- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اتا - انا بالالارىنىڭ اراسىنا تۇسپەۋ كەرەك
2016.05.25 10:56 كەلۋ قاينارى : شينجياڭ گازەتى
بالالار ءبىر - بىرىمەن قازىر شەكىسسە، ءبىرازدان سوڭ ءبارىن ۇمىتىپ قايتا تاتۋلاسىپ جاتادى، ويىن بالاسىنىڭ ىسىنە ۇلكەندەر ارا تۇسسە، بولماشى ءىستىڭ ۇلكەن داۋعا اينالاتىندىعى بارىمىزگە ايان. ءبىر كلاستا وقيتىن 2 بالانىڭ كەسىرىنەن تۋعان تومەندەگى مىسال اتا - انالارعا ساباق بولسا ەكەن.
«قارعا بالاسىن اپپاعىم، كىرپى بالاسىن جۇمساعىم دەر»
− ۇلىمنىڭ ساباقتاسىنىڭ شەشەسى جۋىقتا مەكتەپتە «بالامدى نەگە باسىناسىڭ» دەپ ۇلىمنىڭ قۇلاق شەكەسىنەن شاپالاقپەن تارتىپ جىبەرىپتى. مۇنى ەستىپ مەكتەپكە بارسام، بالامدى ۇرعان الگى ايەل كەتىپ قالىپتى، ۇلىمنىڭ قۇلاعى زاقىمدالىپ قان اققاندىقتان، شيپاحاناعا جاتقىزىپ ەمدەتتىم. شيپاگەر «ميى جەڭىل دارەجەدە شايقالعان، وڭ جاق قۇلاعىنىڭ ەستۋ تۇيسىگىنە اسەر ەتكەن» دەپ دياگنوز قويدى. ەندى عانا 11 جاسقا شىققان بالاعا وسىنشا قاتتى قول جۇمساعانى نەسى؟ − دەپ ايگۇل بولعان جاعدايدى تىلشىگە اڭىس ەتتى.
ءتىلشى شيپاحاناعا الھامجاننىڭ كوڭىلىن سۇراي باردى.
− سادىر ەكەۋىمىز ءبىر كلاستا وقيمىز، ەكەۋىمىز ءبىر ايدىڭ الدىندا دەنە تاربيە ساباعىندا رەنجىسىپ قالعان ەدىك. جۋىقتا ول ماعان ءتىل تيگىزگەندىكتەن، تاعى دا قايشىلىقتاسىپ قالدىق. ەرتەسى اتا - انالار جيىنى اشىلدى، سادىردىڭ شەشەسى جيىننان شىققاننان كەيىن، «سەن بالامدى ابدەن باسىنىپ الىپسىڭ، سىباعاڭدى بەرىپ قويايىن» دەپ شاپالاقپەن تارتىپ جىبەردى، - دەدى الھامجان.
«بالادان جانە ونىڭ اكە - شەشەسىنەن كەشىرىم سۇرادىم»
ءتىلشى بالاعا قول تيگىزگەن رۋقياعا تەلەفون شالىپ، بولعان جاعدايدى ەگجەي - تەگجەيلى ۇعىستى.
− سول كۇنى اشۋىم قايدان كەلگەنىن بىلمەيمىن، الھامجاندى ۇرعانىم، شىنىندا، شەكتەن اسىپ كەتتى. سول كۇنى كەشتە ءۇنحاتتا اتا - انالار وسى جونىندە كوپ تالقى جۇرگىزدى. الھامجاننىڭ اكە - شەشەسىنە تەلەفون شالسام، تەلەفوندى المادى. سونىمەن 2 كۇننەن كەيىن كەرەك - جاراق جانە 3000 يۋان اقشانى الىپ، شيپاحاناعا الھامجاننىڭ كوڭىلىن سۇراي باردىم. ۇلىم «ەندى ول كلاستا وقىمايمىن» دەپ قيعىلىق سالۋدا. سول كەزدە ءوزىمنىڭ سابىرسىزدىعىمنان 2 بالانىڭ دا كوڭىلىنە قاياۋ سالعانىما قاتتى وكىنەمىن. الھامجاننىڭ ەمدەلۋىنە كەتكەن اقشانىڭ بارلىعىن كوتەرۋگە دايىنمىن، - دەدى رۋقيا.
− وسى ءىس تۋىلعاننان كەيىن، رۋقياعا «بۇل ءىستى دۇرىس ءبىر جاقتى ەتپەپسىڭ، الھامجاننىڭ اكە - شەشەسىنە جاعدايدى ءتۇسىندىرىپ، كەشىرىم سۇراي سالىڭىز» دەدىم، سونىمەن بىرگە اتا - انالارعا بالالار اراسىندا كيكىلجىڭ تۋىلسا، مۇعالىمدارعا اڭىس ەتۋدى، مۇعالىمداردىڭ لايىقتى ءبىر جاقتى ەتەتىنىن ەسكەرتتىم، قازىر ەكى وتباسىنداعى ۇلكەندەردى جاراستىرۋ قىزمەتىن ىستەپ جاتىرمىز، - دەدى كلاس جەتەكشىسى.
بالالاردى تاتۋلىققا شاقىرۋ كەرەك
شينجياڭ ۋنيۆەرسيتەتىنىڭ پسيحولوگيالىق كەڭەس بەرۋ ورتالىعىنىڭ 2 - دارەجەلى پسيحولوگيالىق كەڭەسشىسى اسيا يكىم وسى جونىندە بىلاي دەدى: −− اتا - انا الدىمەن بالالاردىڭ ويىن بارىسىندا سوزگە كەلىسىپ، توبەلەسىپ قالۋىنىڭ قالىپتى جاعداي ەكەنىن، بالالاردىڭ اراسىنا تۇسەمىن دەپ دورەكىلىككە باسسا، وزگەلەردىڭ بالاسىنا رۋحاني جانە دەنە جاعىندا زيان جەتكىزۋمەن بىرگە، ءوز بالاسىنا دا رۋحاني جاقتاعى زيان جەتەتىنىن ءبىلۋى كەرەك. دورەكىلىككە سالىنىپ، بالاعا قول جۇمساۋشىلار قاتەلىكتەرىن شىنايى تانىپ، قايشىلىقتى دۇرىس شەشىپ، بالالارىن تاتۋ - ءتاتتى قاتىناس ورناتۋعا جەتەكتەۋ كەرەك؛ ونان قالا بەرسە، زيانعا ۇشىراعان بالانىڭ اكە - شەشەسى زياندالۋشى جاقتىڭ كىشى پەيىلدىكپەن سۇراعان كەشىرىمىن قابىلداپ، بالاسىنا كەڭ ءارى كەشىرىمشىل بولۋدىڭ اسىل قاسيەت ەكەنىن تۇسىندىرۋمەن بىرگە، وسى ىستەن ساباق الىپ، ساباقتاستارىمەن تاتۋ وتۋگە باستاۋى كەرەك؛ سوڭىندا مەكتەپ جانە مۇعالىمدار وقۋشىلار اراسىندا تۋىلعان ماسەلەلەر مەن قايشىلىقتاردى وزدەرى ءبىر جاقتى ەتۋگە جەتەكشىلىك ەتىپ، شەشۋ شارالارىن ۇيرەتۋ كەرەك. وسىلاي ىستەگەندە بالالار جولىققان ماسەلەلەردى ءوز الدىلارىنا ءبىر جاقتى ەتۋ قابىلەتىن جەتىلدىرىپ، وزدەرىنىڭ كەيىن دەربەس جۇمىس ىستەۋ قابىلەتىن جوعارىلاتۋىنا بولادى. بارلىق اتا - انا بالا ءۇشىن دەپ بارىن سالىپ جۇرگەن بۇگىنگى كۇندە، بالالار اراسىنداعى تاتۋلىقتىڭ وتە ماڭىزدى ەكەنىن جەتە ءتۇسىنۋ كەرەك.(ادام اتتارى وزگەرتىلىپ الىندى)
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
