- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بالالاردا بولاتىن مۇرىن قابىنۋىنىڭ كومەسكى بەلگىلەرى
2016.03.31 17:12 كەلۋ قاينارى : ءتاڭىرتاۋ تورابى
بالالارداعى اسىرە سەزىمتالدىق حاراكتەرلى مۇرىن قابىنۋى − ۇنەمى كەزدەسەتىن اۋرۋلاردىڭ ءبىرى. شي - ان قاتىناس ۋنيۆەرسيتەتى مەديتسينا ينستيتۋتىنا قاراستى 2 - شيپاحاناسىنىڭ جاۋاپتى شيپاگەرى ليۋ حاييان كوپتەگەن اتا - انالاردىڭ بالانىڭ مۇرنىنان ۇزاق ۋاقىت ماڭقا اققاندا عانا بارىپ مۇرىن قابىنۋىنا شالدىققان بولۋى مۇمكىن دەپ ويلايتىندىعىن، الايدا بالالاردا بولاتىن مۇرىن قابىنۋىنىڭ كوپتەگەن كومەسكى بەلگىلەرى بولاتىندىعىن ايتتى.
1. كوزىنىڭ اينالاسى قارايۋ. ەڭ جاڭا زەرتتەۋ ناتيجەسى بالالارداعى كوزىنىڭ اينالاسى قارايۋ قۇبىلىسى اسىرە سەزىمتالدىق حاراكتەرلى مۇرىن قابىنۋىمەن تىعىز بايلانىستى ەكەندىگىن دالەلدەدى. بالالار اسىرە سەزىمتالدىق حاراكتەرلى مۇرىن قابىنۋىنا شالدىققاننان كەيىن، ۇزاق ۋاقىت اسىرە سەزىمتالدىقتان بالالاردىڭ كەۋجىرى ءىسىنىپ، قاباق ۆەناسى مەن كوز قيىعى ۆەناسىندا قان ۇيىپ، كوز شاناعىنىڭ استىندا كوك سۇر ءتۇستى داق پايدا بولىپ، كوز اينالاسىنىڭ قارايۋىن تۋدىرادى.
2. جوتەلۋ. تاڭەرتەڭ ورنىنان تۇرعان سوڭ نەمەسە كەشتە جاتار الدىندا بالا كوپ جوتەلىپ، قاقىرىنىپ - تۇكىرىنەدى، مۇنىڭ سەبەبى مۇرىن قۋىسى قابىنعاننان كەيىن مۇرىندا كوپ مولشەردە ماڭقا جينالادى دا، ودان جۇتقىنشاققا، ءتىپتى، داۋىس ساڭلاۋى مەن كەڭىردەككە قۇيىلادى. سوندىقتان كوپتەگەن بالانىڭ ۇزاق ۋاقىت جوتەلىپ ءجۇرۋىن اتا - انالار تاماعى قابىنىپ قالعان ەكەن دەپ قاتە تۇسىنەدى.
3. تىنىش جاتا الماۋ. كەيبىر بالالار تۇنىمەن تىنىش جاتا الماي اۋناقشىپ شىعادى، بۇل كەشكى تاماقتى كوپ جەپ قويىپ اس قورىتۋدىڭ جاقسى بولماۋىنان تىس، كوپ جاعدايدا مۇرىننىڭ قابىنۋىمەن قاتىستى بولادى، مۇرىن قابىنعاندا تىنىس الۋ كەدەرگىگە ۇشىرايتىندىقتان، بالالار توقتاۋسىز اۋناقشىپ تىنىش جاتا المايدى.
4. قورىلداۋ. بالالاردىڭ مۇرىن قابىنۋى كوپ قايتالاسا، مۇرىننىڭ ارت جاعىنداعى بەز ءتارىزدى دەنە ۇلعايىپ ىسىنەدى دە تىنىستاۋعا كەدەرگىلىك جاساپ، قورىلداۋ قۇبىلىسى بايقالادى.
5. تۇماۋدان ايىعا الماۋ. ەگەر بالانىڭ تۇماۋراتقانىنا 2 اپتادان اسىپ كەتسە دە ساۋىعا الماي ۇنەمى جوتەلسە، وندا بالانىڭ اسىرە سەزىمتالدىق حاراكتەرلى مۇرىن قابىنۋىنا شالدىققان - شالدىقپاعاندىعىن تەكسەرۋگە تۋرا كەلەدى. ەگەر بالادا باس اۋرۋ، ماڭقا اعۋ، قىزۋى ورلەۋ سياقتى جايتتەر بايقالسا، بالانىڭ مۇرىن قويناۋى قابىنۋ ناۋقاسىنا شالدىققان - شالدىقپاعاندىعىن ويلاستىرۋعا تۋرا كەلەدى، مۇنداي بولعاندا ەمدەپ جازۋ ءبىرشاما قيىنعا سوعادى.
اۋدارعان: احات سانياز ۇلى
(«شينجياڭ گازەتىنەن»)
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
