- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇكتى ايەلدەر عىلمي ازىقتانۋعا باسا نازار اۋدارۋى كەرەك
2016.05.24 12:44
عىلمي ازىقتانۋ -دەنساۋلىقتى قورعاۋداعى ەڭ ءونىمدىءتاسىل، اسىرەسە، جۇكتى ايەلدەر جونىنەن العاندا، بۇنىڭ رولى اسا زور. دۇنيە جۇزىلىك دەنساۋلىق ساقتاۋ ۇيىمىنىڭ ءارقايسى ەلدەگى تۇرعىنداردىڭ ازىقتانۋ قۇرىلىمىنا جۇرگىزگەن تەكسەرۋ دوكلادىنا نەگىزدەلگەندە، ازىق-تۇلىك قۇرىلىمى مول، عىلمي ازىقتانۋعا ءمان بەرەتىن مەملەكەت جانە رايونداردا تۋىلعان بالالاردىڭ دەنساۋلىق جاعدايى، تاماق قۇرىلىمى جالاڭ ءارى قورەكتىگى تومەن ەلدەرگە سالىستىرعاندا كورنەكتى بولعان. سوندىقتان ماماندار بالالاردىڭ ازىقتانۋ جاعدايىن جاقسارتۋدى، بۇل تۇردەگى جاقسارتۋدى بالانىڭ ىشتەگى كەزىنەن باستاۋدى ەسكەرتەدى:
1. بالالى بولۋدان بۇرىن ەرلى-زايىپتىلار ازىقتانۋ قۇرىلىمىن رەتتەپ، ءتۇرلى ۆيتامين جانە مينەرالدى زاتتاردى تولىقتاۋعا نازار اۋدارۋى، اسىرەسە، قۇرامىندا جاپىراق قىشقىلى (叶酸) مول بولعان قوي، سيىردىڭ باۋىرى، كوگونىس تۇرلەرىن تۇتىنۋى كەرەك. سەبەبى جاپىراق قىشقىلى ىشتەگى نارەستەنىڭ نەرۆ جۇيەسىنىڭ اقاۋسىز جەتىلۋىندە ماڭىزدى رول اتقارادى.
2. تەمىر جەتپەۋ سيپاتتى قان ازدىقتان ساقتانىپ، قۇرامىندا تەمىر مول ازىق-تۇلىكتى كوپ جەۋ كەرەك. ادەتتە تاۋىق، ۇيرەك، قوي، سيىرلاردىڭ باۋىرى، شىلان سياقتىلاردىڭ قۇرامىندا تەمىر مول بولادى. سوندىقتان جۇكتى ايەلدەر جوعارعى ازىقتاردى ۇيلەسىمدى جەگەندە، بالادا تەمىر جەتپەۋ سيپاتتى قان ازدىقتىڭ پايدا بولۋىنان ساقتانۋعا بولادى.
3. يود قوسىلعان تۇز، تەڭىز ونىمدەرىن ۇيلەسىمدى مولشەردە تۇتىنۋ كەرەك. دارىگەرلىك تۇرعىسىنان العاندا، جۇكتى ايەلدەردىڭ دەنەسىندە يود كەمشىل بولسا، جەڭىل بولعاندا بالا ءالجۋاز، دەنەسى سۋىققا توزە المايتىن بولىپ قالادى. يود اۋىر دارەجەدە كەمشىل بولسا، بالادا اقىل-وي كەمىستىگى كورىلەدى. سوندىقتان جۇكتى ايەلدەر بەلگىلى مولشەردە يود قوسىلعان تۇز تۇتىنۋى، شارت-جاعدايى جار بەرسە، اپتاسىنا ءبىر رەت تەڭىز ونىمدەرىن جەۋى كەرەك.
4. مايسىز تاعامداردى كوبىرەك جەۋ كەرەك. جۇكتىلىكتىڭ العاشقى مەزگىلىندە جۇكتى ايەلدەردىڭ كوبىندە قۇسۋ، مايلى تاعامدارعا تابەتى تارتپاۋ جايتتەرى بايقالادى. سوندىقتان بۇل مەزگىلدە جۇكتى ايەلدەر ءوزىنىڭ جانە ىشتەگى نارەستەنىڭ ازىقتانۋ قاجەتىن قامتاماسىزداندىرۋ ءۇشىن مايسىز، تەز قورىتىلاتىن، بۋعا پىسىرىلعان تاعامداردى جەۋى، تاقىل - تاقىل تاماقتانۋ ارقىلى ازىقتانۋدىڭ ويداعىداي بولۋىنا باسا نازار اۋدارۋى كەرەك.
5. تاماق ءتۇرىن كوبەيتۋ، ەت تۇرلەرىن، اسىرەسە، تاۋىق، بالىق ەتى، جۇمىرتقا، قارا استىق، بۇرشاق سىندى ازىقتىق قۇرامى مول ازىقتىقتاردى كوپ جەۋ، ۆيتامينB تولىقتاۋعا ءمان بەرۋ كەرەك. جۇكتى ايەلدەردىڭ دەنەسىندە ۆيتامينB كەمشىل بولسا، اس قورىتۋى جاقسى بولمايدى. بۇدان تىس ەكى اياعى ءىسىپ كەتكەندەر تاماقتى تۇزسىز ءىشۋى، دەنەگە بەلوك تولىقتاۋى كەرەك.
6. سيىر ءسۇتىن جانە باسقا دا ءسۇت تۇرلەرىن كوبىرەك ءىشۋ كەرەك. سەبەبى جۇكتى ايەلدەردىڭ دەنەسىندە كالتسي كەمشىل بولسا، ىشتەگى نارەستەنىڭ ءتىس جانە سۇيەگىنىڭ جەتىلۋىنە ىقپال جاسايدى. ودان تىس ىشتەگى نارەستەنىڭ دەنەسىنىڭ كالتسيدى قاجەتسىنۋى جۇكتىلىكتىڭ سوڭعى ەكى ايىندا كورنەكتى بولاتىندىقتان، جۇكتى ايەلدەر كالتسي تولىقتاۋمەن بىرگە، كۇنگە قاقتالىپ، دەنەسىنە ۆيتامينD تولىقتانۋدى جەبەۋى، اسىرەسە، بالىق مايى، قوي، سيىردىڭ باۋىرى جانە جۇمىرتقا سياقتى ازىقتىقتاردى مولىراق تۇتىنۋى كەرەك.
7. عىلمي ازىقتانۋعا نازار اۋدارىپ، دەنە سالماعىن قالىپتى ساقتاۋى قاجەت. جۇكتىلىك مەزگىلىندە دەنەگە ازىقتىق جەتپەگەندە، ىشتەگى نارەستەنىڭ جەتىلۋى باياۋلايدى. ال، ازىقتىق مولشەرى ارتىپ، جۇكتى ايەلدىڭ دەنە سالماعى قالىپتى مولشەردەن اسىپ كەتكەندە، قان قىسىمى جوعارىلاپ، باسقا ءتيىمسىز جاعدايلار بەلەڭ بەرۋى مۇمكىن. سوندىقتان جۇكتى ايەلدەر عىلمي، ۇيلەسىمدى ازىقتانىپ، دەنە سالماعىن قالىپتى مولشەردە ساقتاۋمەن بىرگە، ۇيلەسىمدى ارەكەتتەرمەن اينالىسىپ، دەنە سالماعىنىڭ جوعارىلاپ كەتۋىنەن ساقتانۋى كەرەك.
كەلۋ قاينارى: ىلە كەشى گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
