- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
الجۋدىڭ (مي سولۋ) الدىڭعى جانە سوڭعى مەزگىلىندەگى بەينەلەرى
شاھيزا ءالىمعازى قىزى
2016.05.13 15:45
نەرۆ اۋرۋلار ماماندارىنىڭ زەرتتەۋلەرىنە قاراعاندا، الجۋدىڭ الدىڭعى مەرزىمىندەگى بەلگىسى (سيگنالى) بولاتىندىقتان، ودان الدىن الا ساقتانۋعا بولاتىندىعى ابدەن دالەلدەندى.
ادامدار جاسى ءبىرشاما ۇلعايعان ادامداردىڭ الجۋى ادەتتە قالىپتى قۇبىلىس دەپ قاتە تۇسىنىكتە بولىپ كەلگەن. ال ايتالىق كەيبىر ۇزاق جاس جاساعان ادامدار 90 – 95 جاستا دا مۇلدە ەس اقىلىنان اداسپاي، الجىماي–اق باسقا ناۋقاستارمەن دۇنيە سالادى. ال جاسى ونشا ۇلكەن بولماعان، جاسامىستاۋ ادامداردا الجۋ ءجايتى كورىلەدى. بۇل ميدىڭ جىڭىشكە قان تامىرلارىنىڭ تارايۋى، قان قويۋلاسۋ، قان جابىسقاقتىعىنىڭ جوعارى بولۋى سياقتى ميدىڭ سولۋىنا قاتىستى ماسەلە. مي جىڭىشكە قان تامىرلارىنىڭ تارايۋىنىڭ ادامداردىڭ جاسىمەن بولعان بايلانىسى ونشا زور ەمەس. ءمالىم دارەجەدە اسەرى بار دەپ ايتۋعا بولادى. ايتسە دە، بۇل اۋرۋ الجىعان، قارتايعان ادامداردا كوبىرەك كەزدەسەدى.
الجۋ – بايقالعاندا مي قان تامىرلارىنىڭ تارايۋ دارەجەسى %90–80 پايىزعا جەتەدى. بۇدان بۇرىن بايقالعان نەمەسە كورىلگەن قان تامىر تۇتىكشەسى تارايۋ، قاننىڭ اينالىسى كەدەرگىگە ۇشىراۋ، قان قويۋلاسۋ، قاتايۋ، قانداعى ماي قۇرامى جوعارىلاۋ سياقتى كوپتەگەن وزگەرىستەر كەلىپ شىعادى. بۇل زارداپ بارىسى وتە جاسىرىن بولسا دا جاسى قانشا كىشى بولعانىمەن، قالايدا بەلگى بەرەدى. ءبىراق مۇنىڭ بەلگىلەرى، بەينەلەرى وتە تەز، شۇعىل، تۇراقسىز ءارى ءبىر مەزەتتىك وزگەرىس بولعاندىعى سەبەپتى، كوبىندە، ادامدار جاعىنان ەلەپ–ەسكەرۋسىز قالادى. وعان قىراعى بولماعاندا سەزبەي دە قالادى. ءبىراق قازىر مەديتسينا ەرەكشە دامىدى. الدىن الا دياگنوز قويۋعا بولادى. جاقىنعى جىلداردان بەرگى زەرتتەۋلەرگە قاراعاندا، كلينيكا سالاسىنداعى مامانداردىڭ تۇجىرىمى، الجۋدىڭ سيگنالى «العاشقى باسقىش»، سونداي–اق «سوڭعى باسقىش» دەپ ەكى تۇرگە انىق ايىرىپ وتىر.
جارىم جىلدان ءۇش جىلعا دەيىنگى ارالىقتاعى الجۋدىڭ بەينەلەرى:
(1) قىسقا ۋاقىت ىشىندە جارىم دەنە ۇيۋ. (2) قىسقا ۋاقىتتىق جاعىمسىز اۋرۋ. (3) باستى تەز بۇرعاندا، باسى قاتتى اينالۋ. باسى اۋرۋ ءارى قىسقا ۋاقىت ىشىندە كورۋ قۋاتى السىرەۋ، كورە الماۋ. (4) سەبەپسىز تۇردە ارت–ارتىنان كوپ ەسىنەۋ. بۇل بەينەلەر «سوڭعى باسقىش» دەلىنەدى.
ال شۇعىل الجۋ بەلگىلەرى، بەينەلەرى كورىلسە وعان نەمقۇرايدى قاراۋعا بولمايدى. بۇل ارت–ارتىنان قايتالانعان نەمەسە كوپ بەينەلەرى كورنەكتىلەتىن بولسا «العاشقى باسقىش» سيگنالى بولىپ ەسەپتەلەدى. مۇنىڭ ناقتى بەينەلەرى: (1) ۇزدىكسىز باس اۋرۋ، كوز الماسىنىڭ استى تالىپ اۋرۋ. (2) مويىن سىرەسىپ اۋرۋ، ەكى يىق جوتامەن قوسىلىپ اشىپ اۋرۋ. (3) ءسوز سويلەگەندە اياق استىنان ءتىلى كەدەرگىگە ۇشىراعانداي كۇرمەلۋ، اۋزىنا ءبىر نارسە كەپتەلگەندەي بولىپ، سويلەي الماي، قارسى جاقتىڭ ءسوزىن تىڭداپ ۇعا الماي، مەڭىرەيىپ قالۋ. (4) تۇيىقسىز كورۋ قۋاتى السىرەپ، كوزىنىڭ الدى قاراۋىتىپ الداعى نارسەلەر قوس كورىنۋ، گازەت–جۋرنال جازۋلارى جوعارى–تومەن بولىپ كورىنۋ. (5) كوز كولەگەيلەنۋ. قۇلاق جاڭعىرۋ، شۋلاۋ، قانى باسىنا ورلەگەندەي سەزىم بولىپ، قىزىنىپ ءتىلى قاتىپ قالۋ. ءتىلى سوزگە كەلمەۋ. ويى سەرگەك، سويلەۋ ويى بولسا دا. سويلەي الماۋ. (6) ءتۇزۋ جۇرە الماۋ. جٷرسە دە ءوز دەنەسىن بيلەي الماي، وڭعا–سولعا سەندەلەكتەۋ، ءتىپتى، تۇتقيىل جىعىلىپ قالۋ. (7) ارەكەت جاساعاندا، قول بارماقتارى دىرىلدەۋ. (8) قولمەن ءتۇزۋ سىزىق سىزا الماۋ، قالام ۇستاۋى قالىپسىز بولۋ، قولى دىرىلدەۋ.
(9) ساقپى–قاسىق ۇستاي الماۋ نەمەسە ءوزى تاماق جەي الماۋ، مي قاشۋ، قولدان بىردەڭەلەر تۇسكىش بولۋ. (10) قالىپتى تۇرمىس ىشپەك–جەمەك ادەتى تۇتقيل وزگەرۋ. (11) ۇزدىكسىز ەس اقىلىنان اداسۋ، مەڭىرەيىپ، الجاسىپ قالعانداي بولۋ، ەرەكشە ۇمىتشاق بولۋ. (12) بەتتىڭ ءبىر جاعى نەمەسە قول–اياعى تارتىلۋ، بولىمسىز قيسايۋ، ءجۇرىس–تۇرىسى قالىپسىز بولىپ، اياق استىنان اياق الىس ريتىمى بۇزىلۋ سياقتى كوپتەگەن بەينەلەردى قامتيدى.
ەسكەرتىپ ايتىلعان بۇل العاشقى نەمەسە سوڭعى باسقىشتارداعى سيگنالدارعا نەگىزدەلىپ، ءسوزسىز، وسى ناۋقاسپىن دەپ كەسىپ ايتۋعا ءارى يدەيالىق جاقتان قوبالجۋعا بولمايدى.
جوعارىداعى ايتىلعان «العاشقى باسقىش» بەينەلەرىنەن قورقىپ كەتپەۋ، «سوڭعى باسقىش» بەينەلەرىنە نەمقۇرايدى قاراماۋ كەرەك». ەگەر بايقالا جاتسا مۇقيات كوڭىل ءبولۋ كەرەك. مۇنداي جاعدايدا دارىگەرلەردىڭ ءناسيحاتىن ءارى كەڭەس بەرۋىن تىڭداپ تۇرمىستى قالىپتى تۇردە باسقارۋ قاجەت. قازىر مەديتسينا دامىدى، جاعداي جاقسى. CT اپپاراتى بار. قالايدا الدىن الا انىقتاۋعا ابدەن بولادى. مي قان تامىرلارىن جاقسارتاتىن، ميدى قۋاتتاندىراتىن وزىق ۋكول–دارىلەر بارشىلىق. بۇدان سىرت، الجۋدىڭ بەينەلەرى تۇرلىشە بولىپ، ءاربىر ادامدا تۋىلاتىن بەلگىسى، سەزىنۋى، بايقالۋى ۇقساس بولمايدى. ءبىر ادامدا ءبىر جولعى كورىلگەن بەينەلەر، الدىڭعى نەمەسە كەيىنگى جولدارداعى بەينەلەرگە انىق ۇقسامايدى، سونداي–اق وتە كورنەكتى انىق–اشىق بولمايدى. كەيبىر ادامداردا مۇلدە بايقاۋعا بولمايدى. سول ءۇشىن، ادامدار وزىندەگى ەكى وزگەرىستى سەزىنۋگە قىراعى بولۋ، كەيبىر ەرەكشە بەينەلەۋگە سەلقوس قاراماۋ قاجەت. ال قىراعى بولۋدا، قالىپتان تىس گٷمانشىل بولۋ دا ادامدى ورىنسىز الاڭداتادى. ويلاعان سايىن مول بەينەلەر بار سياقتى بولىپ سەزىلەدى. ورىنسىز قايعىرۋ ءتىپتى دە قاتەرلى.
سوندىقتان دەنساۋلىقتى قورعاۋ، اۋرۋدىڭ الدىن الۋ، ۋاعىندا شيپاحاناعا بارىپ داۋالانۋ جاقتارىنداعى سانامىزدى جوعارىلاتىپ، ءوزىمىزدى عىلمي جولمەن تارتىپكە سالۋىمىز، اۋرۋ بەينەسى بايقالعاندا، دەرەۋ الدىن الا ەمدلەۋ، ورايدى قولدان جىبەرىپ قويماۋ كەرەك.
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
