى دە وزگەرەدى.

  10. بۇلدىرگەن

  بۇلدىرگەندى مۇزداتقىشتا ساقتاساڭىز كولكىلدەپ، ءدامى وزگەرىپ كەتەدى، وڭاي كوگەرەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.