بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

بالا بويىنىڭ وسۋىنە ىقپال ەتەتىن بەس ءتۇرلى قاتە ارەكەت

2015.12.02 15:17     كەلۋ قاينارى : حالىق تورابى


  اتا – انالار بالانىڭ بويىن ءوسىرۋ ءۇشىن تاماققا زورلاپ، كالتسي قۇرامىن تولىقتاپ، بەينە بالا دەنەسىنە حورەكتىك جەتىسپەي، بويى وسەتىن جاستى وتكىزىپ الاتىنداي ابىگەرلەنەدى. ءاسىلى تۋما تۇقىم قۋالاۋ مەن حورەكتىك قاتارلى سەبەپتەردەن سىرت، تۇرمىستا بالا بويىنىڭ وسۋىنە ىقپال ەتەتىن «ۇساق – تۇيەك» ىستەردى دە نازاردان تىس قالدىرۋعا بولمايدى.

  تاماقتى شەكتەن تىس كوپ جەگىزۋ. كوپتەگەن اتا – انالار بالا تاماقتى كوپ جەسە، حورەكتىك جەتكىلىكتى بولىپ، بالانىڭ بويى وسەدى دەپ قارايدى. كەرىسىنشە، بالانىڭ دەنە مۇشەلەرى ءالى تولىق جەتىلىپ بولماعاندىقتان، حورەكتىكتىڭ قالىپتان اسىپ كەتۋى، ءبىر جاعىنان، بالانىڭ اس قورىتۋىنىڭ جاقسى بولماۋىنا اپارىپ سوقسا، ەندى ءبىر جاعىنان، حورەكتىكتىڭ ارتىپ كەتۋى تابەتكە ىقپال ەتىپ، دارەتتەن قينالۋ سىندى ماسەلەلەردى كەلتىرىپ شىعارىپ، ناتيجەسى مۇلدە باسقاشا بولىپ، بالا تاماقتى قانشا جەسە دە سەمىرمەيتىن، بويى وسپەيتىن بولادى. مۇنان سىرت، حورەكتىك قالىپتان تىس ارتىپ كەتسە، بالا جىنىستىق جاقتان ەرتە جەتىلىپ، بويىنىڭ ءوسۋىن باياۋلاتادى.

  سىرتقا از شىعۋ. كوپتەگەن اتا – انالاردىڭ قىزمەت باسىمدىلىعى اۋىر بولعاندىقتان، اپتا سوڭىندا ۇيدە بولعاندى قالايدى، سونىمەن، بالالار دا ۇيدەن شىقپاي ويىنشىق وينايدى. ءىس جۇزىندە، كۇن نۇرىنداعى ۋلترا كۇلگىن ساۋلەسى دەنەدەگى ۆيتامين Dنىڭ بىرىگۋىن تەزدەتىپ، بالا سۇيەگىنىڭ جەتىلۋىندە توتەنشە ماڭىزدى رول اتقارادى. سوندىقتان، بالانى سىرتقا كوپ ەرتىپ شىعىپ، ولاردىڭ كۇن ساۋلەسىنە شومىلدىرعاندا عانا، بالانىڭ بويى تەز وسەدى.

  ۇزاق وتىرىپ ويىنشىق وينايتىندىقتان، ارەكەت از بولادى. بالارعا ارنالعان ويىنشىقتاردىڭ ءتۇرى كۇننەن – كۇنگە كوبەيۋدە، اتا – انالار دا بالالارىنىڭ زەردەسىن اشاتىن ويىنشىقتارمەن ويناۋىنا قارسى بولمايدى، ءبىراق، ولاردىڭ ارەكەتتەنۋىنە دە ءسال قاراماۋ كەرەك. ارەكەتتەنۋ بۋىنداردىڭ كەرىلىپ – سوزىلۋىنا ءتيىمدى بولىپ، شەمىرشەكتىڭ شىدامدىلىعىن ارتتىرادى. الىسىپ ويناۋ بالانىڭ تابيعاتىنا جاراسادى، 8 ~ 9 ايدا ەڭبەكتەپ، ءبىر جاسقا كەلگەندە ءتاي – تايلاپ، ونان سەكىرىپ – شورشىپ وينايدى، 2 ~ 3 جاسىندا قابات ءۇيدىڭ باسپالداعىمەن شىعا الاتىن بولادى. ءبىراق، بالالاردى ادام كوپ ويىن الاڭدارىنا اپارعاننان كورى، ۇلى تابيعاتتىڭ قۇشاعىنا، باۋ – باقشالارعا اپارىپ سەرۋەندەتكەن پايدالى. بالانىڭ ارەكەتتەنۋىنە دە شەكتەۋ سالا بەرمەڭىز، كۇنىنە 2 ساعات توڭىرەگىندە اسىر سالىپ ويناسا جەتكىلىكتى.

  جاي ۇيىقتاتىپ، ەرتە وياتۋ. ادام دەنەسىندەگى ءوسۋ گورمونى تۇنگى ساعات 11دەن تاڭ ءسارى 4كە دەيىن ەڭ كوپ بولىنەدى، بالانىڭ ۇيقىسىن قاندىرۋ، وتە – موتە، تۇنگى ۇيقىسىن قاندىرۋ ونىڭ دەنەسىندەگى گورموننىڭ بولىنۋىنە پايدالى بولىپ، بويىنىڭ ءوسۋىن تەزدەتەدى. بالانى جاي ۇيىقتاتىپ، ەرتە وياتۋ ونىڭ دەنەسىندەگى گورموننىڭ بولىنۋىنە ىقپال ەتەدى. ادەتتە، ءبىر جاسقا تولماعان بالا كۇنىنە 18 ~ 20 ساعات ۇيىقتاسا، ءبىر جاستان كەيىن دە ەرەسەكتەردەن ەكى ەسە كوپ ۇيىقتاسا دۇرىس.

  بەتالدى كالتسي تولىقتاۋ. كەي اتا – انالار كالتسي تولىقتاۋعا قۇمار، شىنتۋايتىندا، كالتسيدى اسىرا تولىقتاۋ بالانىڭ كەمىكتەرىنىڭ ەرتە بەكۋىن كەلتىرىپ شىعارىپ، بالا بويىنىڭ وسۋىنە ىقپال ەتەدى. بالا تاماق تاڭداماسا، ءتۇرلى تاماقتاردى تۇتىنسا، كۇن كوزىنە كوپ شىقسا بولعانى، كالتسي تولىقتاۋدىڭ قاجەتى جوق. بالا ەسەيگەننەن كەيىن، ءسۇت ونىمدەرىنەن سىرت، بۇرشاق ونىمدەرى، بالىق ەتى قاتارلى تاماقتارمەن كالتسي تولىقتاۋعا بولادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.