بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

كوكتەم مەزگىلىندە جۇتقىنشاق قابىنۋ اۋرۋىنان قالاي ساقتانۋ كەرەك

2016.05.19 15:42     كەلۋ قاينارى : شينجياڭ گازەتى

  كوكتەم مەزگىلىندە تاڭەرتەڭ مەن كەشكى تەمپەراتۋرا پارقى زور، بوران كوپ، اۋا قۇرعاق، باكتەريا ۆيرۋسى ءبىرشاما تەز ءوسىپ - وربيتىندىكتەن، جۇتقىنشاق قابىنۋ اۋرۋىنا شالدىققان ناۋقاستاردىڭ سىرقاتى وڭاي قوزعالىپ، تۇرمىسى مەن قىزمەتىنە زور ىقپال جاسايدى. سوندىقتان كوكتەم مەزگىلىندە عىلمي تۇرمىس ادەتىن سەرىك ەتىپ، اۋرۋ باكتەرياسىنان ءونىمدى ساقتانىپ، دەنساۋلىق اقاۋسىزدىعىنا كوڭىل بولگەنىمىز ابزالدى.

  1. تاماشا تازالىق داعدىسى مەن تاماقتانۋ داعدىسىن قالىپتاستىرۋ. تاڭەرتەڭ ورنىنان تۇرعاندا ءبىر ستاكان تۇز قوسىلعان قايناق سۋ ءىشۋ قاجەت، بۇل دەنەنىڭ سۋ قۇرامىن تولىقتاپ، قابىنۋدى قايتارۋ رولىن اتقارادى. تاماقتانۋدىڭ الدىندا جانە تاماقتانعاننان كەيىن اۋىز شايقاۋ ادەتىن قالىپتاستىرىپ، تاڭەرتەڭ - كەش ءتىس شوتكىلەپ، اۋىز قۋىسىنىڭ تازالىعىنا كوڭىل ءبولۋ كەرەك. جايشىلىقتا بولمە اۋاسىنىڭ ىلعالدىلىعىن ساقتاپ، قىس مەزگىلىندە ىلعالداندىرۋ اسپابىن پايدالانۋ قاجەت. كۇندەلىكتى تۇرمىستاعى ساقتانۋ شارالارىن ۇيلەسىمدى قولدانا بىلگەن ءجون.

  2. كوكونىستەر مەن جەمىس - جيدەكتەرى كوپ تۇتىنۋ. ايداعار كوز جەمىسى، ليجى جەمىسى جانە ەت سياقتى ىستىقتى اسىراتىن ازىقتىقتاردى از تۇتىنىپ، الما، المۇرت، تسيترۋس، بانان، ءجۇزىم، اپەلسين، قاربىز، كەلتە باس، قانت قۇراعى سياقتى جەمىستەردى كوپ تۇتىنۋ قاجەت. مۇنان تىس، ءسابىز، ساۋمالدىق، اسقاباق، اس جۋا، قيار، قىزاناق، شىتىرشىق، باكلاجان سياقتى قۇرامىندا ۆيتامين A مول كوكونىستەردى كوپ تۇتىنعان ءجون.

  3. اشتى ازىقتىقتاردى از تۇتىنۋ. سوزىلمالى حاراكتەرلى جۇتقىنشاق قابىنۋ اۋرۋىنا شالدىققاندار مۇمكىندىگىنشە قاقتالعان ەت، تۇشتى سورپا، اراق جانە تەمەكى سياقتى تىتىركەندىرگىش ازىقتاردى تۇتىنۋدان ساقتانۋ قاجەت. كۇندەلىكتى تۇرمىستا قاتىقسىز ازىقتار، كوكونىس جانە بۇرشاق ونىمدەرىن كوپ تۇتىنىپ، كوپ سۋ ءىشىپ، جەتكىلىكتى ۇيقىعا كەپىلدىك ەتۋ كەرەك.

  4. قاتتى ايعايلاۋعا نەمەسە قاتتى سويلەۋگە بولمايدى. جۇتقىنشاق قابىنۋ اۋرۋىنا شالدىققاندار دەمالىسقا كوڭىل ءبولۋى قاجەت. مۇنان تىس، دەنە شىنىقتىرۋعا كوڭىل ءبولىپ، اۋرۋعا قارسىلىق قۋاتى مەن يممۋنيتەتتىك قۋاتىن ارتتىرعانى ءجون. قىزمەت قاجەتىنە قاراي سويلەۋگە تۋرا كەلگەندە، قاتتى سويلەۋدەن ساقتانۋ كەرەك.

  5. باسقا اۋرۋلاردى دەركەزىندە ەمدەتۋ. تۇماۋ نەمەسە باسقا دا اۋىز قۋىسى اۋرۋىنا شالدىققاندار دەر كەزىندە ەمدەتپەسە، قوسالقى جۇتقىنشاق قابىنۋ اۋرۋى پايدا بولىپ، سوزىلمالى حاراكتەرلى جۇتقىنشاق قابىنۋ اۋرۋىنا اينالۋى مۇمكىن. سوندىقتان تۇماۋ نەمەسە باسقا دا اۋرۋلاردى دەر كەزىندە شيپاحاناعا بارىپ ەمدەتۋ كەرەك.

  6. بەتالدى ءدارى ىشۋگە بولمايدى. ادامداردا اۋىرىپ قالعاندا ءدارى - دارمەك دۇكەندەرىنە بارىپ بەتالدى ءدارى ساتىپ الىپ تۇتىناتىن ناشار داعدىلار ساقتالۋدا. جۇتقىنشاق قابىنۋ اۋرۋىنا قابىنۋدى قايتاراتىن ءدارى - دارمەكتەردى بەتالدى پايدالانۋعا بولمايدى، ءىشىنارا قابىنۋدى قايتاراتىن دارىلەردىڭ قۇرامىندا انتيبيوتيك بولاتىندىقتان تۇتىنعاننان كەيىن اۋرۋ جاعدايى باسەڭدەمەيدى، كەرىسىنشە، دەنەنىڭ باسقا ورىندارىندا جايسىزدانۋلار پايدا بولادى. سوندىقتان جۇتقىنشاق قابىنۋ اۋرۋىنا شالدىققاندار جۇيەلى ەمدەۋ ورىندارىنداعى شيپاگەرلەرگە ەمدەلىپ، قاجەتتى دارىلەردى تۇتىنعانى ءجون.

  مۇنان تىس، سوزىلمالى حاراكتەرلى جۇتقىنشاق قابىنۋ اۋرۋىنا شالدىققاندار تۇرمىسىن ۇيلەسىمدى ورنالاستىرىپ، كوڭىل كۇيىن كوتەرىڭكى ۇستاپ، مازالانۋ مەن جابىرقاۋدان ساقتانىپ، ۇيلەسىمدى مولشەردە دەنە شىنىقتىرىپ، دەنە قۋاتىن ارتتىرىپ، تىنىس جولى قابىنۋ اۋرۋلارىنان ساقتانىپ، اراق پەن تەمەكىنى از تۇتىنىپ، جۇتقىنشاق ءبولىمنىڭ توڭىرەگىندەگى مۇشەلەردەگى اۋرۋلاردى دەر كەزىندە ەمدەتۋگە كوڭىل ءبولىپ، ءتۇن بويى كىرپىك ىلمەۋ، تۇندە اۆتوكولىك جۇرگىزۋ سياقتى ناشار تۇرمىس داعدىلارىنان ساقتانىپ، عىلمي، اقاۋسىز ازىقتانۋ داعدىسى مەن تاماشا تۇرمىس داعدىسىن قالىپتاستىرىپ، مىسقىلداپ كىرىپ، باتپانداپ شىعاتىن اۋرۋدىڭ الاپاتىنان ەرتە ساقتانىپ، ەرتە ەمدەتكەن ءجون.

  اۋدارعان: تۇيمەقان يساقان قىزى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.