- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ايەل ايالاۋ ءۇشىن جارالعان
2016.05.19 15:42 كەلۋ قاينارى : شينجياڭ گازەتى
ايەل دەگەن ءبارىمىزدىڭ انامىز، اپەكە، قارىنداس، ءسىڭلى، جەڭگەمىز، كەلىنىمىز. قۇربىمىز، دوسىمىز، جۇرەگىمىز ءسۇيىپ، كوڭىلىمىز قالاپ العان اسىل جارىمىز.
سوندىقتان ايەل تۋرالى ءسوز قوزعاۋدىڭ ءوزى ۇلكەن جاۋاپكەرشىلىكتى تالاپ ەتەدى. ءبىزدىڭ بۇگىنگى ءسوز ەتكەلى وتىرعانىمىز تەك ارداقتاۋعا عانا جاراتىلعان، ءبىر قولىمەن بەسىكتى، ءبىر قولىمەن الەمدى تەربەتكەن اسىل انالار تۋرالى بولماق.
«ەركەك −ءۇيدىڭ يەسى، ايەل − ءۇيدىڭ شەگەسى» دەيتىن ءسوز بار. مۇنداعى ماعىنا ەر مەن ايەل ءبىر - بىرىنە سۇيەۋ بولا وتىرىپ تولىققاندى وتباسىن قۇرايدى دەگەن ءسوز. ءوز كەزەگىندە شاڭىراق كوتەرىپ، وتباسىنىڭ ىرگەتاسىن قالاۋ −- قاي قوعامدا، قاي زاماندا، قايسى ءبىر ەلدە بولماسىن، باستى قۇندىلىق. سوندىقتان ءار وتباسىن بەرىك ۇستاپ، ونىڭ باقىتتى بولۋى ءۇشىن قاجەتتى قاعيدالار ورىنداۋ ەر ادام ءۇشىن مىندەت بولماق. ال قاعيدالار تۋرالى ايتار بولساق، بارلىعى ۇلتتىق داستۇرىمىزگە قايشى كەلمەيتىن ۇعىمدار، ياعني جان جارىڭىزدى باقىتتىڭ بيىگىنە كوتەرۋگە قاجەتتى كەڭەستەر. ەندەشە، ۇلى تۇلعالارىمىز قالدىرعان وسىناۋ ۇستانىم - كەڭەستەردى ءاربىر ەر ادام بىلە جۇرسە دەگەن ويمەن تاراتىڭقىراپ ايتقاندى ءجون دەپ تاپتىق.
جومارتتىقتى ايەلىڭىزگە كورسەتىپ، ساراڭدىقتان اۋلاق بولعانىڭىز ابزال. ايەلمەن الىس - بەرىس بولعاندا ءاردايىم «اسىل ەردىڭ ىشىندە التىن ەرلى ات جاتار» دەگەن ءسوزدى ۇمىتپاۋ كەرەك.
قانداي جاعدايدا دا ەر ادام سابىردى سەرىك ەتۋى، ماسەلەنى قىزبالىقپەن ەمەس، سۋىق اقىلعا سالۋدى نازاردا ۇستاۋى كەرەك. «... قارا سۋ ەسىك الدى قايىق كەتەر، اڭدي باس اياعىڭدى تايىپ كەتەر». ويتكەنى وتباسى − ەر ادام ومىرىندەگى ەڭ ۇلكەن جاۋاپكەرشىلىكتىڭ ءبىرى.
ايەلمەن قارىم - قاتىناستا تىم جۇمساقتىق پەن قاتار اسا قاتتى بولۋعا دا بولمايدى. قاتتىلىق پەن جۇمساقتىقتىڭ دەڭگەيىن تەڭ الىپ جۇرگەن وتاعاسى قانداي ەلدە، قاي زاماندا بولماسىن ءوز مىندەتىن ءساتتى اتقارعان باقىتتى ەركەك بولماق.
ەر ادام باسقانىڭ پىكىرىن تىڭداي دا، قابىلداي دا بىلۋگە ءتيىس. سول سياقتى ءوزىنىڭ جارىن رەتىن تاۋىپ ماقتاۋ ارتىق بولمايدى. ويتكەنى «ايەل ادام نە ىستەسە دە، ونى جارى ءۇشىن جانە بالالارى ءۇشىن ىستەيدى. ونىڭ ەڭبەگىن باعالاپ، قادىرىن ءبىلۋدى قالايدى»، - دەيدى پسيحولوگتار.
ايەلىڭىز ءسىزدىڭ جانىڭىزدا ءوزىن ەش الاڭسىز سەزىنسە، سىزدەن باقىتتى وتاعاسى بولماۋعا ءتيىس.
ۇيىڭىزدە نەمەسە سىرتتا جۇرگەندە دە ايەلىڭىزگە دەگەن جاۋاپكەرشىلىگىڭىزدى وعان ءىس - ارەكەتتەرىڭىز ارقىلى سەزىندىرىپ ءجۇرىڭىز. سوندا ونىڭ كوڭىلىندە تىنىشتىق، مىنەزىندە سابىرلىلىق ورناي باستايدى. قىز كۇنىندە جاقسى بولعان، ءبىراق وتاۋ قۇرعان سوڭ ايەلدىڭ وزگەرىپ كەتۋى ەركەكتىڭ ايەل الدىنداعى ءوز مىندەتىن اتقارا الماۋىنان بولۋى مۇمكىن.
ايەل ادامنىڭ جاراتىلىسى نازىك، سوندىقتان ونى ايالاۋعا ءار ۋاقىتتا دايىن بولىڭىز. ونىمەن قارىم - قاتىناستا ءوزىڭىزدى بارىنشا بايىپتى ۇستاڭىز.
ايەلىڭىزگە كەڭەس ايتقاندا مەيلىنشە جۇمساق سويلەڭىز. ونىڭ كەمشىلىكتەرىن جۇرت الدىندا بەتىنە باسۋدان اباي بولعان ءجون.
ايەلىڭىزدى وزىنە ۇنايتىن ەسىمدەرىمەن شاقىرىڭىز. بۇل ەكەۋىڭىزدىڭ اراڭىزداعى قارىم - قاتىناستى ودان دا ارى جاقىنداتىپ، ءبىر - بىرلەرىڭىزگە دەگەن مەيىرىمدەرىڭىزدى كۇشەيتەدى. ودان بولەك كۇتپەگەن جاعدايدا قۋانتىپ تۇرۋدى ۇمىتپاڭىز.
ايەلىڭىزدىڭ اتا - اناسىن، تۋىس - تۋعاندارىن ۇنەمى قولداپ وتىرۋعا تىرىسىڭىز. ونى ءوز اتا - اناسىنىڭ، باۋىرلارىنىڭ، تۋىس - تۋعاندارىنىڭ الدىندا ماقتاپ، دارەجەسىن كوتەرىپ تە قويىڭىز. ودان ءبىر جەرىڭىز كەمىپ، نە ورتايىپ قالمايدى. بۇل ءسىزدىڭ كىشىلىگىڭىز بەن كىسىلىگىڭىزدى بايقاتادى.
ايەلىڭىزدىڭ سىرت كەسكىنىنە ءمان بەرە ءجۇرىڭىز. اشىق - شاشىق بولماۋىنا، ادەپ ساقتاپ سويلەۋىنە كومەكتەسىڭىز.
بۇگىنگىدەي قاربالاس زاماندا ءۇي شارۋاسى تەك ايەلدەردىڭ جۇمىسى دەگەن دۇرىس پىكىر ەمەس. سوندىقتان ولارعا تيىسىنشە ءۇي ىشىندە كومەكتەسىپ تۇرعان ءجون. ءۇيدىڭ بارلىق جاۋاپكەرشىلىگى ايەلدىڭ نازىك يىعىندا جاتىر. ونىڭ شارشاۋى ابدەن - اق مۇمكىن، سونداي كەزدەرى تۇسىنەتىنىڭىزدى ۇقتىرىپ، كەي ىستەرىن جەڭىلدەتىڭىز.
ءيا، بالالارىڭىزدى تاربيەلەۋدە تەك ونىڭ عانا مىندەتى ەمەس، تاياقتىڭ ءبىر ۇشى سىزدە. ەرتەڭگى كۇنى ۇرپاقتىڭ قۋانىش - قايعىسى ەكەۋىڭىزگە ورتاق ەكەنىن ويدان شىعارماۋ كەرەك.
جالپى ايەل ادام وتباسىندا ءوزىن باقىتتى سەزىنسە، كوڭىلى تىنىش بولسا، وندا، ەڭ باستىسى، وتاعاسى ءوزىنىڭ ەر ادام رەتىندەگى جاۋاپكەرشىلىگىن مۇلتىكسىز اتقارۋدا دەگەن ءسوز. ويتكەنى ايەل ادام نازالانسا جەكە مۇددەسى ءۇشىن ەمەس، وتباسى ءۇشىن نازالانادى. سوندىقتان بارلىق نارسەگە تياناقتى كوزقاراسپەن قارايتىن ايەلدەر كوڭىلىنەن تىنىشتىق كەتپەسىن. ال انالار الاڭسىز ءومىر سۇرسە، ادامزات الاڭسىز ءومىر سۇرەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
